Yeremiya 16:12 - Emakhuwa Bible

¹² Vaheera nyuwosa mootepihaxa waapwaha makholowaanyu. Moone moota khula mutthu a nyuwo onttharaawe ettiyamaaru ya murimaawe woonanara, ohiya okiiwelela Miyo.

Yeremiya 16:12 Iomraidhean Croise

Epacerero 6:5

Yave aahoona waandyeerereya wa sootakhala sa atthu mweelaponi ni weera soowuupuwela sa mirimasaya sannaasaasa mahuku ootheene seiye siri soonanara paahi.

Epacerero 8:21

Vano Yave aahoona wunkhela wooreeraxa ni aahiixeerela: “Nkirwa kilaphatho etthaya niwoko na mutthu, orookhalaru murimaawe woosareya ni soonanara okhuma oyariwawawe. Nkirwatho kiphwata itthu sootheene siri ni okumi ntoko kipankaaka emaara ela.

Namalaleiya 8:12

Mutakhali onoowera opaka sootakhala soohaalikeleya, ni orookhalaru hiiho, onkhalano okumi woowaatta, mene koosuwela nnenesene weera itthu sinooweettela nnene yaawo ammova Muluku, aani yaawo anoonihera nttittimiho ohoolowawe.

Namalaleiya 9:3

Yoonanara eri mwa sootheene sineereya mulaponi ya vathi ela, ti ela: Ommaleloni wa ootheene, ti omoharu. Ohiya sikina iyo, murima wa atthu woosareya soonanara ni soololo mookumini wootheene ni ommaleloni awosa animookhwa.

Yeremiya 13:10

Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 17:9

Murima ti woolokotthaxa opwaha itthu sootheene ni erettaaya ti yoohilameya. Khaawo anaawere wiiwexexa.

Yeremiya 18:12

“Vaheera awosa animwaakhula: ‘Muhipacere. Nnoopwaherera ni soovaanelasahu; khula mutthu a hiyo onootthara ettiyamaaru ya murimaawe woonanara.’”

Yeremiya 22:28

Mulopwana ola, Yehoyakini, ti ooramusiwa, mwaapu woophweeya, ekaruma ehintthuniwaru. Heeni owo ni anamwanaawe eneeraaya yoomoleliwe mweelaponi ahisuwenlaaya?

Yeremiya 7:24

Vaheera awosa khayaakiiwale hata khayaakipwantthe; ohiyanawaya yaatthara soowuupuwela soovaanya sa mirimasaya soonanara. Yaahokoleenle ottuli ohiya ohoolo.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Yeremiya 9:14

Ohiyanawaya, aatthara ettiyamaaru ya mirimasaya; ahaatthara aBahali*, ntoko makholowaaya yaaxuttinghaaya.”

Icipo Soolalamika 5:7

Asitithihu yaattheka ni khaawowotho ni hiyo ninttaruxeliwa sootthekasaya.

Ezekiyeli 20:30

“Vanonto, mweerele muloko wa oYixrayeli weera Yave onlamula sootheene oneera ha: Weeraka nyuwosa munimwiivaliha mooteene yoole yiivalinghaaya makholowaanyu? Munoohaawelaxa icaambulosanyu soohiira?

Amosi 2:4

Yave oneera ha: “Niwoko na sootakhala sincipale seereiye oYuda, nkirwa kihiya ottaruxa. Vano aYuda aakhootta Nlamulo na Yave ni khayiiwelenle ikanosawe, niwoko aalokottheya ni miluku soowootha, mwa seiyo yaattharaaya makholowaaya.

Malekiya 3:7

Okhuma ehuhu ya makholowaanyu, nyuwosa moohiya ikanosaka, muhiiwelelaka. Muhokoleele wa Miyo, ni Miyo kinoohokoleela wa nyuwosa,” oneera Yave a ikuru sootheene. “Vaheera nyuwosa munkoha: ‘Nnihokolowe hai?’”

Marku 7:21

Vano, ti wa mmurimani wa mutthu sinkhumaaya soowuupuwela soonanara, olavilavi, soowiiya, soowiiva, sooraruwa,

Deuteronomiyo 29:19

Mutthu ntoko owo, iiwaka masu a nlipelo nna, oniiruuhela nreeliho, eeraka: “Koolipa orookhalaru weera kintthara murimaaka.” Eyo eniiruuhele nttaruxo elapo yoonaanela mpaka yoowuumeene.

Deuteronomiyo 9:27

Ngwuupuwelele arumeiyaanyu Abrahaamu, Isaki ni Yakobe. Muhiwehe ottiyamaaru wa muloko ola, yootakhala ni yootthekaaya.

2 Timootheyo 3:13

Wa soothesene, oonanara ni oolokottha eniitepaxe onanara elokotthaka ni ereene oolokottheya.

aHeberi 3:12

Mwiipasoope, axunna, weera hata mmoha a nyuwo ahikhalane murima woonanara ni woohiroromela onsusa wa Muluku mukumi.

Ahooleli 2:19

Vaheera aakhwaawe muhooleli, aYixrayeli yaahokoleela iphiro sootepaxa oopwaha sa makholowaaya, ettharaka, ekokhorelaka ni elapaka miluku sikina. Yannakhootta ohiya mitekosaya soonanara ni iphirosaya yaawaatelelaaya.

1 Samuweli 15:23

Vano ovaanya ori ntoko yoottheka ya okhwiri ni ettiyamaaru ntoko yoottheka ya olapa miluku sikina. Mweenre mukhootta masu a Yave, Owo ohookhoottani okhala mwene.”