Yeremiya 21:6 - Emakhuwa Bible

⁶ Kinoowiiva amaki a esidade ela – atthu nitho axinama – ni awosa animookhwa ni nihooxo noowoopiha.

Yeremiya 21:6 Iomraidhean Croise

Epacerero 6:7

Yave aaheera: “Kinoophwata omutthu mwa elapo ya vathi, mwa yoowo kipattunxaaka. Aani kinimwaaphwata atthu ootheene vamoha ni inama soopattuxiwa sitokweene ni sikhaani ni ipalame sa musulu, niwoko kooriipiwa murima woopattuxa.”

Yesaya 6:11

Vano miyo kaamukoha: “Ii! Yave, mpaka yaakhani?” Ni Owo aakaakhula: “Mpaka isidade sineeraaya siheleye nthala woohimakiwamo, mpaka impa othaamiwa ni imatta oheleya nthala woomalela,

Yeremiya 14:12

Naari etthukaka, Miyo nkirwa kiwiiwa okhuwelawaya; naari epakaka sooveleela soohisa ni sa etrigu, nkirwa kiwaakhulela. Ohiyanawaya, kinimwaaphwata ni ekatana, etala ni nihooxo.”

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 20:4

Vano Yave oneera ha: ‘Kinimoopakelani yoowoopihaanyu ni wa asinthamwenaanyu ootheene. Nyuwo munimoona ni maithwaanyu xaxaxa amwiittanaanyu yaawiivaka asinthamenaanyu. Kinimwinnyerera muloko wootheene wa oYuda mmatatani mwa mwene a oBabiloniya mwa yoowo anaaronghe oBabiloniya, awiivaka ni ekatana.

Yeremiya 32:24

Ikaaro sookurumulela exiri sintekiwa ni amwiittana weera ekuxe esidade. Eyo enimwinnyereriwa mmatatani mwa aBabiloniya angwanano niwoko na ekhotto, etala ni nihooxo. Yookwanihereya yeele mwaahimmaanyu, ntoko munoonaanyu vano.

Yeremiya 33:12

Yave a ikuru sootheene oneera ha: ‘Nipuro nna nri ttewu ni noohikhaliwa atthu naari axinama – aani, mmasidadenimwaya moothemwene onookhalamotho moocihamo, eneeraayamo akukhuli yiitthuuwiheke mihuwosaya.

Yeremiya 34:17

Vanonto, Yave oneera ha: Nyuwosa khamukiiwelenle; khamulaleiye otapuxa wa mukhwiinyu ni wa mwaattamanaanyu. Tivawo, Miyo kinlaleiyaaka otapuxeyawanyu, onghima Yave, aani, moota wa otapuxeya oneera owiiveeni mwa ekatana, mwa nihooxo ni mwa etala. Kinoopakiha weera nyuwosa mukhale etthu yoowoopiha wa omwene wootheene wa mulaponi.

Yeremiya 36:29

Munleeletho Yehoyakimi mwene a oYuda: ‘Yave oneera ha: Moohisa nikwakhwala nne munakoha: “Mulepenlenimo weera mwene a oBabiloniya onimoorwa aphwateke elapo ela ni mmo aaphwatekemo atthu ni axinama?”

Yeremiya 42:22

Wa soothesene, vano mukupali weera munimookhwa ni ekhotto, etala ni nihooxo, vanipuroni munghaawelaanyu okhala.”

Yeremiya 7:20

‘Tivawo Yave onlamula sootheene oneeraawe ha: Onyoonyiwawaka ni isarasaka sinooyeeheriwa nipuro nna, mwaatthuni, mwaaxinamani, mmirini sa mmatta nitho mwa soowiima sa vathi; iyo sinoohisa ni khasicipihiwa.

Ezekiyeli 12:16

Vaheera kinoowuurela akina akina a yaawosa mwa ekatana, etala ni mwa nihooxo weera mmilokoni eneeraaya eroweru, yalape mitekosaya sootheene soohiira. Hiiho anoosuwela weera Miyo ti Yave.”

Ezekiyeli 14:13

“Mwaana a mutthu, muloko mmoha wakitthekela niwoko na ohiroromeleya, katheteela ntatanaka weera kimalihe yoocaaya ni karuuhela etala ni kaamalamaliha atthwaaya ni axinamaaya –

Ezekiyeli 14:17

Hoye hoye Miyo karuuhela ekatana elapo eyo, kineera: ‘Ekatana eviravire elapo yootheene ela,’ ni Miyo kaamalamalihamo amakaaya ni axinama,

Ezekiyeli 14:19

Hoye hoye Miyo karumihela nihooxo elapo eyo, kinayeeheramo isarasaka, kiyeehaka ephome ni kaamalamalihaka amakaaya ni axinamaaya,

Ezekiyeli 14:21

Vano Yave onlamula sootheene oneera ha: Onuutepaxe kaarumihelaka oYerusaleemu mattaruxowaaka oowoopiha maxexe ala: Ekatana, etala, axinama a ntuphini ni nihooxo, weera kaamalamaliheremo amakaaya ni axinamaaya!

Ezekiyeli 33:27

Mwaaleelase weera Yave onlamula sootheene oneera ha: ‘Kinlipela mwa okumaaka weera yaawo eniihale mmathalani, eniyiiviwe ni ekatana, yaawo ari mutuphini kinoowinnyerera wa axinama a mutuphini weera enyaanyiwe, ni yaawo antthawela moolipa ni munyattani animwiiviwa ni nihooxo.

Ezekiyeli 33:29

Miyo kaatatuxaka elapo nikare noothaamiwa niwoko na soopaka soohiira sootheene awosa ampakaaya, eniisuwele weera Miyo ti Yave.’

Ezekiyeli 7:15

Ekatana eri vaate, nihooxo ni etala siri mpuwa; yoowo anaakhale ntuphini, aniiviwe ni ekatana, ni yoowo anaakhale musidade, anaakhwe etala ni nihooxo.

Hoxeya 4:3

Tivawo elapo enlalamikaaya, ni amakaaya ootheene anoondaaya; axinama a ntuphini, ipalame sa wiirimu ni ihopa sa mphareiya sinnikhwa.

Mikeyasi 3:12

Tivawo niwoko na nyuwosa, oSiyoni oneeraaya ottipuriwe ntoko ematta, oYerusaleemu onoothatuwa ettuxo, ni nttumuxa na Empa ya Muluku nnoosareya maphuwa.

Zefaniya 1:3

“Kinimwaaphwata atthu ni axinama; kinoophwata ipalame sa wiirimu ni ihopa, ni yaawo antannyera okwattula vamoha ni atakhali. Kinoopaka yeeyo, kiphwataka omutthu mulaponi,” onghima Yave.

Luuka 21:24

Akina eniyiiviwe ni ikatana, ni akina eniironghiwe okaliposo mweelaponi sootheene. oYerusaleemu onuunyikaliwe ni amalapo mpaka ihuhusaya sineeraaya sikwaniheriwe.