Yeremiya 20:6 - Emakhuwa Bible

⁶ Ni nyuwo, Paxuri, ni emusaanyu yootheene munookhala ntoko anamatthukiwa oBabiloniya. Wu munimookhwa ni munoovithiwa – nyuwo ni asithamwenaanyu ootheene mwa yaawo mwaathalihenraanyu soowootha mwa Nsina na Yave.’”

Yeremiya 20:6 Iomraidhean Croise

Yesaya 9:15

Asitokweene ni asilopwana oottittimiheyaxa ti muru ni maprofeeti anxuttiha soowootha ti waametto.

Yeremiya 14:13

Mene miyo kaamweerela: “Ii! Yave onlamula sootheene, maprofeeti ampwaherera waaleela atthu: ‘Nyuwosa khamurwa moona ekatana hata ohaawa etala. Miyo kinimoovahani murettele woohimala vanipuroni nna.’ ”

Yeremiya 14:16

Ni wa yaawo anaathaliheraaya anoovonyerasiwa mmiseweni sa oYerusaleemu niwoko na ekatana ni etala. Khawowo aneera ahale weera aavithe naari axaaraaya, anamwane asilopwana hoye hoye asithiyana. Miyo kinimwaamoroxela erisa awosa amphwanelaaya.

Yeremiya 20:1

Vano Paxuri, mwaana mulopwana a Imeri, mutokweene oopacera Mpaani mwa Yave iiwalaawe seiyo Yeremiya aathalihenraawe mwaha wa otthuna wa Muluku,

Yeremiya 20:4

Vano Yave oneera ha: ‘Kinimoopakelani yoowoopihaanyu ni wa asinthamwenaanyu ootheene. Nyuwo munimoona ni maithwaanyu xaxaxa amwiittanaanyu yaawiivaka asinthamenaanyu. Kinimwinnyerera muloko wootheene wa oYuda mmatatani mwa mwene a oBabiloniya mwa yoowo anaaronghe oBabiloniya, awiivaka ni ekatana.

Yeremiya 23:32

Vekhaikhai nkiniiwananano yaawo anthalihera sooloha soowootha,” oneera Yave. “Awo anghima ni anghapuxa mulokwaaka ni soowoothasaya soohimuteko. Miyo nkaaruminghe naari nkaalamulenle. Awosa khaanruuhelaru mureerelo muloko ola,” oneera Yave.

Yeremiya 29:32

Tivawo Yave oneeraawe ha: Kinoomuttaruxa Xemayeya, muNehelami, ni ekhapiraaweene. Khamuhaleelaru naari mmoha eriyari ya muloko ola, ni owo khoona itthu kineeraaka kipake keerelaka mulokwaaka, onghima Yave, niwoko owo oolaleiya omvaanya Yave.’”

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Icipo Soolalamika 2:14

Nyoonelo sa maprofeetaawo saari soowootha ni soohivareleya muteko; awosa khaawoonihenre yootthekaawo weera osembe oronghiwa wootthukiwani. Mitthenga yoovahaaya saari soowootha ni soolokottha.

Ezekiyeli 22:28

Maprofeetaaya ankuttelela seiyo, elokotthaka muloko ni nyoonelo soolokottha ni sootthoma soowootha. Awosa aneera: ‘Yave onlamula sootheene onghima hiiho’ – Yave ahuulummeene.

Levitiku 26:17

Kinoothatuwa Mwiittanaanyu moota wooweera munoowiniwa ni amwiittanaanyu; yaawo anoothanyani animoolamulani ni munootthawa naari muhoomoliwaka.

Mikeyasi 2:11

Namootha ni namalokottha arwa, aneera: ‘Miyo kohoolaleerani waatta wa eviinyu ni wa yoowura yoohapala,’ owo onookhala ti mprofeeteene a muloko ola!”

Zakariya 13:3

Vano mukina nlelo atthuna othalihera ntoko mprofeeti atithawe ni amayawe anoomweerela: ‘Muntthuneya okhwa niwoko mohootha mwa Nsina na Yave.’ Owo eerera opaka oprofeeti, asinaangolowaawe anoomuhomasa.

Deuteronomiyo 28:25

Yave onimoopakihani weera nyuwo ngwiniwe ni amwiittanaanyu. Nyuwosa mmwaarowele ephiro emoharu, mene mmwaamwareye, soottiihakani iphumu imwene sootheene sa elapo ya vathi.