Yeremiya 17:13 - Emakhuwa Bible

¹³ Ii! Yave, Oweherera wa oYixrayeli – ootheene anoohiyani Nyuwo anoohaawa wuulihiheya muru. Yaale anoohuluwani, vano masinaaya anoolempwa muntthupini, niwoko na omuhiya Yave, Naattuuttu a maahi a okumi.

Yeremiya 17:13 Iomraidhean Croise

Icipo 22:4

Makholowaahu yaahoororomelani Nyuwo; yaahoororomelani ni Nyuwo mwaawoopola.

Icipo 69:29

Othananawaka ni ovoreiwawaka ti otokotoko; Ii! Muluku, ovuluxawanyu okaakiheke!

Icipo 71:5

Ii! Yave onlamula sootheene, Nyuwo muri owehererawaka, ororomelawaka okhuma enamwanaaka.

Icipo 73:27

Moone, yaale yoohiyaleni anooriheya; Nyuwo munaaphwata oohiroromeleya ootheene.

Icipo 97:7

Ootheene anlapa icaambulo anuulihiheya muru, yaale aniivuwihera miluku soolokottha. Munkokhorele Yoowo nyuwosa miluku sootheene soolokottha!

Masu a Miruku 10:7

Wuupuwelela ehiiwale ni oororomeleya onookhala mareeliho, vaheera nsina na atakhali nnimuutta.

Masu a Miruku 14:14

Oohiroromeleya anootthuveleliwa mweettelowaaya, vaheera mutthu a nnene onimwaakhela ntthuvelonawe nooreera.

Yesaya 1:28

Vaheera anamavaanya ni anamattheka anoophwatiwa ni yaawo animuhiya Yave anooriheya.

Yesaya 66:5

Mwiiwe masu a Yave, nyuwosa munthukumela woowiiwa maswaawe: “Axunninyu anoothanyani ni anookhoottani niwoko na Nsinanaka yaaheera: ‘Yave avuwihiweke weera noone ohakalalawanyu!’ Wa soothesene, awosa eneera yuulihiheye muru.

Yeremiya 14:8

Ii! Oweherera wa oYixrayeli ni Mvuluxaaya mweehuhuni yoovalaveliha, heeni munkhalaanyu ntoko namarwa mweelaponi, ntoko namukwaha omviriha ohiyu mmoha paahi?

Yeremiya 17:17

Muhikhale moopopiherowaaka; Nyuwo ti Wootthawelawaka vanihukuni na erisa.

Yeremiya 17:18

Yaale ankisoonda eyeviheyeke, mene kihikhale miyo; awosa yoopopiheye, mene kihikhale miyo. Mwaaruuhele nihuku na erisa, mwaaphwate woomalelaxa.

Yeremiya 17:5

Yave oneera ha: “Oolaphiwa ti yoole onimuroromela mutthu, uupuwelaka weera omutthu ti ikurusawe, mene murimaawe omurakamenleene Yave.

Yeremiya 19:4

Vano awosa aakihiya ni aatatuxa nipuro nna nipuro na miluku sa anamarwa; awosa aahisera erubani* miluku mwa seiyo awosa, naari makholowaaya, hata mamwene a oYuda yahaasuwenlaayaru ni aasariha nipuro nna ephome ya oohinthowa.

Yeremiya 2:13

Mulokwaaka woopaka itthu sootakhala piili: owo wookihiya Miyo kiri naattuuttu a maahi a okumi, ni woothipa ihimesaya, aani ihime soowaaleleya sihingwera okhalano maahi.

Yeremiya 2:17

Nyuwo muneenaanyu ti nanthowa mwa yeeyo yookhumelenleni, woomuhiya Yave, Mulukwaanyu, Owo oweettihaleni mphironimwawe.

Yeremiya 50:7

Ootheene amphwanya anookhuura. Awananaaya yeenre: ‘Khaninthowa, niwoko awo aamutthekela Yave, Moocamwaya xaxaxa, aani Yave ori Oweherera wa makholowaaya.’

