Yeremiya 2:19 - Emakhuwa Bible

¹⁹ Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 2:19 Iomraidhean Croise

1 Mamwene 18:18

Eliya aamwaakhula: “Nkihiyono miyo kingwuungurumiha aYixrayeli, mene ti nyuwo ni emusi ya atithinyu. Moohiya malamulo a Yave muttharaka miluku siniitthaniwa aBahali*.”

2 Nyaha 12:5

Vano, mprofeeti Xemaya, aahiixoonihera wa Rehobowami ni wa ahooleli a oYuda yaathukumanne oYerusaleemu, emoovaka Xixake, anaweerelasa: “Yave oneera ha: ‘Nyuwosa mookihiya; tivawo Miyo kinoohiyaakani, kiwinnyererakani wa Xixake.’”

2 Nyaha 21:10

Mpaka olelo va awEdomi ampwaherera ootapuxeyeene mwa aYuda. Ehuhuweene yeeyo oLibena waawanawanatho, niwoko Yehorami aamuhiya Yave, Muluku a makholowaawe.

2 Nyaha 25:16

Vano owo uulumaka hiihaale, mwene aamukwituleliha: “Weeraka hiyo nohoothanlani okhala namalaka a mwene? Mmaale! Mmwiiveliweni?” Mprofeeti aamaala, mene aaheera: “Koosuwela weera Muluku oolakela ophwatiwawanyu, niwoko nyuwo moopaka sootheene iyo muhiiwelelaka olakawaka.”

Icipo 36:1

Aakhala masu mmurimanimwaka mwaha wa soottheka sa mutakhali: owo khammoovaru Muluku.

Okhuma 33:6

Tivawo okhuma omwaako Horebi mpaka ohoolo aYixrayeli khayaawararu itthusaya sooreera soorikaxa.

Masu a Miruku 1:31

animooca yoowiima ya mweettelowaaya ni anoovona sa mapakelowaaya.

Masu a Miruku 1:32

Vano oceendyaceendyeya wa oohisuwela onoowiiva, ni ohipwattha wa alolo onimwaaphwata;

Masu a Miruku 5:22

Sootakhala sa mutakhali sinnaphariha munraakhoni; owo onthatuwa namatthukiwa mmikhoyini sa sootthekasawe.

Yesaya 3:9

Maweherowaaya ammwiixoothera; awosa anoonihera yootthekaaya mwaatthuni ntoko oSodoma; ootakhaliwa yaale! Niwoko aahiiruuhela erisa asineenaaya.

Yesaya 5:5

Vano kinimoothaliherani yeeyo kineeraaka kipakele emattaaka ya iwuuva*: Kinookurumula mukuswaaya weera eyo ethatuwe moocihamo; kinoophwata exiraaya weera enyikalasiwe.

Yesaya 50:1

Yave oneera ha: “Eri woowi ekaratta ya omwalana ya amayinyu Miyo kaawoomolenlaaka? Mwa yeeyo, wa namakoongoriha taani koothumihaakani nyuwo? Muthumihiwe niwoko na sootthekasanyu; amayinyu yoomoleliwe niwoko na soonanarasanyu.

Yeremiya 1:16

Kinoothoriha mulokwaaka niwoko na sootakhalasaya sootheene wookihiya Miyo, ohiseraka erubani* miluku sikina ni olapaka seiyo apankaaya matataaya.

Yeremiya 13:22

Vano nyuwo mwiikoha: “Eyo enkikhumelelelani?” Vano musuwele weera ti niwoko na sootthekasanyu sincipale ikuwosanyu sivenuleliwaaya ni nyuwo moopuheriwa.

Yeremiya 2:17

Nyuwo muneenaanyu ti nanthowa mwa yeeyo yookhumelenleni, woomuhiya Yave, Mulukwaanyu, Owo oweettihaleni mphironimwawe.

Yeremiya 3:22

“Muhokolowe, muloko woohiroromeleya; kinoolamiha murimaanyu woovaanya.” Muloko waahaakhula: “Aani, nnimoowa wa Nyuwo, niwoko Nyuwo ti Yave Mulukwaahu.”

Yeremiya 4:18

“Mweettelowaanyu ni mitekosanyu muneenaanyu sohooruuhelani ekhotto eyo. Moota noowaawenlaayani nttaruxonanyu ni nno noophiya vamurimaniwanyu.”

