Yeremiya 17:10 - Emakhuwa Bible

¹⁰ “Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 17:10 Iomraidhean Croise

1 Mamwene 8:39

vano mwiiwe wiirimu munkhalaanyuwo ni mulevelele. Mumvahe khula mutthu yeeyo omphwanelaawe, niwoko Nyuwo munsuwela mirima sa atthu ootheene. Aani ti Nyuwo paahi munsuwela murima wa khula mutthu.

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

2 Nyaha 6:30

muri wiirimu, nipuro mmankaanyu mwiiwe. Mulevelele ni mumpakele khula mutthu yeeyo omphwanelaawe, mweenre musuwela murimaawe. Aani, ti Nyuwo paahi musuwenle murima wa mutthu.

Yobi 34:11

Owo onimutthuvela mutthu attharihaka yeeyo opankaawe, ni onimvaha yeeyo emphwanela mweettelowaawe.

Icipo 44:21

vekhaikhai Muluku aamoona yeeyo eenre asuwela ixiiri sa murima.

Icipo 44:22

Wa soothesene, niwoko na Nyuwo okhwa ori ohoolowahu ehuhu yootheene; nnooniwa ntoko ikhondoolo sinroihiwa owiiviwani.

Icipo 62:12

Osivela woororomeleya ti wawinyu, Nyuwo, Yave. Vekhaikhai khula mutthu munoomutthuvela yeeyo omphwanelaawe.

Icipo 7:10

Muluku a osulusulu ti yoowiixaakiheraaka; Yoowo onimuvuluxa mutthu a murima wa ekhaikhai.

Icipo 7:9

Ii! Yave a ekhaikhai, Nyuwo munoona soowuupuwela ni mirima sa atthu ootheene, mmalihe nipuhero na atakhali ni mwaalipihe oororomeleya.

Masu a Miruku 12:14

Mutthu onaakhela mureerelo mwa soowiima sa eyanowaawe, ni miteko sa matataawe onootthuveliwano.

Masu a Miruku 17:3

Eyuuma yoorikaxa ni eparatha* sinrehereriwa vayikho, vaheera ti Yave onoota mirima sa atthu.

Namalaleiya 9:3

Yoonanara eri mwa sootheene sineereya mulaponi ya vathi ela, ti ela: Ommaleloni wa ootheene, ti omoharu. Ohiya sikina iyo, murima wa atthu woosareya soonanara ni soololo mookumini wootheene ni ommaleloni awosa animookhwa.

Yesaya 59:18

Owo onimwaatthuvela attharihaka mitekosaya; wa awananaawe isara; wa amwiittanaawe ntthuvelo nootthuneya ni wa icirumba seiyo simphwanela.

Yeremiya 11:20

Ii! Yave a ikuru sootheene, Mphuki a ekhaikhai munoota murima ni soowuupuwela sa omutthu, kingweherera woona owiinlelawanyu ikukuttula niwoko mulattwaaka kingwinnyererani Nyuwo.

Yeremiya 12:13

Awosa yaahaala etrigu, mene ahemphe nyiiwa; wohaakhulumula ovara muteko woohiruwera etthu. Vano, awosa anuulihiheya muru ni ohepha niwoko na isara sitokotoko sa Yave.”

Yeremiya 20:12

Ii! Yave a ikuru sootheene, Nyuwo mungwehaweha murima wa oororomeleya ni munoota murima ni soowuupuwela, mukihiye koone owiinlelawanyu ikukuttula, niwoko kininnyerera mulattwaaka mwa Nyuwo.

Yeremiya 21:14

Miyo kinimoottaruxani kittharihaka mitekosanyu, onghima Yave. Miyo kinoopattiha mooro moothakonimwanyu oneera ohise sootheene siri mukhwipimwaya.’ ”

Yeremiya 23:2

Tivawo Yave Muluku a oYixrayeli ongweerelaawe ha akukhuli ankosoopa mulokwaaka: “Mweenre mmwaraxa ni moomola muhuwaaka muhikosoopaka, kinimooruuhelani nttaruxo niwoko na soonanara mpankaanyu,” onghima Yave.

Yeremiya 32:19

sootthunasanyu ti sitokotoko ni soopakasanyu ti sa ikuru. Maithwaanyu angwehexexa ipakelo sa atthu; Nyuwo munimutthuvela khula mutthu muttharaka mweettelowaawe, ntoko ipakelo sa mutekwaawe simphwanelaaya.

Ezekiyeli 11:5

Vano Munepa wa Yave, waahoorwa wa miyo, onakiruma ohima weeraka: “Yave oneera ha: Ii! Muloko wa oYixrayeli, ti yeeyo nyuwosa munghimaanyu, vaheera Miyo koosuwela yeeyo munuupuwelaanyu.

Ezekiyeli 14:5

Nkipakele yeeyo weera kiwinetho murima wa muloko wa aYixrayeli mwa yoowo okihiyale okaakakhanyihaka ni miluku sikina.’

Mikeyasi 7:13

Elapo enoohala ttewu niwoko na yeeyo amakaaya apankaaya.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Matheyo 6:4

weera yamahalaanyu ekhale muxiirini. Atithinyu anoona yeeyo empakiwa muxiirini, eniyootthuveleni.

Yohaane 2:25

Khawaatthuneya weera akhaleliwe onamoona mwaha wa mutthu niwoko aasuwela nnenesene yeeyo yaari mmurimani mwa atthu.

Miteko 1:24

Vahoolowaya yaavekela: “Apwiya nyuwo munsuwela mirima sa ootheene. Munoonihere taani a eeli ala munthanlalaanyu,

aRooma 6:21

Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa!

aRooma 8:27

Ni Muluku onoona mpaka mpuwa mwa mirima, onsuwela yeeyo Munepa onghaawelaaya, niwoko Munepa onnaavekelela ootteela ntoko Muluku ontthunaawe.

Ethupululo 2:23

Nkiwiive anamwane a muthiyana owo. Vano, ikerexa sootheene nsisuwele weera Miyo ti Yoole onsuwela nnenesene soowuupuwela ni mirima, ni khula mutthu nkimwaakhelihe ntoko mutekwaawe omphwanelaaya.

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.

Ethupululo 22:12

“Moone kinrwa vaanaano vaava. Ntthuvelonaka nri ni Miyo ni nkimutthuvele khula mutthu mwaha wa yeeyo aapakaawe.

1 Samuweli 16:7

Vano Yave aamweerela Samuweli: “Muhiwehexexe ekhalelowaawe naari orakamawawe, niwoko Miyo koomukhootta. Yave khangweha ekhove ntoko mutthu: Mutthu ongweha ekhove, vaheera Yave ongweha murima.