Biblia Todo Logo
Bìoball air-loidhne

- Sanasan -




Yeremiya 2:13 - Emakhuwa Bible

13 Mulokwaaka woopaka itthu sootakhala piili: owo wookihiya Miyo kiri naattuuttu a maahi a okumi, ni woothipa ihimesaya, aani ihime soowaaleleya sihingwera okhalano maahi.

Faic an caibideil Dèan lethbhreac




Yeremiya 2:13
49 Iomraidhean Croise  

Isarasaka nsipattele nipuro nna ni malumi a isarasaka kheerwa ecipihiwa niwoko awo yaakihiya ehiseraka erubani* miluku sikina ni yaatannya isarasaka niwoko na icaambulo sincipale sa miluku sikina yaapankaaya.’


Vano mwa Nyuwo ookhala naattuuttu a okumi; ngwaaranimwanyu hiyo ninnamwaleeleya.


Kohoona sootheene simpakiwa vathi wa nsuwa; sootheene khasimvareleya muteko, ti woomola epheyo!


Moota ohivareleiyaaya muteko! Moota ohivareleiyaaya muteko, onghima muhusiha. Ii!, moota ohivareleiyaaya muteko! Kheentaphulelaru etthu!


“Sootheene khasintaphulela etthu! Khasintaphulela etthu!” onghima muhusiha. “Khasintaphulelaru etthu!”


Wa soothesene, kiwehawengheene sootheene kaapakaaka ni muteko kaaminyaalenlaaka opaka, kaahoona weera sootheene khasaavareleya muteko, waari woomola epheyo paahi; seiyo simpakeya mulaponi khasingwineleyaru etthu.


Vano, mutthu onoowera ovara mutekwaawe mmirukuni, mweesuweloni ni mweettotthoni, mene ontthuneya ohiya sootheene orinaawe ntoko yoohiyeriwa wa mukina ahaaminyaalenle yeeyo, eyotho kheentaphulelaru etthu, aani ti ohiroromeleya.


Wa mutthu onimusiveliha Muluku, Owo onimvaha miruku, esuwelo ni weetteleya nnene. Vaheera wa namattheka, Muluku onimvaha muteko woothukumanya ni woothokorora mihakhu weera amvahe yoowo onimusiveliha. Eyotho kheentaphulelaru etthu, ti woomola epheyo paahi.


Kohoonelela weera muteko wootheene ni simpakiwa sootheene sa mutthu siri niwoko na omukhalela nrima mwaattamanaawe. Mene eyotho kheentaphulelaru etthu, ti woomola epheyo paahi.


Emombe elopwana yoomusuwela pwiiyaaya ni buuru oosuwela nikhoola na pwiiyaawe, vaheera aYixrayeli khaasuwenle etthu; mulokwaaka khooniiwexexa.”


Ii!, muloko woottheka, ekhapira elemelingwe sootakhala, nakupa a anyali; anamwane avaheriwe ohitteela! Awosa aamuhiya Yave; aamuramusa Ootteela a oYixrayeli, emukhoottaka Yoowo.


Munoorika maahi a muhimeni mwa ovuluxiwa, muhakalalaka.


Tivawo mulokwaaka onroihiwaaya wootthukiwani niwoko na ohiiwexexawaya; maneethaaya animookhwa etala ni ancipalaaya anoovolaxiwa ntthona.


Munnanarihela heeni musurukhu ni etthu ehinciwa ni mwiikhulumulakano muteko woohiphureleya etthu? Mwiiwe, mukiiwe ni muce yeeyo eri yooreera ni okumaanyu onoohakalalela sooca sooreerelaxa.


Owo eenre: “Vekhaikhai awosa ti mulokwaaka, anamwane asilopwana eneera ehikivarihe”; ni hiiho oothatuwa Mvuluxaaya.


Kinoothoriha mulokwaaka niwoko na sootakhalasaya sootheene wookihiya Miyo, ohiseraka erubani* miluku sikina ni olapaka seiyo apankaaya matataaya.


Maneethi anaaruma arumeiyaaya orika maahi; awosa anoorowa mmattankhini, mene khaamphwanyamo. Vano awosa anghokolowa ehikunxe maahi oopororeene ni ehoonaka yooweera aniikhuneela muru.


Nyuwo mookihiya,” onghima Yave, “nyuwo mumpwaherera okhala oohapuweene. Tivawo kineeraaka kootaveeni koophwatakani; nkingweratho woomorelani ikharari.