Ezekiyeli 13:9

Ntatanaka nnimwaawanano maprofeeti arino nyoonelo soolokottha ehimaka sootthoma soowootha. Awosa kheekhalela mpatta wa muthukumano wa mulokwaaka, naari khayaalikeleliwa munamalepelani a oYixrayeli, hata kheevolowa mulaponi mwa oYixrayeli. Hiiho, nyuwosa munoosuwela weera Miyo ti Yave onlamula sootheene.

Ezekiyeli 16:63

Vano Miyo kaarehereraka wiiraana mwaha wa nyuwo niwoko na sootheene mpankaanyu, nyuwo munimuupuwelela ni munimuulihiheya muru ni khamuhularutho eyano niwoko na oyeviheyawanyu, onghima Yave onlamula sootheene.’”

Ezekiyeli 36:32

Kintthuna weera nyuwosa musuwele weera nkimpakela yeeyo mwaha wa nyuwosa, onghima Yave onlamula sootheene. Muulihiheye muru ni mwiiyevihe niwoko na mweettelowaanyu, ii! Muloko wa oYixrayeli!

Daniyeli 12:2

Ancipale ankona vatthayani anoovenyerera: akina wa okumi woohimala ni akinaawo wa wuulihiheya muru ni munyemu woohimala.

Yoweli 3:16

Yave anaatturume oSiyoni; nsunawe nniiwiwe oYerusaleemu. Erimu ni vathi eniitetereye, mene Yave anaakhale Wootthawelawo mulokwaawe; aani Nipuro Noolipaxa na aYixrayeli.”

Zakariya 13:1

“Vanihukuni nenenenno anaattuuttu anoopiluwela ekhapira ya Davide ni amaki a oYerusaleemu weera yaatteelihe mwa soottheka ni soohitteela.

Zakariya 9:12

Ii!, anamatthukiwa oosareya oweherera, muhokoleele vanipuroniwanyu noolipihiwaxa. Vaanaanova kinlaleiya weera kinimoorehererelani sootheene moota wa iphura.

Luuka 10:20

Wa soothesene, muhihakalale niwoko minepa soonanara sinoowiiwelelani, mene muhakalale niwoko masinaanyu aalempwa wiirimu.”

Yohaane 4:10

Yeesu aamwaakhula: “Nyuwo mwaasuwenle yamahala ya Muluku ni taani onoovekelani maahi, mwaamumvekela maahi ni Owo aamoovahani maahi a okumi.”

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Miteko 28:20

Niwoko na yeeyo kaavekela weera kiwooneeni ni kuulume ni nyuwo. Miyo kootthukiwa ni onyooro ola niwoko na nroromelo na aYixrayeli.

1 Timootheyo 1:1

Ya Pawulo, murummwa a Kristu Yeesu munlamuloni na Muluku, Mvuluxaahu, ni na Kristu Yeesu, owehererawahu.

Ethupululo 20:15

Nsina na mukina nahaaphwanyiwe mulivuruni ya okumi, owo aavonyeriwa vantthiyani na mooro.

Ethupululo 21:6

Aakeerelatho: “Yoopakiwa. Miyo ti Alfa* ni Omega*, Epacerero ni Emalihero. Wa yoowo anaavoliwe ntthona, nkingwurihe woohiliva maahi a naattuuttu a okumi.

Ethupululo 22:1

Vano ndyelo aakoonihera mooloko wa maahi a okumi, oowaara ntoko ekristalo*, okhumaka vahiceni ya Muluku ni ya Eputtiputthi

Ethupululo 22:17

Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.

Ethupululo 7:17

niwoko Eputtiputthi eri eriyari ya ehice eniikhale Mukukhulaaya. Eyo eniweettihe wa anaattuuttu a maahi makumi. Ni Muluku anaawuukutthe mmaithonimwaya maithori ootheene.”