Yeremiya 18:15 - Emakhuwa Bible

¹⁵ Wa soothesene mulokwaaka wookittiwala; awosa anghisera erubani* miluku soohimuteko, mwa seiyo sinaakwattuliha mphironimwaya ni mphironi sa khalayi. Iyo sohaatannyera weetta moothweelelani mmiseweni soothipakaseya.

Yeremiya 18:15 Iomraidhean Croise

Nehemiya 9:17

Yaakhootta owiiwani ni yaattiwala sootikhiniha mwaapakenlaanyu. Yaahuumiha mirima moovaanyanimwaya, emuthanlaka mutokweene weera ehokoleele mpotthanimwaya. Wa soothesene, Nyuwo ti Muluku onlevelela; moosareya mahala ni ikharari; oopisa onyoonyiwa ni oosareya osivela. Tivawo mwahaahingyaanyu,

Yesaya 3:12

Amiravo anghasula mulokwaaka; asithiyana anlamula yoowo. Ii! Mulokwaaka yaale anoohoolelani annoolokotthani ni anoohapuxani mphironi.

Yesaya 41:29

Moone, ootheene yaawo ti oolokottha. Mitekosaya khasimvararu etthu; icaambulosaya soohaniwa sinlikana iphumu ni etthu yoohimuteko.”

Yesaya 57:14

Ni enimweeriwa: “Muthatawalihe, muthatawalihe, mureherere musewe, mvenxeke ikuttelelo mphironi mwa mulokwaaka.”

Yesaya 62:10

Mvire, mvire vamulako! Murehererele muloko ephiro. Muhule, muhule musewe mutokotoko! Mvenxe maluku. Mweemexere eneneero wa miloko.

Yesaya 65:7

sootthekasanyu nitho soottheka sa makholowaanyu,” onghima Yave. “Yeenre awosa epakela sooveleela mmanyaakoni ni ekiveihera mmattumuxani, Miyo kinimwaanyesereriha nlivo mwa soopakasaya sa khalayi.”

Yesaya 9:16

Yaale anghooleliwa a muloko owo annalokottha yoowo ni yaale anghooleeliwa anoothweelelihiwa.

Yeremiya 1:16

Kinoothoriha mulokwaaka niwoko na sootakhalasaya sootheene wookihiya Miyo, ohiseraka erubani* miluku sikina ni olapaka seiyo apankaaya matataaya.

Yeremiya 10:15

Seiyo ti soohimuteko, sootthebwiwa ni atthu; nthorihelonaya naaphiyaka, sinoophwatiwa.

Yeremiya 11:12

Vano mittetthe sa oYuda ni amaki a oYerusaleemu anookhuwelela miluku mwa seiyo anghiseraaya erubani*, mene iyo khasirwa saavuluxa yaaphwanyaka erisa.

Yeremiya 11:13

Ii! oYuda, nyuwo mookhalano miluku sincipale ntoko waatta wa mittetthesanyu ni waatta wa altaaraanyu* mwiitekenlaanyu weera munghisere erubani* mulukweene yoowo wa mwiikho Bahali*, ori ntoko waatta wa misewe sa oYerusaleemu.’

Yeremiya 11:17

Yave a ikuru sootheene, ophatteiye, ohoorumihelani erisa, niwoko ipuumba sa oYuda ni oYixrayeli soopaka soonanara sitannyaka isarasaka woomuhisera erubani* Bahali*.

Yeremiya 13:25

Ola ti mpattaanyu ni yeeyo koolakelenlaakani,” onghima Yave, “niwoko mookittiwala ni moororomela miluku soolokottha.

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Yeremiya 17:13

Ii! Yave, Oweherera wa oYixrayeli – ootheene anoohiyani Nyuwo anoohaawa wuulihiheya muru. Yaale anoohuluwani, vano masinaaya anoolempwa muntthupini, niwoko na omuhiya Yave, Naattuuttu a maahi a okumi.

Yeremiya 18:14

Etthabwe ya oLebanoni kheengwereya olakaseya mmanyaakonimwaya. Maahaaya ooriira khaanghiya opiluwa erweelaka mmapuroni a ottai.

Yeremiya 19:5

Awosa aamutekela Bahali* mapuro a mmattumuxani wa Bahali* weera yaahiseremo anamwanaaya asilopwana ni asithiyana – etthu Miyo kihitonkwaaka olamulela hata kahuupuwenlaaka.

