Yeremiya 15:14 - Emakhuwa Bible

¹⁴ Kinimootatuxani ipottha sa amwiittanaanyu mulaponi muhisuwenlaanyu, niwoko isarasaka sinimoopattelasani.”

Yeremiya 15:14 Iomraidhean Croise

Icipo 21:9

Nyuwo mwaaphiyaka, munimwaapakela niikho noovihaxa. Musaranimwawe Yave onimwaahonona ni moorowaawe onimwaahisa.

Yesaya 42:25

Tivawo aayeehenraawe oYixrayeli onyoonyiwawawe, eyo tiiyo nipuhero na ekhotto. Eyo yaarica ni malumi a mooro, hata hiiho khooxuttenre; eyo yaahisa, mene khawaapwatthenle.

Yeremiya 14:18

Miyo karowa ntuphini, kingwoona yaawo yiiviwe ni ekatana; miyo kavolowa musidade, kimmoona noomala a etala. Maprofeeti ni asaserdoti* aarowa elapo ahisuwenlaaya.’ ”

Yeremiya 15:4

Miyo kinimwaapaka yaawo etthu yoowoopiha wa omwene wootheene wa mweelaponi, niwoko na yeeyo Manaxe, mwaana mulopwana a Hizekiya, mwene a oYuda, opankaawe oYerusaleemu.

Yeremiya 16:13

Tivawo kineeraaka koovonyereni ottai wa elapo ela, mweelaponi hata nyuwo naari makholowaanyu yahaasuwenlaaya ni weiwo munkela orumeelawo miluku sikina othana ni ohiyu, niwoko nkoomorelasanitho ikharari.’”

Yeremiya 17:4

Nyuwo munooyeleela okhalano yoohiyeriwaanyu koovanghaakani niwoko na nthowananyu xaxaxa. Kinimoopakani ipottha sa amwiittanaanyu mweelaponi muhisuwenlaanyu, niwoko soopatta isarasaka ni seiyo sinoohisa wa mahuku ootheene.”

Yeremiya 4:4

Mwiixiinele wa Yave, mwiinele mirimasanyu, nyuwosa asilopwana a oYuda ni amaki a oYerusaleemu. Mwaahipaka yeeyo, isarasaka sinoopatta sihiseke ntoko mooro, niwoko na yoonanara mpankaanyu, aani, sinoohisa ni khaawo anaawere ocipiha.”

Yeremiya 52:27

oRibela iwe, mulaponi ya oHamate, mwene aalamulela weera yiivasiwe. Hiiho, Yuda aaronghiwa wootthukiwani, ottai wa elapwaawe.

Amosi 5:27

Tivawo Miyo kineeraaka koorongheni wootthukiwani elapo ekina, okhopela elapo ya oDamasku,” onghima Yave, mwa Yoowo Nsinanawe ti Muluku a ikuru sootheene.

Deuteronomiyo 28:25

Yave onimoopakihani weera nyuwo ngwiniwe ni amwiittanaanyu. Nyuwosa mmwaarowele ephiro emoharu, mene mmwaamwareye, soottiihakani iphumu imwene sootheene sa elapo ya vathi.

Deuteronomiyo 28:36

Yave onimooronghani nyuwo ni mwene munthanlalaanyu woolamulani mmulokoni muhisuwenlaanyu nyuwo ni makholowaanyu. Weiwo mmwalape miluku sikina sipakiwe sa nyiri ni maluku.

Deuteronomiyo 28:64

Vano Yave onimoomwaraxelani mmilokoni sa mipatta sootheene sa elapo. Weiwo mmwalape miluku sikina sipakiwe sa mwiri ni maluku mwa seiyo nyuwosa hata makholowaanyu mwahaasuwenlaanyu.

Deuteronomiyo 29:23

Elapo yootheene eniikhuneeleye ni maakha, enxofre* ni itthu soohisiwa moota wooweera waala etthu woohimela, kheewo eneera yunnuwewo. Onuukhale ntoko ophwatiwa wa oSodoma ni oGomora, wAdema ni oZeboyimi mwa seiye Yave aaphwantaawe oonyoonyiweene ni isara.

Deuteronomiyo 32:22

Vano mooro woopatta musaranimwaka: Onuukhuruwe mpaka moowiixeraxa wa okhwa, ohisaka etthaya ni soohephasaya, olalihaka mathipelo a nyaako.

aHeberi 12:29

Vano, Mulukwaahu ti mooro woolalihaxa.