Yeremiya 15:2 - Emakhuwa Bible

² Vano, awosa yookohani: ‘Niroweke woowi?’ Vano mwaaleele: ‘Yave oneera ha: Yaawosa alakeleliwe wiiviwa, animwiiviwa; yaawosa alakeleliwe ekatana, anookakatthiwa; yaawosa alakeleliwe etala, anoohaawa etala ni yaawosa alakeleliwe wootthukiwani, anooronghiwa wootthukiwani.’

Yeremiya 15:2 Iomraidhean Croise

Yesaya 10:4

Kheewo muneeranyu mpake ohikhanle wiipitha variyari wa anamatthukiwa hoye hoye omorela eriyari ya anamakhwa. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Yesaya 24:18

Ootheene antthawa okhuweliwa wa woopiha, anoomorela mulittini; ootheene ankhuma munlittini, anoopharihiwa. Milako sa wiirimu soohuleya; mathipelo a elapo ya vathi anootetereya.

Yeremiya 14:12

Naari etthukaka, Miyo nkirwa kiwiiwa okhuwelawaya; naari epakaka sooveleela soohisa ni sa etrigu, nkirwa kiwaakhulela. Ohiyanawaya, kinimwaaphwata ni ekatana, etala ni nihooxo.”

Yeremiya 14:16

Ni wa yaawo anaathaliheraaya anoovonyerasiwa mmiseweni sa oYerusaleemu niwoko na ekatana ni etala. Khawowo aneera ahale weera aavithe naari axaaraaya, anamwane asilopwana hoye hoye asithiyana. Miyo kinimwaamoroxela erisa awosa amphwanelaaya.

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 19:7

Vanipuroni nna kinoonanariha soovaanela sa oYuda ni oYerusaleemu. Kinoopakiha weera yiiviwe ni amwiittanaaya mukatanani; mmatatani mwa yaawo anaattharatthara ni kinoovaha mittembosaya ntoko yooca wa ipalame sa wiirimu ni axinama a ntuphini.

Yeremiya 43:11

Owo onimoorwa ni onoowanano wExipitu, onoowiiva alakeleliwe wiiviwa, wootthukiwani alakeleliwe otthukiwa, ni ekatana alakeleliwe wiiviwa ni ekatana.

Ezekiyeli 12:11

Mwaaleele ha: ‘Miyo kiri eneneero wa nyuwo.’ Mooteene yoowo kipankaaka, munoopakeliwatho hiiho. Awosa anoorowa wootthukiwani mulaponi ekina ntoko anamatthukiwa.

Ezekiyeli 14:21

Vano Yave onlamula sootheene oneera ha: Onuutepaxe kaarumihelaka oYerusaleemu mattaruxowaaka oowoopiha maxexe ala: Ekatana, etala, axinama a ntuphini ni nihooxo, weera kaamalamaliheremo amakaaya ni axinamaaya!

Ezekiyeli 33:27

Mwaaleelase weera Yave onlamula sootheene oneera ha: ‘Kinlipela mwa okumaaka weera yaawo eniihale mmathalani, eniyiiviwe ni ekatana, yaawo ari mutuphini kinoowinnyerera wa axinama a mutuphini weera enyaanyiwe, ni yaawo antthawela moolipa ni munyattani animwiiviwa ni nihooxo.

Ezekiyeli 5:12

Mpatta wanaararu wa mulokwaanyu oniwiiviwe ni nihooxo hoye hoye onuuriheye mutalani mpuwa mwa ixirisanyu; mpatta wanaararu mukina oniwiiveliwe ekatana mukerekhere wa esidade; ni mpatta mukinoowo kinoomwaraxela mipatta sootheene sa mpheyoni kitthareleleke kivarenleene ekatana.

Ezekiyeli 5:2

Emanleene mahuku a oriciwa wa esidade, muhisere mmooroni mpatta wanaararu wa mayihi musidadeni mmo. Mukuxe mpatta wanaararu ni muthikile ni ekatana muxerexere wa esidade yootheene. Mpatta wanaararu mukinoowo, mmwaraxele mpheyoni. Vano Miyo kinimwaattharelela ni ekatana yoohululiwa munluwoni.

Daniyeli 9:12

Mookwanihera masu naalakeleliwaahu hiyo ni anamalamulaahu, muniruuhelaka erisa etokotoko. Mweelaponi moothemwene kheenapakiwe etthu ntoko epakingwe oYerusaleemu.

Amosi 5:19

Nnikhale ntoko mutthu onimutthawa mwatto anamukumanano ursu*; ntoko mutthu omvolowa mpaanimwawe, anaphiteerihela ntatanawe vaxirini, analummwawo ni enowa.

Zakariya 11:9

Vano kaaheera: “Nkinkhalatho mukukhulaanyu. Yaale ankhwa, ekhweeke ni yaale anriheya, eriheyeke. Yaale eneera ehale ekhuuraneke.”

Ethupululo 13:10

Akhala mutthu onrowa okaliposo, okaliposo anaarowe. Akhala mukina aneera iiviwe ni ekatana, aniiviwe ni ekatana. Va ontthuneya ootteela ovilela moota woororomeleya.