Yeremiya 2:21 - Emakhuwa Bible

²¹ Miyo koophatteiyeni ntoko ewuuva yooreerela, yoothanleya. Mene moone yookhumelenleni! Mohiitatuxa ewuuva yoovaliheya ya ntuphini.

Yeremiya 2:21 Iomraidhean Croise

Epacerero 18:19

Vano Miyo kimuthanlenle weera aweettihe anamwanaawe ootheene ni ikhapirasawe sootheene weera etthare ephiro ya Yave, epakaka yeeyo eri yoororomeleya ni yoowookowa. Hiiho Yave onoomukwaniherela Abrahaamu yeeyo aamuroromelinghaawe.”

Epacerero 32:28

Vano mulopwana ole aaheera: “Nsinananyu khanirwa niitthaniwatho Yakobe, mene Yixrayeli, niwoko nyuwo moowana ni Muluku, nitho atthu, munawina,”

Icipo 105:6

nyuwosa ikhapira sa Abrahaamu, murumeiyaawe ni nyuwosa anamwawe a Yakobe, oothanliwaawe.

Icipo 44:2

Mohoomola miloko ni matataanyu, munaamakiha makholowaahu mulaponimwaya. Mwaaphwata miloko munaakhaliha nnenesene makholowaahu.

Icipo 80:8

Mwaaruuha evideira* wExipitu; mwaahoomola miloko, munaphatteya owo.

Icipo 80:9

Mwaarehererela woophatteya, mwiri owo woophuwa mikwankhwaari sinasareya mulaponi.

Okhuma 15:17

Nyuwo mmwivolonghe ni mmwiphattheye vamwaakoniwanyu wa yoohiyeriwa; elapo Nyuwo, Yave, mpakenle wookhalawaya; Nipuro Nootteela* matataanyu atenkaaya.

Yesaya 1:21

Moone esidade yoororomeleya ethatungwaaya puuta. Khalayi yaasareya ekhaikhai emakiwaka ni wookoleleya, mene vano yoosareya anamwiiva!

Yesaya 27:2

Nihuku nenenenno onimweeriwa: “Mwiipele ematta ya iwuuva* soowiimaxa.

Yesaya 41:8

“Wa soothesene, nyuwo, Yixrayeli, murumeiyaaka, Yakobe kimuthanlalaaka, nyuwosa ekhapira ya Abrahaamu, nthamwenaaka,

Yesaya 5:4

Kaahipakele eheenitho yeela kaahaapankaaka? Vano siimenleni soonyuunya kaaweherereene sooreera?

Yesaya 60:21

Vanonto mulokwaanyu wootheene onookhala woororomeleya ni onookuxa elapo wa mahuku ootheene. Awosa ti niphuwa kiphatteiyaaka, muteko wa matataaka ntoko eyoonihero ya ovuwawaka.

Yesaya 61:3

kaakosoope yaale aniinla oSiyoni kaavahaka ecireemba yooreera vanipuroni na ettuura, makhura a ohakalala vanipuroni na olalamika ni mukaandyo wa ottottopela vanipuroni na munepa wooriipiwa. Awosa animwiitthaniwa ikaravalyu* sa ororomeleya soophatteiwa ni Yave ntoko eyoonihero ya ovuwawawe.

Yeremiya 11:16

Yave oowiitthanani mwiri wa sooliveira* woopombaxa orino soowiima sooreeraxa. Vaheera Owo onoohisa mwiri ola ni oruma wa ettheku etokotoko, ni iphandisaya sinoovonyoliwa.”

Yeremiya 11:17

Yave a ikuru sootheene, ophatteiye, ohoorumihelani erisa, niwoko ipuumba sa oYuda ni oYixrayeli soopaka soonanara sitannyaka isarasaka woomuhisera erubani* Bahali*.

Yeremiya 5:10

Muviravire eriyari ya imattasaya sa iwuuva* ni mwananarihe, mene muhiphwate woomalela. Mwakwasere iphandi niwoko muloko owo khoohiyono wa Yave.

Icipo Soolalamika 4:1

Moota ehingyaaya waara eyuuma yoorikaxa! Moota ehingyaaya ottittikala eyuuma yoorikaxa yooreerela! Maluku oowaaraxa aamwaraxeliwa mmathakalaano a misewe.

Ezekiyeli 15:2

“Mwaana a mutthu, ereerenle moota heeni evideira* nalikanxera nyiri sikina sa ntuphini?

Matheyo 21:33

Mwiiwe yoolikanyiha ekina. Aakhala mwaneene aaphatteiye ematta ya iwuuva*. Aapaka mukuso arukureerihaka ematta ele. Aapakatho nipuro noovotta iwuuva* ni aateka nipuro na anamalipelela. Vano aawooliha ematta ele anamalima akina ni aarowa mukwahaawe.

Marku 12:1

Owo aapacera waaleela ni soolikanyiha: “Mutthu mmoha aaphatteiya ematta ya iwuuva*. Aapaka mukuso orukureenreene. Aapakatho nipuro noovotta iwuuva*. Vahoolowaya aapaka nipuro na anamalipelela. Vano aawooliha ematta ya iwuuva* anamalima akina, anarowa ni mukwahaawe.

Luuka 20:9

Owo aathalihera muloko wa atthu yoolikanyiha ela: “Mulopwana mmoha aaphatteya ematta ya iwuuva*. Aawooliha anamalima akina ematta ele, ni aapwaha wa mahuku mancipale.

Yohaane 15:1

Miyo kiri Evideira* ya ekhaikhai ni Atithaka ti Namalima.

Deuteronomiyo 32:32

Imattasaya sa iwuuva* ti sa oSodoma ni soolimmwa sa oGomora. Iwuuvasaya soosareya soohapala ni mikonkha sa iwuuva* soowaawa.

Deuteronomiyo 4:37

Aahookhumihani wExipitu ni owerawawe otokotoko niwoko na waasivelawawe makholowaanyu ni othanlawawe ikhapirasaya.

Yoxuwa 24:31

aYixrayeli yaamurumeela Yave mookumini moothemwene mwa Yoxuwa ni mwa ahooleli yaahanle ni okumi ni yaasuwenle sootheene Yave aapakenlaawe aYixrayeli.