Yeremiya 18:21 - Emakhuwa Bible

²¹ Vano ngwinnyerere anamwanaaya mutalani ni mukatanani. Axaaraya etatuxiweke asinaamukhweli woohikhalano anamwane; asiiyaya yiiviwe ni amiravowaaya yiiviwetho ni ekatana mukhottoni.

Yeremiya 18:21 Iomraidhean Croise

2 Nyaha 36:17

Yave aahaarumihelasa mwene a oBabiloniya, mwa yoowo aawiivale ni ekatana amiravowaaya vaNipuroni Nootteela*. Khaawuurenleru hata amiravo naari asimwali, atokweene naari mamookwaaxa. Muluku aawinnyererasa ootheene awo mmatatani mwa Nebukadenezari.

Icipo 63:10

Animwinnyereriwa weera yiiviwe ethatuwaka hiiho sooca sa akhwatte.

Icipo 63:11

Vaheera mwene onoomuhakalalela Muluku. Ootheene yaale anlipela mwa Nsina na Muluku anoomuttottopela, mene iyano sa anamootha sinoomaalihiwa.

Okhuma 22:24

Onyoonyiwawaka onuukhale otokotoko ni kinoowiivasani ni ekatana. Axaarinyu eniithatuwe asinaamukhweli ni anamwaniinyu ikwaasuni.

Yesaya 13:18

Nyuupasaya sinimwaamoroxa amiravo; awosa khayaamorela ikharari asikhaani hata anamwanaaya.

Yesaya 9:16

Yaale anghooleliwa a muloko owo annalokottha yoowo ni yaale anghooleeliwa anoothweelelihiwa.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yeremiya 12:3

Wa soothesene mookisuwela miyo, Yave; munkoona, mootaka murima soowuupuwelasaka mwaha wa Nyuwo. Mwaavenxe atakhali ntoko ikhondoolo sinroihiwa owiiviwani. Ngwuurelele nihuku na wiiviwa!

Yeremiya 14:16

Ni wa yaawo anaathaliheraaya anoovonyerasiwa mmiseweni sa oYerusaleemu niwoko na ekatana ni etala. Khawowo aneera ahale weera aavithe naari axaaraaya, anamwane asilopwana hoye hoye asithiyana. Miyo kinimwaamoroxela erisa awosa amphwanelaaya.

Yeremiya 15:7

Miyo kinimwaaveerela musidade sa elapweene yeela ntoko makamba. Kinooruuhela mulokwaaka olalamika ni ophwatiwa, niwoko awosa khaanceendya iphirosaya.

Yeremiya 15:8

Kinoopakiha weera asinaamukhwelaaya yaattaxe opwaha ihaava sa mphareiya. Othana eriyari kinimwaaruuhela asimaayi a amiravowaaya asilopwana namaphwata; wootutuxereya kinimwaaruuhela woova ni otteenguwa.

Yeremiya 50:30

Tivawo, amiravowaaya eneeraaya emorele mmiseweni ni anakhottwaaya ootheene anoomaala nihuku nno,” onghima Yave.

Yeremiya 9:21

Okhwa woowela onavolowa muxanelanimwahu ovolowakatho mapurowaahu oolipihiwaxa; wohaamalamaliha anamwane mmiseweni ni amiravo mmapuwani.

Icipo Soolalamika 1:15

Yave ohaamwaraxa anakhotto ootheene yaakikhavihera; ookirumihela anakhotto weera yaaphwate amiravowaaka. Yave oomunyikalela mwali oowiikosoopa wanaameliwa iwuuva*, eyo tiiyo esidade ya oYuda.

Icipo Soolalamika 5:3

Nri akwaasuni a wuutiithini, asimayihu ari ntoko asinaamukhweli.

Ezekiyeli 16:38

Miyo kinimoothorihelani nttaruxo alakeleliwaaya asithiyana anraruwa ni angyeeha ephome; kinoowiinlelelani ikukuttula sa ephome ya isarasaka ni onyoonyiwa ontannyeriwa ni ehacaaka.

Ezekiyeli 22:25

Wookhalamo ovaanelela wa asitokweenaanyu, ntoko mwatto onoopa murika anyaanyaka yoovaraawe; munaanyaanya atthu, munkuxa mihakhu ni itthu sootthuneyaxa, mwaakhalihaka asithiyana ancipele asinaamukhweli.

Amosi 4:10

“Kaahoorumihelasani mahooxo ntoko kaapakenlaaka wExipitu. Kaawiiva amiravo ni ekatana; kaahiya sivariwaka ikavalusanyu*. Kaahunkhihaxa mphulanimwanyu ni wunkha wa anamakhwa mwaakonenlaanyuwo, mene waarookhalaru hiiho, nyuwosa khamuhokoleenle wa Miyo,” ongima Yave.

Deuteronomiyo 32:25

Anamwanaaya animwiivakasiwa mmiseweni ni ekatana; mmatthokonimwaya anoosareya maririmela. Animookhwa amiravo ni asimwali; anamwane ni anamuuluvala.

2 Timootheyo 4:14

Alesandre, namahana, ookipaka itthu soonanara sincipale. Apwiya eniimulive ntthuvelo ophwanenlaawe.

1 Samuweli 15:33

Vaheera Samuweli aamweerela: “Mweenre mwaakakatthasa anamwane a asimaayi amayinyutho kheekhalano mwaana variyari wa asimaayi.” Ni Samuweli aamwiiva Agagi ohoolo wa Yave oGiligali.