Yeremiya 19:5 - Emakhuwa Bible

⁵ Awosa aamutekela Bahali* mapuro a mmattumuxani wa Bahali* weera yaahiseremo anamwanaaya asilopwana ni asithiyana – etthu Miyo kihitonkwaaka olamulela hata kahuupuwenlaaka.

Yeremiya 19:5 Iomraidhean Croise

2 Mamwene 17:17

Yaahaahisa ntoko yooveleela asinamwanaaya asilopwana ni asithiyana. Yaaheettelasa ihako ni sa okhwiri, yiithumihaka weera epake soonanara vamaithoni wa Yave, enatannya isarasawe.

2 Mamwene 21:6

Aamuhisa mwanawe mulopwana; aapaka sa okhwiri ni ihako; aarowa wa anamadyiini ni atthu anuuluma ni minepa. Aapaka soonanara sincipale vamaithoni wa Yave atannyaka isarasawe.

2 Nyaha 28:3

Aapaka sooveleela soohisa mureyareyani na oBeni-Hinomi, mpakatho aahaapaka yooveleela anamwanaawe asilopwana, atakihaka ikhovelelo soothanyeya sa miloko oomonlaawe Yave ohoolo wa aYixrayeli.

Yeremiya 32:35

Yaamutekela Bahali* mapuro ootteela oorakama mureyareyani na oBeni-Hinomi, weera emveleelele Moloki anamwanaaya asilopwana ni asithiyana. Vano eyo ti etthu kihitonkwaaka olamulela, epakelo yoohiira kihinuupuwelelaaka weera epake; ni hiiho, aamutthekiha Yuda.

Ezekiyeli 16:36

Yave onlamula sootheene oneera ha: Mweenre munanariha mihakhusanyu mooniheraka etiriyaanyu ni yaawo munaakonanaanyu, ni niwoko na milukusanyu soothanyeya sootheene, ni niwoko na owiivelawanyu anamwaniinyu milukusanyu,

Ezekiyeli 20:26

Kaahaahiya yiivalihakano sooveleelasaya, eyo tiiyo, omveleela khula mwaana a ntthaara, weera kaatteengulaxe ni weera awosa esuwele weera Miyo ti Yave.’

Ezekiyeli 38:10

Yave onlamula sootheene oneera ha: Nihuku nno, munookhalano soowuupuwela mmurumwanyu, mukhalaneke yoovaanela yootakhala.

Daniyeli 2:29

Ii! Mwene, nyuwo mwaakonaanyu, mmuupuwelonimwanyu waahuleya wa itthu sa muhoolo ni Namathupulula a mitikhinelo oowooniherani yeeyo eneera yeereye.

Levitiku 18:21

Muhiwinnyerereru anamwaniinyu weera yiiviwe ntoko yoomveleelela Molekhi, niwoko khoontthuniheriwa oveiha Nsina na Mulukwaanyu. Miyo ti Yave.

Nuumeru 22:41

Oxaawaya, Balaki aamukuxa Biliyami mpaka vasulu wa mwaako Bamoti-Bahali, weiwo wooneyaayawo mpatta wa yaakonenlaayawo aYixrayeli.

Deuteronomiyo 12:31

Muhimulape Yave Mulukwaanyu mooteene yoowo simpakaaya miloko iyo, niwoko saalapaka milukusaya, iyo simpaka itthu soonanara soohiyanahiyana mwa seiyo Yave onthanyaawe. Awosa mpaka anaahisa anamwanaaya mmooroni ntoko sooveleela wa milukusaya.