Yeremiya 18:8 - Emakhuwa Bible

⁸ ni muloko owo kooperenraaka waarukunxa murima mwa soonanarasaya, vano kinookhurunuwa ni nkiruuhela erisa kaavaanenlaaka.

Yeremiya 18:8 Iomraidhean Croise

2 Nyaha 12:6

Ahooleli a oYixrayeli ni mwene yaahiiyevihasa eneera: “Yave ti oororomeleya.”

Icipo 106:45

Aahuupuwelela owiiraananawawe ni niwoko na waasivelawawe otokotoko aahiya waattaruxa.

Icipo 135:14

Yave onimwaakiha mulokwaawe ni onimwaamorela ikharari arumeiyaawe.

Icipo 90:13

Ii! Yave, muniwehe! Mpaka yaakhani eneeraaya ekhale hiiho? Mwaamorele ikharari arumeiyaanyu.

Okhuma 32:12

Muntthuna weera awExipitu yeere: ‘Owo aahaakhumiha ni murima woonanara weera awiivele mmanyaakoni ni aaphwatele mweelaponimu? Mukurunuxe isarasanyu soowoopiha! Muupuwele moota mukina ni muhiruuhele yoonanara eyo mulokwaanyu.

Okhuma 32:14

Vano Yave aaceendya soowuupuwelasawe ahipakelaka mulokwaawe yoonanara oopopiheraawe.

Yeremiya 12:16

Vano awosa aaxuttera nnenesene ekhovelelo ya mulokwaaka ni yaalipela mwa Nsinanaka yeeraka: ‘Kinlipela mwa Nsina na Yave’ – ntoko khalayi yaaxuttinghaaya mulokwaaka omulipela Bahali* – vano anookhalihiwa variyari wa mulokwaaka.

Yeremiya 15:6

Nyuwo mookihiya,” onghima Yave, “nyuwo mumpwaherera okhala oohapuweene. Tivawo kineeraaka kootaveeni koophwatakani; nkingweratho woomorelani ikharari.

Yeremiya 26:13

Vano, muhiye mweettelowaanyu ni ipakelosanyu soonanara ni mmwiiwelele Yave, Mulukwaanyu. Hiiho Yave onoohiya woopakelani erisa oolakelenlaaweni.

Yeremiya 26:19

Weeraka Hizekiya, mwene a oYuda, hoye hoye mukina a muloko wa oYuda woomwiiva? Hizekiya khamoomve Yave ni khamuroromenle Yoowo? Ni Yave khahingye waapakela erisa aalakelenlaawe? Nihanle vakhaani wiiruuhela erisa!”

Yeremiya 26:3

Apaale awosa eniyiiwe ni khula mutthu anaahiye mweettelowaawe woonanara. Vano Miyo kinoohiya waaruuhela erisa kaavaanelenlaaka niwoko na yoonanara ampakaaya.

Yeremiya 36:3

Apaale, muloko wa oYuda woonelela khula erisa kaavaanelenlaaka, khula mutthu anaahiye mweettelowaawe woonanara ni Miyo nkaalevelele yootakhala ni yootthekaaya.”

Yeremiya 42:10

‘Nyuwosa mwapwaherera okhala mulaponimu, Miyo kinimootekihani ni nkoophwatani; Miyo kinimoophatteyani ni nkoophelani, niwoko koothananaxa mwaha wa erisa kooruuhenlaakani.

Ezekiyeli 18:21

Vaheera, mutakhali ahiya soottheka sootheene opankaawe, aniiwelela ikanosaka, apakaka yeeyo eri yoororomeleya, vekhaikhai anaakhale ni okumi.

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Ezekiyeli 33:12

Tivawo, mwaana a mutthu, mwaaleele ha axunninyu: ‘Wookoleleya wa oororomeleya khoomutapuxa owo attiyamaaru, ni otakhala wa mutakhali khoommoroxa owo ahiyaleene yeeyo. Vano oororomeleya attheka, khakhala ni okumi niwoko na ororomeleyawawe wa khalayi.’

Ezekiyeli 33:13

Miyo kamuroromeliha oororomeleya weera owo anaakhale ni okumi, anapaka yoonanara, khasuupuweleliwaru mitekosawe soororomeleya; owo anaakhwele yoonanara opankaawe.

Ezekiyeli 33:14

Miyo kamweerela mutakhali: ‘Vekhaikhai nyuwo mmwikhwe,’ vaheera owo ahiya yootthekaawe, anapaka yeeyo eri yoororomeleya ni yoowookoleleya,

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Amosi 5:15

Muthanye yoonanara; musivele mpuha. Mukhalihe ekhaikhai munuulummwa milattu. Apaale Yave, Muluku a ikuru sootheene, anaamorele ikharari yaawo ahalahanle a Yoseefe.

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Deuteronomiyo 32:36

Yave onoothoriha mulokwaawe ni, oonaka weera khaakuru ni weera khaawo ohanle, akhalaka neethi naari epottha, Owo onimwaamorela ikharari arumeiyaawe.

Ahooleli 2:18

Imaara sootheene Yave aarumihelaawe muhooleli, Owo aakhala ni muhooleli aavuluxaka mmatatani mwa amwiittanaaya, muhooleli areene nlelo ni okumi. Yave aahaamorela ikharari mwaha wa wiinlawaya ohoolo wa yaale yaahooxa ni yaathananiha.