Yeremiya 18:12 - Emakhuwa Bible

¹² “Vaheera awosa animwaakhula: ‘Muhipacere. Nnoopwaherera ni soovaanelasahu; khula mutthu a hiyo onootthara ettiyamaaru ya murimaawe woonanara.’”

Yeremiya 18:12 Iomraidhean Croise

Epacerero 6:5

Yave aahoona waandyeerereya wa sootakhala sa atthu mweelaponi ni weera soowuupuwela sa mirimasaya sannaasaasa mahuku ootheene seiye siri soonanara paahi.

Epacerero 8:21

Vano Yave aahoona wunkhela wooreeraxa ni aahiixeerela: “Nkirwa kilaphatho etthaya niwoko na mutthu, orookhalaru murimaawe woosareya ni soonanara okhuma oyariwawawe. Nkirwatho kiphwata itthu sootheene siri ni okumi ntoko kipankaaka emaara ela.

2 Mamwene 6:33

Owo alokololaka hiihaale, namutthenga aaphiya. Vano ehuhuweene yeele mwene aamweerela: “Nna nttaruxo na Yave. Nkirwa kingwehereratho Yave.”

Yesaya 57:10

Mwaathatuwa ookhulumuweene ni iphirosanyu sootheene, mene khamutthunne weera: ‘Seiyo siri soohimuteko!’ sohoorweelani ikuru sinyowani, tivawo muhitteengungwaanyu.

Yesaya 65:2

Mahuku ootheene kootheteela matata muloko woottiyamaaru, mwa yoowo oneetta mphironi yoonanara ni onaasa soowuupuwelasaya paahi.

Yeremiya 11:8

Vaheera awosa khayaakiiwale hata khayaakipwantthe; ohiyanawaya yaatthara ettiyamaaru ya mirimasaya soonanara. Tivawo kaaruuhenlaaka malapho ootheene ala a wiiraana kaalamulenlaaka otthara, awosa ehiiwelelaka.’ ”

Yeremiya 16:12

Vaheera nyuwosa mootepihaxa waapwaha makholowaanyu. Moone moota khula mutthu a nyuwo onttharaawe ettiyamaaru ya murimaawe woonanara, ohiya okiiwelela Miyo.

Yeremiya 2:25

Muhitthimake mpaka inaawosanyu ottukuttuwa, hata ohiwuumeni wammilo! Mene nyuwo muneera: ‘Khoongwereya! Kookhovelela miluku sikina, ni kintthuna otthara seiyo.’

Yeremiya 23:17

Awosa annaweerela yaawosa ankiramusa: ‘Yave oneera: Nyuwo munookhalano murettele.’ Ni wa ootheene antthara ettiyamaaru ya mirimasaya angweerela: ‘Khayoophwanyaniru yoonanara.’

Yeremiya 3:17

Ehuhuweene yeeyo animwiitthana oYerusaleemu ‘Ehice ya Emwene ya Yave’ ni miloko sootheene sinoothukumana oYerusaleemu weera sittittimihe Nsina na Yave. Seiyo khasirwatho sitthara ettiyamaarwaaya.

Yeremiya 44:17

Ettiitthu nnoopaka sootheene nihimmaahu weera nnoopaka: nnoomuhisera erubani* pwiyamwene a wiirimu ni nnoomuyeehera soovaha sa soowura, ntoko nipankaahu hiyo, makholowaahu, mamwenaahu ni ahoolelaahu mmasidadeni sa oYuda ni mmiseweni sa oYerusaleemu. Ehuhuweene yeele naaruwera, naari ooweetteleya nnene nihihaawelaka etthu.

Yeremiya 6:17

Kohaakhaliha anamalipelela variyariwanyu kiweerelaka: ‘Mwiiwe nnenesene oruma wa nipalapatta.’ Vaheera mweenre: ‘Khanimpwattha.’

Yeremiya 7:24

Vaheera awosa khayaakiiwale hata khayaakipwantthe; ohiyanawaya yaatthara soowuupuwela soovaanya sa mirimasaya soonanara. Yaahokoleenle ottuli ohiya ohoolo.

Ezekiyeli 37:11

Vano Owo aakeerela: “Mwaana a mutthu, makhuva ala ti muloko wootheene wa oYixrayeli. Awosa aneera: ‘Makhuvaahu ahuuma ni owehererawahu woolakaseya; vano, noomalamalihiwa.’

Malekiya 3:14

Nyuwosa mweenre: ‘Khoomvareleya muteko omurumeela Muluku. Ningwinani niiwelelaka ikanosawe ni olalamika ohoolo wa Yave a ikuru sootheene?

Luuka 1:51

Owo aapaka itthu sa ikuruxa ni moonowaawe. Aahaamwaramwaxa yaawo ari oowiixoona mmirimanimwaya.

Deuteronomiyo 29:19

Mutthu ntoko owo, iiwaka masu a nlipelo nna, oniiruuhela nreeliho, eeraka: “Koolipa orookhalaru weera kintthara murimaaka.” Eyo eniiruuhele nttaruxo elapo yoonaanela mpaka yoowuumeene.