Yeremiya 16:5 - Emakhuwa Bible

⁵ Vano Yave oneera ha: “Muhivoloweru mpaani oraawemo nookhwa, muhirowe olalamika hata woonihera ikharari, niwoko Miyo koovenxa nreelihonaka, osivelawaka, murimaaka wooreera mwa muloko ola,” onghima Yave.

Yeremiya 16:5 Iomraidhean Croise

Icipo 25:6

Yave, muupuwelele ikharari ni osivelawanyu otokotoko moonihenraanyu okhuma khalayi.

Yesaya 27:11

Iphandisaya suumaka ni saavasuwaka, asithiyana anootetheera. Vano muloko owo ti woohiiwexexa; tivawo Yoole aapanke ohinaamorelaawe ikharari; Mpattuxaaya khanoonihera murima wooreera.

Yeremiya 12:12

Anamaphwata animoowa eviraviraka mmattumuxani oowuumelela onikareni, niwoko ekatana ya Yave enoophwata elapo yootheene eyo. Khawowo anaakhale oolipeene.

Yeremiya 13:14

Kinimwaanyaanya kaathataanyeraka mpaka asitiithi ni anamwanaaya asilopwana, onghima Yave. Hata ikharari hata murima wooreera naari osivela khookikhoottiha waaphwata.’”

Yeremiya 16:13

Tivawo kineeraaka koovonyereni ottai wa elapo ela, mweelaponi hata nyuwo naari makholowaanyu yahaasuwenlaaya ni weiwo munkela orumeelawo miluku sikina othana ni ohiyu, niwoko nkoomorelasanitho ikharari.’”

Icipo Soolalamika 3:17

Ookaakha murettele; koottiwala weetteleya nnene.

Zakariya 8:10

Vano, ehinaaye ehuhu ele, khanaariworu nlivo wa mutthu hoye hoye mwaamunama. Khaawo aampaka nakoso oolipeene niwoko na awananaawe keenre Miyo kangwanawaniha mukina ni mukhwaawe.

Deuteronomiyo 31:17

Nihuku nenenenno sinimwaapattela isarasaka ni Miyo kinimwaattiwalasa kaareraka ettuli ni awosa anoophwatiwa. Onimwaarweela ohaawa ni mahooxo matokotoko ni nihuku nno eniyeere: “Mahooxo ala annikhumelelela onihingyaawe Mulukwaahu.”

Ethupululo 6:4

Vano yaakhuma ekavalu* ekina yooxeera. Yoole eettiha aahaakhela ikuru weera avenxe murettele wa elapo ya vathi, ni awere weera atthu yiivaneke. Aavahiwa ekatana etokotoko.