Yeremiya 2:13

Mulokwaaka woopaka itthu sootakhala piili: owo wookihiya Miyo kiri naattuuttu a maahi a okumi, ni woothipa ihimesaya, aani ihime soowaaleleya sihingwera okhalano maahi.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 2:32

Weeraka mwaamwali onimwaattiwala axiveevaawe hoye hoye, ootthomeriwa soowarelasawe? Wa soothesene, mulokwaaka wookittiwala mahuku ootheene.

Yeremiya 3:21

Okhuwela oniiwanyeya vanttumuxani, wiinla ni odyoonttelela wa muloko wa oYixrayeli, niwoko waathanla iphiro sookhoromana omuttiwalaka Yave Mulukwaaya.

Yeremiya 44:25

Yave a ikuru sootheene, Muluku a oYixrayeli, oneera ha: Nyuwosa ni axaarinyu mukwanihere mwaaroromelinghaanyu mweeraka: ‘Ettiitthu nnookwanihera soororomelihasahu soomuhisera erubani* ni soovaha sa soowura pwiyamwene a wiirimu.’ “Mpwaherere! Mpake muroromelinghaanyu! Mukwanihere soororomelihasanyu!

Yeremiya 51:18

Iyo ti soohivareleya muteko, siri etthu yootthebwano. Waarwaaka othorihiwawaya, sinooriheya.

Yeremiya 6:16

Yave oneera ha: “Mweemele vamathakalaano ni moone; mwaasaasere iphiro sa khalayi, mukohe eri woowi ephiro yooreera ni mukuxere, ni vano munoophwanya wiitthuuwa wa okumaanyu. Vaheera mweenre: ‘Hiyo khaninkuxera yeeyo.’

Yeremiya 7:9

Munuupuwela weera onoowereya wiiya, wiiva, oraruwa, wootha, omuhisera erubani* Bahali* ni otthara miluku sikina muhisuwenlaanyu,

Ezekiyeli 21:15

Vano, kookhaliha ekatana kimweerelaka noomala mmilakonimwaya moothemwene weera mirima sitothowe ni emoroxiwe ancipale. Ii! Eyo epakeliwe weera eceremele ntoko overinya; yoovareliwa eereliwaka noomala.

Ezekiyeli 36:15

Miyo nkitthuniheratho weera nyuwosa moone matthebwa a miloko, ni nyuwo khamuhaawatho matthebwa a miloko, hata kheemoroxa mulokwaanyu, onghima Yave onlamula sootheene.”

Hoxeya 11:2

Vaheera Miyo kaawiitthanaxaaka aYixrayeli, awosa ti yaakirakamelasaaya. Awosa yaahaapakela sooveleela aBahali*, ehiseraka erubani* icaambulo.

Hoxeya 2:13

Miyo kinimwaattaruxela mahuku yaahisenraaya aBahali* erubani*; awo yaahiiphwanelihano annela ni axiveeve, enaatthara yaawo anaakonanaaya, vaheera yaakittiwala Miyo,” onghima Yave.

Hoxeya 2:6

Tivawo kineeraaka kittiyelele iphirosaya ni nyiiwa; kinimwaarica moota wooweera awo kheewera ophwanya ephiro.

Malekiya 2:8

Vaheera nyuwosa moohapuwa mphironi. Ni oxuttihawanyu mootannyera omora wa atthu ancipale; nyuwosa moonanariha wiiraana wa Leevi,” oneera Yave a ikuru sootheene.

Matheyo 15:6

Apaka yeeyo, nyuwo munnaakhulela weera owo khanyesererihiwa waattittimiha atithawe mooteene yoola. Hiiho nyuwo munkhootta masu a Muluku niwoko na ekhovelelowaanyu.

aRooma 14:21

Fataari ohikhuura enama, naari ohiwura eviinyu, hata opaka yakhalaru etthu enimukwattuliha munninyu.

Deuteronomiyo 32:21

Yaakitannyera ihace ni seiyo sihikhanle miluku ni yaakinyoonyiha ni icaambulosaya soohimuteko. Kinimwaatannyerela ihace kithanlaka muloko mukina ohikhanle muloko wa ekhaikhai; kinimwaanyoonyeriwa kithanlaka muloko woohimiruku.