Yeremiya 16:6 - Emakhuwa Bible

⁶ “Okhuma maneethi mpaka asikhaani animookhwa mweelaponi ela. Awosa kheevithasiwa naari kheelalamikeliwa ni khaawo aneera iipophe naari ametthe mwaha wa yaawosa.

Yeremiya 16:6 Iomraidhean Croise

2 Nyaha 36:17

Yave aahaarumihelasa mwene a oBabiloniya, mwa yoowo aawiivale ni ekatana amiravowaaya vaNipuroni Nootteela*. Khaawuurenleru hata amiravo naari asimwali, atokweene naari mamookwaaxa. Muluku aawinnyererasa ootheene awo mmatatani mwa Nebukadenezari.

Yesaya 22:12

Nihuku nenenenne Namalamula, Yave a ikuru sootheene oowiitthanani weera mwiinle ni mulalamike, murosole mayihaanyu ni ngware isaakho.

Yesaya 24:2

Ommaleloni wa asaserdoti* onoolikana wa muloko; pwiiya wa murumeiyi, pwiiya muthiyana wa murumeiyi muthiyana, namathumiha wa namathuma, namakopa ni namakopiha, namakoongora wa namakoongoriha.

Yeremiya 13:13

vano mwaaleele: ‘Yave oneera ha: Kinoopakiha weera ootheene ankhala mweelaponi ela ehapalasiwe vamoha ni mamwene ankilaathi vahiceni ya emwene ya Davide, asaserdoti*, maprofeeti ni ootheene ankhala oYerusaleemu.

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 41:5

asilopwana miloko mithannamiraru yaamentthe ireru, yaahunleene soowarasaya ni yiipompheene yaahoorwa ekhumaka oXekhemi, oXilo ni oSamariya, eruuhaka soovaha sa irooro ni erubani* weera eveleele Mpaani mwa Yave.

Yeremiya 47:5

Amaki a oGaza aamettha mayihi; wAxekeloni ori emaalelo. Ii! Oohalahala a munghawalawani, mpaka yaakhani nyuwo mwiinanelaka?

Yeremiya 48:37

Khula muru woometthiwa ni irerusene; matata ootheene ari makhwattaru ni eyuunu yootheene yookutteleliwa ni ikuwo soolalamikano.

Yeremiya 7:29

Mmetthe mayihaanyu ni murihe; mulalamike mmattumuxani oothaamiwa, niwoko Yave oohiya ni ookhootta ekhapira ela entannya isarasawe.

Yeremiya 8:2

Anookhala vanlakani yoopeliweke nsuwa, ni yaareliweke mweeri ni ithenyeri sa wiirimu mwa seiyo awosa yaasivelaaya ni yaarumeelaaya ni mwa seiyo yaattharaaya, yaakokhorelaaya ni yaattottopelaaya. Makhuveene yaawo kheethukumanyihiwa hata kheevithiwa, mene eniikhale ntoko ikokhola vatthayani.

Levitiku 19:27

Muhicemele hata muhicemelele ireru.

Levitiku 19:28

Muhiithikilase niwoko na anamakhwa naari muhiipophe. Miyo ti Yave.

Amosi 6:11

Vano Yave, oolamulela, ni Owo onoophwata empa etokweene apwexakasaka, ni empa ekhaanene mpaka othatuwa impharumpharu.

Matheyo 9:23

Aphiyaka owannyawe muhooleli ni awoonaka alipa aampetta ni atthu ancipale yiinlaka,

Deuteronomiyo 14:1

Nyuwosa ti anamwane a Yave Mulukwaanyu. Muhipophe naari muhicemelane niwoko na anamakhwa.

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.

Ethupululo 6:15

Vano, mamwene a elapo ya vathi, asitokweene, ahooleli a anakhotto, mathadyiri, alipa a ikuru – ootheene, hata ipottha, hata maneethi – yaahiipitha mmakhukuni ni nnyattani sa nnyaakoni.