Yeremiya 20:4 - Emakhuwa Bible

⁴ Vano Yave oneera ha: ‘Kinimoopakelani yoowoopihaanyu ni wa asinthamwenaanyu ootheene. Nyuwo munimoona ni maithwaanyu xaxaxa amwiittanaanyu yaawiivaka asinthamenaanyu. Kinimwinnyerera muloko wootheene wa oYuda mmatatani mwa mwene a oBabiloniya mwa yoowo anaaronghe oBabiloniya, awiivaka ni ekatana.

Yeremiya 20:4 Iomraidhean Croise

2 Mamwene 25:7

Yaawiiva anamwane asilopwana a Zedekiya vamaithoniwawe, enazoola maithwaawe, enamutthuka ni onyooro wa ebronze*, enamurowano oBabiloniya.

Icipo 73:19

Awosa amphwatiwa wootutuxereya; esareiyeene otteenguwa woomalela!

Yeremiya 13:10

Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 13:19

Isidade sa oNegeba sinoowaliwa ni khawoworu aneera awere ohula. aYuda ootheene anooroihiwa wootthukiwani; aani anooroihiwa ottaiwene.

Yeremiya 19:15

“Yave a ikuru sootheene, Muluku a oYixrayeli oneera ha: ‘Mwiiwe, kinooruuhela esidade ela ni mittetthe sa mukhwipimwaya irisa sootheene kaalaleenraaka niwoko khayiiwelenle, ehitthunaka wiiwa maswaaka.’”

Yeremiya 20:6

Ni nyuwo, Paxuri, ni emusaanyu yootheene munookhala ntoko anamatthukiwa oBabiloniya. Wu munimookhwa ni munoovithiwa – nyuwo ni asithamwenaanyu ootheene mwa yaawo mwaathalihenraanyu soowootha mwa Nsina na Yave.’”

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 29:21

Yave a ikuru sootheene, Muluku a oYixrayeli oneera ha mwaha wa Ahabi, mwaana mulopwana a Kolaya ni wa Zedekiya, mwaana mulopwana a Maaseya, anoothaliherani nyuwo soowootha mwa Nsinanaka: “Miyo kinoowinnyererasa mmatatani mwa Nebukadenezari, mwene a oBabiloniya, ni owo onoowiiva, nyuwo moonaka.

Yeremiya 46:5

Vaheera kingwoona etteengungweene, eneera yiihululaka; anakhottwaaya aawiniwa. Antthawa yaakuveyaka, ehiwehaka ottuli; wookhala woopiha mipatta sootheene,” onghima Yave.

Yeremiya 52:24

Mutokweene a anamalipelela aamukuxa ntoko namatthukiwa Seraiya, mutokweene a asaserdoti*, musaserdoti* aamutthara iithaniwa Zefaniya ni anamalipelela araru a milako.

Yeremiya 52:27

oRibela iwe, mulaponi ya oHamate, mwene aalamulela weera yiivasiwe. Hiiho, Yuda aaronghiwa wootthukiwani, ottai wa elapwaawe.

Yeremiya 6:25

Muhirowe mmatta naari muheette mmiseweni, niwoko amwiittana anrwaano ekatana ni wookhala woopiha mipatta sootheene.

1 Samuweli 2:33

Ekhapiraanyu yeeyo kineeraaka kihimalamalihe valtaariniwaka* eniyuureleliwe weera ewiinleleni ni weera yoothananeleni. Aani ekhapiraanyu yootheene eniikhwe eri ekithi.