Yeremiya 20:16 - Emakhuwa Bible

¹⁶ Mulopwana owo akhaleke ntoko isidade Yave aaphwantaawe woohimorela ikharari. Owo iiweke okhuweleliwa ekhavihero mooxeexeloni ni okhuweleliwa ekhotto othana.

Yeremiya 20:16 Iomraidhean Croise

Yeremiya 18:22

Wiiwanyeye okhuwela ongweela mmawannyaya mwaaruuhelaka wootutuxereya anakhotto a elapo ekina, niwoko aathipa elakasa weera ekivare ni aakireya miraakho weera epharihe inaawosaka.

Yeremiya 18:8

ni muloko owo kooperenraaka waarukunxa murima mwa soonanarasaya, vano kinookhurunuwa ni nkiruuhela erisa kaavaanenlaaka.

Yeremiya 23:14

Ni variyari wa maprofeeti a oYerusaleemu kohoonatho etthu ya mwiikho ela: Awosa anraruwa, okhalawaya ti woowootha. Awosa anaalipihera yaawo ampaka soonanara weera ahikhaleru a yaawo anaarukunxe murima mwa sootakhalasawe. Wa Miyo, ootheene yaawo anlikana oSodoma; amaki a oYerusaleemu anlikana oGomora.”

Yeremiya 26:13

Vano, muhiye mweettelowaanyu ni ipakelosanyu soonanara ni mmwiiwelele Yave, Mulukwaanyu. Hiiho Yave onoohiya woopakelani erisa oolakelenlaaweni.

Yeremiya 4:19

Ii! Othananawaka, othananawaka! Kinnathukumela ni ovoreya! Ii! Exiri ya murimaaka! Murimaaka onnakitthimaka ni nkingwera omaala. Niwoko kohiiwa oruma wa nipalapatta; kohiiwa okhuweliwa wa ekhotto.

Icipo Soolalamika 4:6

Ottaruxiwa wa mulokwaaka wootepaxa opwaha wa oSodoma, waaphwatiwa ehuhu emoharu woohikhala ookhaviherawo.

Ezekiyeli 21:22

Muntatanimwawe noolopwana, anaathanleliwe Yerusaleemu, mwa weiwo aneeraawe arehererele ikaruma soottiittano ixiri, alamulele opakiwa noomala, alamule munyakunyaku wa ekhotto, iikaatheriwe ikaruma soottiittano ixiri sa esidade, epakiwe yooricano ni atekeliwe ikaaro sookurumulela ixiri sirukureenre.

Hoxeya 10:14

munyakunyaku wa okhottoni onimoovenyerani moota wooweera moolipamwanyu moothemwene onoophwatiwa, ntoko Xalemani ophwantaawe oBeti-Arbeli vanihukuni na ekhotto – yaanyikalasiwaaya asimaayi vamoha ni anamwanaaya.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Hoxeya 13:14

Miyo kinoowoopola moowerani mwa nihiye; Miyo kinimwaavuluxa mwa okhwa. Ii! Okhwa, mahooxowaanyu ari woowi? Ii! Nihiye, ori woowi ophwatawanyu? Nkinoomorelani ikharari,

Amosi 1:14

Tivawo kineeraaka kirumihele mooro ixiri sa oRaba olaliheke moolipamwaya. Vano vanihukuni na owana onimwiiwanyeya okhuweliwa wa ekhotto, yoopaxaka epheyo yoowuupaxa vanihukuni na ettheku.

Amosi 2:2

Tivawo kineeraaka kirumihele mooro oMowabe olaliheke moolipamo mwa oKeriyote. Mowabe onoolakaseya mmunyakunyakuni mutokotoko, okhuwelaxiwaka mukhottoni ni moorumani mwa nipalapatta.

Amosi 4:11

“Kaaphwata isidadesanyu ikina ikina, ntoko kaaphwantaaka oSodoma ni oGomora. Mwaari ntoko nrusuwela, mene waarookhalaru hiiho, nyuwosa khamuhokoleenle wa Miyo,” onghima Yave.

Yoonasi 3:4

Yoonasi aavolowa esidade ni aaheetteetta nihuku nimoma alaleiyaka: “Woomala mahuku miloko mixexe, oNinive onoophwatiwa.”

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Zefaniya 1:16

nihuku na wiipiwa mapalapatta ni okhuweleliwa ekhotto isidade soolipihiwa ni itoore* sa mmaloothoni.

Zefaniya 2:9

Tivawo kinlipelaaka mwa okumaaka,’ onghima Yave, a ikuru sootheene, Muluku a oYixrayeli, ‘weera oMowabe onoothatuwa ntoko oSodoma, ni wAmoni ntoko oGomora – nipuro noophipihana malaxi a ntuphini, ni ihime sa maakha, oheleya nthala woohimala. Anoohuhuliwa ni oohalahala a mulokwaaka; oohalahala a mulokwaaka, anookuxa elapwaaya ntoko yoohiyeriwa.

Luuka 17:29

Nihukutho Looti aavenyaawe oSodoma, waakhuruwa mooro ni enxofre* ya wiirimu, ni waawiiva ootheene.

Deuteronomiyo 29:22

Anamwaniinyu ni ikhapirasanyu ni anamarwa anrweela ilapo soorakamela eniyoone irisa sineera simorele mweelaponi ni moota Yave aneeraawe aruuhele iretta.

Deuteronomiyo 29:23

Elapo yootheene eniikhuneeleye ni maakha, enxofre* ni itthu soohisiwa moota wooweera waala etthu woohimela, kheewo eneera yunnuwewo. Onuukhale ntoko ophwatiwa wa oSodoma ni oGomora, wAdema ni oZeboyimi mwa seiye Yave aaphwantaawe oonyoonyiweene ni isara.

2 Pedru 2:6

Aathorihatho isidade siitthaniwa Sodoma ni Gomora, ahisaka seiye mpaka othatuwa ettuura, apakaka iye ethoonyero sa seiyo seera saakhumeleleke atakhali.

Yuda 1:7

Moota woolikana ni iya, Sodoma ni Gomora, ni isidade sa mukerekheremwaya, sohiileva wa olavilavi ni wa oraruxana asilopwanaru. Sittaruxiweene ni mooro woohimala, iyo simvarela muteko ntoko ethoonyero.