Yeremiya 21:5 - Emakhuwa Bible

⁵ Miyo muneenaaka kinimoowananani ni ntata noolipaxa, ni moono wooweraxa musarani, moonyoonyiwani wootepaxa.

Yeremiya 21:5 Iomraidhean Croise

Okhuma 6:6

Tivawo: Mwaaleele aYixrayeli: ‘Miyo ti Yave. Kinimootapuxani mwa miteko sooviha sa awExipitu. Miyo kinimootapuxani mpotthani ni kinoowoopolani ni moono woolipa ni miteko sitokotoko sa nthoriho.

Okhuma 9:15

Miyo kaangwera wookola moono koovulalihakani nyuwo ni mulokwaanyu ni mahooxo yeera ewiiveeni mulaponi.

Yesaya 10:4

Kheewo muneeranyu mpake ohikhanle wiipitha variyari wa anamatthukiwa hoye hoye omorela eriyari ya anamakhwa. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Yesaya 5:25

Mwaha wa sootheene iya isara sa Yave soopattela mulokwaawe; Owo ootheteya ntatanawe weera avulalihe. Nyaako sootetereya ni mittembosaya siri ntoko ikokhola mmiseweni. Hata hiiho isarasawe khasimmala; ntatanawe nri etheteeliwo.

Yesaya 63:10

Waarookhalaru hiiho awosa yaamurukunuwela, enathananiha Munepaawe Wootteela. Tivawo Owo aathatungwaawe Mwiittanaaya ni Owo muneenaawe aahaawanano.

Yesaya 9:12

awArami a mpatta ninkhuma nsuwa ni aFilisti a mpatta ninkela nsuwa yaanyaanya woomalela oYixrayeli. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yesaya 9:21

Manaxe onoomukhuura Efrayimi ni Efrayimi Manaxe. Eeli ale anoongwanano Yuda. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Yeremiya 32:17

Ii! Yave onlamula sootheene, Nyuwo moopaka erimu ni vathi mooweranimwanyu otokotoko ni mwa moonowaanyu woowookowa. Kheewo enoorikani.

Yeremiya 32:37

Vekhaikhai Miyo kinimwaathukumanyiha mulaponi moothemwene kaamwaraxenlaaka musaranimwaka soopatta ni moonyoonyiwanimwaka otokotoko; Miyo kinimwaahokoloxera nipuro nna ni kinootthunihera weera ekhale oolipeene.

Yeremiya 36:7

Apaale wiidyoonttelelawaya onoophiya wa Yave, ni khula mutthu anaahiye mweettelowaawe woonanara, niwoko ti onyoonyiwa otokotoko olaleiwale ni Yave mwaha wa muloko ola.”

Yeremiya 37:10

Naari mwaawinneene anakhotto ootheene a oBabiloniya anoowananani, ni ehalaka asilopwana oovulalaru mmaheemanimwaya, awosa nlelo yaamvenyera ehiseke esidade ela.”

Yeremiya 6:12

Impasaya animwinnyereriwa akina vamoha ni imattasaya ni axaaraya Miyo kaawookolelaka moonowaaka yaawo amanke elapo ela,” onghima Yave.

Icipo Soolalamika 2:3

Musaranimwawe soopatta, ookwasa owera wootheene wa oYixrayeli. Oovenxa moonowaawe woolopwana amwiittana emwaattamelaka. Oomuhisa Yakobe ntoko mooro ovarelaka onlaliha sootheene sirukureenre.

Ezekiyeli 39:3

Vano, kinimwintaka muura ori muntatanimwanyu noothiyana, kimoroxeke nyuupasanyu siri muntatanimwanyu noolopwana.

Ezekiyeli 5:8

Tivawo Yave onlamula sootheene oneeraawe ha: Miyo kinoowananani nyuwo Yerusaleemu ni kinimoottaruxani miloko soonaka.

Deuteronomiyo 4:23

Mwiipasoope weera muhittiwale wiiraana wa Yave Mulukwaanyu oopakenlaaweni. Muhiipakele akhalaru muluku mulikanxeraka yakhalaru etthu Yave Mulukwaanyu ookhoottihenraaweni.

Deuteronomiyo 4:34

Khoowowo muluku mukina olakenle okhumiha muloko mmoha variyari wa mukina weera okhale wawawe ovarelaka muteko woota murima, ineneero sootikhiniheya, owana, ntata nooweraxa, moono woolipa ni miteko sitokotoko ni sooweraxa. Itthu sootheene iye oopakenlaaweni Yave Mulukwaanyu wExipitu, ntoko moonnaanyu ni maithwaanyu!