Ii! Yave, Oweherera wa oYixrayeli – ootheene anoohiyani Nyuwo anoohaawa wuulihiheya muru. Yaale anoohuluwani, vano masinaaya anoolempwa muntthupini, niwoko na omuhiya Yave, Naattuuttu a maahi a okumi.


Etthabwe ya oLebanoni kheengwereya olakaseya mmanyaakonimwaya. Maahaaya ooriira khaanghiya opiluwa erweelaka mmapuroni a ottai.


Vano awosa aakihiya ni aatatuxa nipuro nna nipuro na miluku sa anamarwa; awosa aahisera erubani* miluku mwa seiyo awosa, naari makholowaaya, hata mamwene a oYuda yahaasuwenlaayaru ni aasariha nipuro nna ephome ya oohinthowa.


Wookhala muloko oceendyiye milukusaya? Ni iyo hata vakhaani khasihiyono miluku! Vaheera mulokwaaka wohaakakhanyiha ovuwawa wa Mulukwaaya ni miluku soohimuteko.


Nyuwo muneenaanyu ti nanthowa mwa yeeyo yookhumelenleni, woomuhiya Yave, Mulukwaanyu, Owo oweettihaleni mphironimwawe.


Hiiho ntoko namwiiya onuulihiheyaawe muru aaphwanyeriwaka iiyaka, muloko wa aYixrayelitho onimuulihiheya muru: mamwenaaya ni asitokweenaaya, asaserdotaaya ni maprofeetaaya.


“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”


Aakhala atakhali variyari wa mulokwaaka mwa yaawo aniipitha ntoko aniipithaayamo anamalupattha a ipalame; anreya miraakho weera yaapharihe atthu.


Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?


Nkipakele yeeyo weera kiwinetho murima wa muloko wa aYixrayeli mwa yoowo okihiyale okaakakhanyihaka ni miluku sikina.’


Mulopwana ole aakihokoloxera vamulako wa Empa ya Muluku, kinoona maahi epiluwelaka waathi nsele, erowaka mpatta ninkhuma nsuwa, niwoko Empa ya Muluku yaawenghe mpatta ninkela nsuwa. Maahi yaakhuma vathi wa mpatta wa ohitto wa Empa ya Muluku, mpatta wa ohitto wa altaari*.


Vaheera mweehuhuni soomalihera iya, mulokwaaka wookivenyera ntoko amwiittana. Munimwiiyera mukaandyo nthamwene, yoole onghokolowa mmuretteleni, muntatuxaka ntoko aahokolowa okhottoni.


Mulokwaaka, koopakenleni eheeni? Koolemelingheni moota heeni? Mukaakhuleke.


“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela.


Yeesu aamwaakhula: “Nyuwo mwaasuwenle yamahala ya Muluku ni taani onoovekelani maahi, mwaamumvekela maahi ni Owo aamoovahani maahi a okumi.”


Muthiyana aaweerela: “Apwiya khamunono yoorikela maahi ni ehime eri yoowiixera. Mmwiphwanye woowi maahi a okumi awo?


Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”


Wa nihuku nookisera noottittimiheyaxa na efesta, Yeesu aavenya, anakhuwela: “Akhala mukina ori ni ntthona, awe wa Miyo ni awure!


Yave aamweerela Moisesi: “Nyuwo munimwiitthuuwa vamoha ni makholowaanyu ni muloko ola woowaakuveya onooraruwasa, ottharaka miluku sikina sa elapo oneeraaya wavolowe. Awosa anookihiya, ehipwatthaka wiiraana kaapakenlaaka.


Atthu awo ari anaattuuttu oohikhalano maahi, etthapwe yeettihiwe ni ettheku. Oriipa wa epiphi onimwaaweherera.


Aakeerelatho: “Yoopakiwa. Miyo ti Alfa* ni Omega*, Epacerero ni Emalihero. Wa yoowo anaavoliwe ntthona, nkingwurihe woohiliva maahi a naattuuttu a okumi.


Vano ndyelo aakoonihera mooloko wa maahi a okumi, oowaara ntoko ekristalo*, okhumaka vahiceni ya Muluku ni ya Eputtiputthi


Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.


Wa soothesene, mookihiya Miyo mulapaka miluku sikina. Tivawo nkootapuxanitho.


aYixrayeli yaamukhuwelela Yave yeeraka: ‘Noottheka, nimuhiyaka Yave nirumeelaka miluku siniitthaniwa aBahali* ni Axetoroti. Vano, munoopole mmatatani mwa amwiittanaahu ni nnimoorumeelani Nyuwo.’


Lean sinn:

Sanasan


Sanasan