Yeremiya 2:8 - Emakhuwa Bible

⁸ Asaserdoti* khayaamukoherera Yave; anamataphulela a nlamulo khayaakisuwela, ni ahooleli a muloko yaakivaanya. Maprofeti yaathalihera otthuna wa Muluku mwa nsina na Bahali*, ettharaka miluku soohimuteko.

Yeremiya 2:8 Iomraidhean Croise

1 Mamwene 18:22

Vanonto Eliya aaheera: “Variyari wa maprofeeti a Yave kihanle meekhaaka, mene Bahali* orino maprofeeti macira maxexe ni miloko mithanu.

1 Mamwene 18:29

Nsuwa naathetemanaaya, yaapwaherera okhuwelawaya mpaka ehuhu ya yooveleela ya ohiyu. Wa soothesene, khayaakhuliwa hata khawiiwanyeyaru oruma.

1 Mamwene 18:40

Vano Eliya aahaalamulela: “Mwaatthukase maprofeeti a Bahali*! Muhimuhiyeru naari mmoha atthawaka!” Awosa yaahaatthukasa ni Eliya aahaarongha vanreyareyani na oKixoni anawiivelawo.

Yobi 35:10

Vaheera, khawowo onkoha: ‘Ori woowi Muluku Mpattuxaaka, mwa Yoowo omvaha icipo moohiyuni

Yesaya 28:7

Vano yaale amveveleyaxa niwoko na eviinyu ni soowura ti ala: asaserdoti* ni maprofeeti amveveleya niwoko na soowura ni anrukureereya nyuru niwoko na eviinyu. Awosa khaangwera weemela niwoko na owura yoohapala, mmoonelonimwaya anoona soopupuruma ni khaangwera othoriha ekhaikhai.

Yesaya 29:10

Yave ohootannyerani okonaxa; Owo oophuta maitho a maprofeeti; Owo ookuttelela nyuru sa anamoonihera*

Yesaya 30:5

ootheene animuulihiheya muru niwoko na muloko ohinaavareleya muteko; muloko ohinruuha ekhavihero hata onnene, mene wuulihihaxa muru paahi.”

Yeremiya 10:21

Akukhuli a muloko ti alolo ni khaanimukoherera Yave; tivawo awosa sihingweettelaaya nnene ni muhuwaaya wootheene woomwaramwaxeya.

Yeremiya 12:10

Akukhuli ancipale aananariha emattaaka ya iwuuva* enyikhalelaka yeeyo; awosa aatatuxa emattaaka yooreeraxa nikare noophwatiwa.

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Yeremiya 18:18

Awosa yaaheera: “Nrowe, nimvaanelele Yeremiya; niwoko khanimala nihusiho na Nlamulo na musaserdoti*, hata olaka wa namiruku, naari masu a maprofeeti. Vano, nrowe namoothere weera nihiiwe onghimaawe.”

Yeremiya 2:11

Wookhala muloko oceendyiye milukusaya? Ni iyo hata vakhaani khasihiyono miluku! Vaheera mulokwaaka wohaakakhanyiha ovuwawa wa Mulukwaaya ni miluku soohimuteko.

Yeremiya 2:6

Awosa khayaakonghe: Ori woowi Yave, onikhumihale wExipitu ananeettiha munikareni, mulaponi moowuumelela ni moothipeyasa, elapo yoothowa maahi ni ya epiphi, mwa yeeyo ehimviriwaru ni ehinkhaliwaru?

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Yeremiya 7:8

Mene moone, nyuwosa munroromela masu oolokhottha ni oohimuteko.

Yeremiya 9:14

Ohiyanawaya, aatthara ettiyamaaru ya mirimasaya; ahaatthara aBahali*, ntoko makholowaaya yaaxuttinghaaya.”

Ezekiyeli 22:26

Asaserdotaanyu ampuhera Nlamulonaka ni anghiiriha itthusaka sootteela; Awosa khaanthanla eriyari ya yootteeliheriwa ni piswa; anxuttiha weera khoovirikanneru eriyari ya yootteela ni yoohitteela; khaampwatthelaru ottittimihera iSaabadusaka, moota wooweera Miyo kimveruliwa eriyaraaya.

Ezekiyeli 34:2

“Mwaana a mutthu, mwaathaliherele otthuna wa Muluku akukhuli a oYixrayeli; mwaathalihere ni mwaaleele weera Yave onlamula sootheene oneera ha: ‘Ii! Akukhuli a oYixrayeli aniipwattha asineenaayaru! Weeraka khawaatthuneya weera akukhuli ekosoope mihuwo?

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Habakuki 2:18

Muluku oolokottha khamvareleya muteko, eenre apakiwaka ni mutthu. Hiihotho ecaambulo enxuttiha soowootha kheemvareleya muteko. Vano yoowo opanke onroromela yeeyo opankaawe, apakaka miluku sihingwera wuuluma.

Matheyo 16:26

Yooreera heeni mutthu ophwanya elapo yootheene ya vathi, ayeleelakatho okumaawe? Hoye hoye anaavahe eheeni mutthu yoowaakakhanyiha ni okumaawe?

Luuka 11:52

Ii! Munoohaawa, nyuwo anamawera a nlamulo*, niwoko moovenxa exaavi ya esuwelo. Nyuwo asineenaanyu khamvolongwe, ni mowooceeliha yaale yeera evolowe.”

Yohaane 16:3

Eniipake itthu iyo niwoko khayaasuwenle Atiithi, hata Miyo.

Yohaane 8:55

Nyuwo khamwaasuwenle, mene Miyo kohaasuwela. Miyo keenre weera nkaasuwenle, saano kikhanleene namootha ntoko nyuwo, vekhaikhaitho Miyo kohaasuwela ni kiniiwelela maswaaya.

2 aKorinto 4:2

Ohiyanawaya, hiyo ninnyanyala itthu soovithiwa ni soowuulihiha muru. Khanimvarela muteko soolokottha, hata khanimpiritula masu a Muluku. Hoye! Nithaliheraka ekhaikhai nnenesene, hiyo nniixoonihera wa mirima sa atthu ootheene ohoolo wa Muluku.

Deuteronomiyo 33:10

Owo onimuxuttiha ikanosanyu Yakobe ni Nlamulonanyu wa aYixrayeli. Owo onoohiserani erubani* ohoolowanyu apakaka sooveleela soohisa sookwanela valtaarininiwanyu.

1 Samuweli 12:21

Muhitthare miluku soohimuteko, hata sihingwera woopakelani yooreera, niwoko khasimuteko.

1 Samuweli 2:12

Vano anamwane asilopwana a Eli yaari oohuureya; awosa khayaampwatthela Yave.