Yeremiya 5:22

Nyuwo khoontthuneya okoova?” onghima Yave, “koontthuneya othukumela ohoolowaka? Ti Miyo kikhalihale muhaava ntoko mwiinano wa ephareiya – mwiinano woohimala ephareiya ehingweraaya ovinuwa. Mitekuteku sinoophweeya, mene khasingwera opwaherera; seiyo sinoowera oruma, mene khasingwera ovinuwa mwiinaanoweene yoowo.

Yeremiya 5:24

Awosa khaaniixeerela: ‘Nrowe, nimooveke Yave Mulukwaahu, mwa Yoowo onrupiha epula mutthulo ni ya mulaala mweehuhunimwaya ni onnivaha isimana sa ohepha mweehuhunimwaya.’

Yeremiya 5:6

Tivawo mwatto a moothakoni aneeraawe aakarawele, mwiici wa munikareni onimwaaluma, havara onoowiipithela mukhwipi mwa mittetthesaya weera amunyaanye akhalaru mutthu aneera akhumemo, niwoko ovaanyawaya ti otokotoko ni soohapuwasaya ti sincipale.

Yeremiya 7:19

Mene weeraka ankitannya Miyo? onkoha Yave. Awosa aniixuulihiha muru asineenaaya.

Yeremiya 8:5

Vanonto heeni muloko ola ohapungwaaya? Heeni oYerusaleemu ompwahereraaya opahuwa? Amakaaya aavarexexa olokottha, ekhoottaka ohokolowa.

Ezekiyeli 23:30

niwoko nyuwo moohaawelaxa miloko ni muniivalihano milukusaya.

Ezekiyeli 39:24

Kohaapakela yaawosa, kittharihaka ohitteelawaya ni mwaha wa sootthekasaya, kinaahuluwa.

Hoxeya 11:7

Mulokwaaka woolakelaxa okihiya Miyo. Anoomwiitthanaru Bahali*, owo khanaavuwiha.

Hoxeya 13:9

Ii! Yixrayeli, nyuwo moophwatiwa niwoko mookirukunuwela – aani Miyo, Namakhaviheraanyu.

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 4:16

aYixrayeli ti oottiyamaaru, ari oohihuweya ntoko mwaaxaana a emombe oohihuweya. Moota heeni Yave aneeraawe aakukhule ntoko iputtiputthi sireene munghawalawani?

Hoxeya 5:5

Wiixoona wa oYixrayeli onkhalela onamoona; aYixrayeli ni awEfrayimi ankwattuliwa mootthekanimwaya; aYuda ankwattuliwatho vamoha ni yaawo.

Hoxeya 7:2

vaheera awosa khaansuwela weera Miyo kinuupuwelela mitekosaya soonanara sootheene. Sootthekasaya sinaamira; Miyo kinnoonoona.

Hoxeya 9:1

Ii! oYixrayeli, muhitthape; muhihakalale ntoko miloko sikina, niwoko nyuwo mooraruwa munghiyaka Mulukwaanyu. Nyuwo munsivela nlivo na mooraruwani munipuroni nootheene nimveeriwaayawo etrigu.

Amosi 8:10

Ifestasanyu kinootatuxa wiinanela ni iciposanyu sootheene olalamika. Kinoopakiha weera ootheene nyuwo ngware soowiinanelano ni mmetthe. Kinoopakiha weera nihuku nno nikhale ntoko na omwiinlela mwaana mmoharu, ni ommaleloniwaya ntoko nihuku na othananaxa.

Mikeyasi 1:5

Sootheene iyo sineereela mwaha wa ovaanya wa Yakobe ni soottheka sa muloko wa oYixrayeli. Ovaanya heeni wa Yakobe? Weeraka khoohiyono oSamariya? Mapuro heeni a miluku sikina sa aYuda? Weeraka khoohiyono oYerusaleemu?

Zakariya 7:11

Vaheera yaakhootta opwattha; ni murima woowuuma yaahoorerani ettuli, ekhalaka attiyamaaru.

aRooma 3:18

Atthweene yaawo khaammoovaru Muluku.”

Ahooleli 10:13

Wa soothesene, mookihiya Miyo mulapaka miluku sikina. Tivawo nkootapuxanitho.