Yeremiya 17:9 - Emakhuwa Bible

⁹ Murima ti woolokotthaxa opwaha itthu sootheene ni erettaaya ti yoohilameya. Khaawo anaawere wiiwexexa.

Yeremiya 17:9 Iomraidhean Croise

Epacerero 6:5

Yave aahoona waandyeerereya wa sootakhala sa atthu mweelaponi ni weera soowuupuwela sa mirimasaya sannaasaasa mahuku ootheene seiye siri soonanara paahi.

Epacerero 8:21

Vano Yave aahoona wunkhela wooreeraxa ni aahiixeerela: “Nkirwa kilaphatho etthaya niwoko na mutthu, orookhalaru murimaawe woosareya ni soonanara okhuma oyariwawawe. Nkirwatho kiphwata itthu sootheene siri ni okumi ntoko kipankaaka emaara ela.

2 Samuweli 11:15

Mukarattani mmwe aalepa: “Munghoolihe Uriya mmwiikaathiki mpatta eneeraaya eluttuwaxe ekhotto ni mwamuhiyewo meekhaawe weera avulalihiwe ni akhwe.”

Icipo 51:5

Vekhaikhai kiri namattheka eyareliwaaka; aani okhuma ehuhu yaakirupanlaaya amayaka.

Icipo 64:7

Vaheera Muluku onimwaalathela nyuupasawe; anoovulalihiwa woowaakuveya.

Masu a Miruku 28:26

Yoowo oniiroromela, ti mulolo, vaheera yoowo oneettela miruku khakhanle ngwoopihani.

Namalaleiya 9:3

Yoonanara eri mwa sootheene sineereya mulaponi ya vathi ela, ti ela: Ommaleloni wa ootheene, ti omoharu. Ohiya sikina iyo, murima wa atthu woosareya soonanara ni soololo mookumini wootheene ni ommaleloni awosa animookhwa.

Yesaya 1:5

Ontthunela heeni opwaherera ottaruxiwa? Munnyesererelani ovaanya? Muruwaanyu wootheene ori makhwattaru ni murimaanyu wootheene woovoreyeya.

Yesaya 1:6

Erutthu yootheene khoowowo ori vakumi – paahi makwattharu, ovoreyeya ni anantthweenye – ahilamihiwe naari ahitthukiweru ni algadura hata ahikurunuxiwe ni makhura.

Yesaya 6:10

Muumihe mirima sa muloko owo; mwaattiyanihe maaruwaaya ni mwaawale maithwaaya. Mwaahipaka yeeyo, owo onimoona ni maithowaaya, onimwiiwa ni maaruwaaya ni onimwiiwexexa ni mirimasaya, ni vano onoorukunuwa ni onoolamihiwa.”

Yeremiya 16:12

Vaheera nyuwosa mootepihaxa waapwaha makholowaanyu. Moone moota khula mutthu a nyuwo onttharaawe ettiyamaaru ya murimaawe woonanara, ohiya okiiwelela Miyo.

Yeremiya 7:24

Vaheera awosa khayaakiiwale hata khayaakipwantthe; ohiyanawaya yaatthara soowuupuwela soovaanya sa mirimasaya soonanara. Yaahokoleenle ottuli ohiya ohoolo.

Matheyo 13:15

Vano mirima sa muloko ola saathatuwa soohipwattha, waakhalano maaru oolipa ni maitho ookhuneeleya. Wahaari hiihaawo, yaahereke woona ni maitho, wiiwa ni maaru, wiiwexexa ni murima ni orukunxa murima, ni Miyo kaamwaalamiha.’

Matheyo 15:19

Vano, wa mmurimani sinkhumelelaaya soowuupuwela soonanara, wiiva, oraruwa, olavilavi, wiiya, wootha ni waapa.

Marku 2:17

Iiwaka yeeyo, Yeesu aaweerela: “Khaahiyono yaale ari ni okumi animuhaawela meediku, mene aani aretta. Miyo nkaaweenle owiitthana oororomeleya, mene anamattheka.”

aRooma 1:21

Vano, emusuwelaka Muluku, khayaamvuwihale ntoko Muluku, hata khayaamutthapenle, mene soowuupuwelasaya saathatuwa sa siiyo, ni mirimasaya sa ololo saathatuwa epiphi.

aRooma 7:11

Yoottheka, evarelaka muteko ehuhu evahiwe ni nlamulo, yookilokottha ni yookiiva niwoko na nlamulo.

awEfeso 4:22

Vano, mwaha wa mweettelo wa khalayi, nyuwo mwaaxuttihiwa weera mwiirule wa mutthu a khalayi, oniinanariha ni soohaawela soolokottha,

aHeberi 3:12

Mwiipasoope, axunna, weera hata mmoha a nyuwo ahikhalane murima woonanara ni woohiroromela onsusa wa Muluku mukumi.