Yeremiya 16:16 - Emakhuwa Bible

¹⁶ Vanonto, kinoowiitthana anamamesera ancipale,” onghima Yave, “ni awosa animwaamesera. Vahoolowaya kinoowiitthana anamalupattha ancipale ni awosa animwaalupattha mmanyaakoni sootheene, mmattumuxani ni mmakhukuni.

Yeremiya 16:16 Iomraidhean Croise

Epacerero 10:9

Owo aaritho namalupattha ooweraxa ni ekhavihero ya Yave. Tivawo oneeriwaaya mpaka olelo: ‘Namalupattha ooweraxa ntoko Nimerodi ni ekhavihero ya Yave.’

Yesaya 2:21

Atthu anootthawela munikhukuni vamwala ni munyattani niwoko na woopiha wa Yave ni waara wa otokweenaawe, Owo aavenyeraka otatha etthaya.

Yesaya 7:19

Sootheene iyo sinimowa seemeleke mphattuwelani moowiixera ni mmakhukuni a vamwala, esareyaka nyiri sa nyiiwa ni mmattankhini moothemwene.

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 4:29

Woowiiwa oruma wa anamweettiha ikavalu* ni anamuupa, amaki a mittetthe sootheene antthawa. Amaki akina a yaawo amvolowa mmaphuwani, akinaawo antthawela mmakhukuni. Mittetthe sootheene singhala soothaamiweene; khawowo onkhalamo.

Yeremiya 49:5

Kinoopakiha weera moove sootheene soorukureenreni,” oneera Yave, Yave a ikuru sootheene. “Nyuwosa munoomwaraxiwa, khula mutthu mpattaawe, ni khaawo anaawere waathukumanyiha anamatthawa.

Yeremiya 6:9

Yave a ikuru sootheene oneera ha: “Mwaattottattotte oohalahala a oYixrayeli nnenesene ntoko sinttottattottiwaaya iwuuva* sa evideira*, ni ntoko ompakaawe yoole onrukula iwuuva*: nyuwo mviravire mphandini khula ekhuce.

Icipo Soolalamika 4:18

Khula malipaahu nannawehawehiwa; khanaaweraru weetta mmisewenimwahu. Waakhuveela ommaleloni, mahukwaahu yaanimalela, niwoko waaphiyera ommaleloniwahu.

Icipo Soolalamika 4:19

Anamattharattharaahu yaari oowaaluwa waapwaha axaaka a wiirimu; yaanittharelela mmanyaakoni, yaaniweherera munikareni.

Hoxeya 10:10

Mweehuhuni ya othanliwawaka kinimwaattaruxa; miloko sinimwaathukumanela weera saatthuke niwoko na woopelelawaya soottheka.

Amosi 4:2

Yave onlamula sootheene oolipela mootteelanimwawe: “Vekhaikhai enoophiyera ehuhu muneeraanyu mpuruliwe ni iyuuma soongweyano, ni ookisera a nyuwo onoopuruliwa ni mameso.

Amosi 5:19

Nnikhale ntoko mutthu onimutthawa mwatto anamukumanano ursu*; ntoko mutthu omvolowa mpaanimwawe, anaphiteerihela ntatanawe vaxirini, analummwawo ni enowa.

Mikeyasi 7:2

Yaawo a murima woororomeleya aalakaseya mulaponi; khawoworu oororomeleya. Ootheene aniipithela weera eyeehe ephome; khula mutthu onimulupattha munneiye ni ntapha.

Zefaniya 1:12

Ehuhuweene yeeyo, kinoomukungura Yerusaleemu ni onyaari, kaattaruxeke atthu mootthekanimwaya ahimpwattharu etthu ni yiixuupuwelaka: ‘Yave khapakaru yooreera naari yoonanara.’

1 Samuweli 24:11

Moone, atithaka, ngwehe nleembe na mukaandyowaanyu nri mmatatanimwaka. Koothikila nleembe na mukaandyowaanyu, mene nkiwiivaleni. Vano, musuwele ni mwiiwexexe weera nkinthowa woopakelani yoonanara hata woovaanyani. Nkoopahunleni etthu, naari mukaasaasaka weera mukiive.

1 Samuweli 26:20

Muhikihiye kikhwelaka mweelaponi ya anamarwa ottaiwene wa vamaithoni wa Yave. Mwene a aYixrayeli aarowa waasa otitili, ntoko mukina onrowaawe olupattha ekhwali mmanyaakoni.”