Yeremiya 17:21 - Emakhuwa Bible

²¹ Yave oneera ha: Mwiipasoope weera muhiteexeru yoolemela vanihukuni na eSaabadu naari muhivoleihe yeeyo mmilakoni sa oYerusaleemu.

Yeremiya 17:21 Iomraidhean Croise

Okhuma 20:8

Muupuwelele nihuku na eSaabadu mutteelihaka.

Masu a Miruku 4:23

Yoontthuneyaxa ti othokorora murimaawo, niwoko owo onlamulela ephiro ya okumaawo.

Yesaya 56:2

Ooreelihiwa ti mulopwana ompaka yeeyo, yoole ompwaherera mwa yeeyo oolipeene, onttittimihera eSaabadu, ahiveihaka yeeyo ni ahitthuniheraka matataawe opaka yoonanara.”

Yesaya 58:13

Nyuwosa mwawehaweha inaawosanyu weera muhinanarihe eSaabadu, mpakaka yeeyo muntthunaanyu vanihukuninaka nootteela, nyuwosa mwiitthana eSaabadu nihuku na ohakalala ni nihuku nootteela na Yave, nihuku noottittimiheyaxa ni nyuwosa mwattittimiha, muhittharaka iphirosanyu, muhipakaka seiyo muntthunaanyu paahi hata muhuulumaka masu oohorahora,

Marku 4:24

Yeesu aapwaherera eeraka: “Muupuweleke nnenesene yeeyo muniiwaanyu. Muringo munringelaanyu, nyuwo mmuringeliwe, ni mmwaandyeereriwetho.

Luuka 8:18

Tivawo, muupuwele nnenesene moota woowiiwa nyuwo. Owo orino, onoovahiwatho. Vaheera owo ohikhalanne, mpaka yeeyo onuupuwelaawe weera ookhalano, onimwaakhiwa.”

Miteko 20:28

Mwiipasoope nyuwo asineenaanyu ni muhuwo mwa yoowo Munepa Wootteela owiikaathenraayani ntoko asitokweene ankosoopa*, weera mukukhulele ekerexa ya Muluku Owo othumalaawe ni ephomaawe muneenaawe.

Deuteronomiyo 11:16

Mwiipasoope weera muhilokotthiwe muhapuxeriwaka olapa miluku sikina mukokhorelaka ohoolowaya.

Deuteronomiyo 4:15

Nihuku Yave uulummaawe ni nyuwo mmooroni oHorebi, kheewo moonnaanyu. Tivawo, mwiipasoope nnenesene,

Deuteronomiyo 4:23

Mwiipasoope weera muhittiwale wiiraana wa Yave Mulukwaanyu oopakenlaaweni. Muhiipakele akhalaru muluku mulikanxeraka yakhalaru etthu Yave Mulukwaanyu ookhoottihenraaweni.

Deuteronomiyo 4:9

Mwiipasoope nnenesene weera muhittiwale itthu maithwaanyu yoonnaaya. Muupuwelele seiye mahuku ootheene a okumaanyu. Mwaathaliherase anamwaniinyu ni anamwanaaya.

Yoxuwa 23:11

Mwiipasoope weera munsivele Yave Mulukwaanyu.