Yeremiya 15:10 - Emakhuwa Bible

¹⁰ Ii! Wa nyuwo, maayi, mukiyanre, niwoko koothanyiwa ni kooramusiwa ni atthu ootheene a elapo yootheene. Miyo nkinoolihihe naari nkinoolihe, hata hiiho ootheene anookilapha.

Yeremiya 15:10 Iomraidhean Croise

1 Mamwene 21:20

Ahabi aamweerela Eliya: “Vano mookiphwanya, mwiittanaaka.” Eliya aamwaakhula: “Kohoophwanyani, niwoko mohiithumiha mpakaka yoonanara vamaithoni wa Yave.

1 Mamwene 22:8

Ahabi aamwaakhula: “Ookhala nlelo mprofeeti mukina ookwana omukohakoha mwaha wa otthuna wa Yave, mene miyo kinoomuthanya, niwoko khanakileele itthu sooreera; onkileela soonanararu. Owo oniitthaniwa Mikaya, mwaana mulopwana a Imela.” Yehoxafati aamwaakhula: “Amwene, muheere hiiho.”

Icipo 109:28

Onoowereya awosa olapha, mene Nyuwo munooreeliha; awosa yaawanaka; anooyevihiwa, vaheera murumeiyaanyu onoohakalala.

Icipo 15:5

Mutthu owo onkoongoriha, ahinnyesererihaka waakhela musurukhu woopwahaxa ni owo khanaakhulela makhwankwa amwiikitthaka oohinthowa. Yoowo ompaka hiiho, khattikinyeya!

Icipo 69:4

Yaale ankithanya woohinthowa ahaattaxa opwaha mayihi a mmurumwaka. Aani, ti ancipale ankikacamiha woohinthowa, yaale anaasaasa okiiva. Kinnyesererihiwa ohokoloxa kihiiyalaaka.

Okhuma 22:25

Vano mwamoolihiha musurukhu mutthu mmoha a atthwaaka ori oohaawa, muhikhale ntoko namakopiha; muhimunyeserere oliva musurukhu woopwahaxa.

Masu a Miruku 26:2

Ntoko cirikhu omvava atthawaka, ni meenkesa omvavaxa, hiihotho nlapho noohiphwanela khaniitthuuwa.

Yeremiya 15:20

Kinimoopakani exiri wa muloko ola, exiri ya ebronze*; awosa animoowananani, mene kheerwa yoowinaani, niwoko Miyo kiri ni Nyuwo weera kiwoopoleni ni koovuluxeni,” onghima Yave.

Levitiku 25:36

Muhimukokoceru woopwaha, mene mmoove Mulukwaanyu weera muYixrayeli owo apwaherere okhala eriyaraanyu.

Levitiku 25:37

Nyuwo mwamukoongoriha musurukhu, owo oolivekeni hiiho ni mwamukoongoriha sooca, owo oohokoloxerekenitho hiiho.

Habakuki 1:3

Munkooniherelani soonanara mukinyesererihaka woona mahooxo? Ophwatiwa ni mapuhero ari ohoolowaka. Wookhala ohiiwanana ni owanawana mipattasaka.

Matheyo 24:9

Vano awo eniyoovaherereni weera musoondiwe ni mmwiiviwe. Nyuwo mmwithanyiwe ni ilapo sootheene niwoko na Miyo.

Matheyo 5:44

Mene Miyo kinooleelani: mwaasivele amwiittanaanyu, ni mwaavekelele yaawo anoosoondani,

Luuka 2:34

Vano Simeyoni aahaareeliha ni aaweerela amayawe Yeesu: “Mwaana Ola oothanliwa okhala wuuwa ni ovenya wa atthu ancipale a oYixrayeli, ni anaakhaletho eneneero ya ohiiwanana.

Luuka 6:22

Ooreelihiwa nyuwo atthu yoothanyani, yawoomolani, yooruwanani ni yanyohola nsinananyu ntoko nsina noonanara niwoko na Mwaana a mutthu.

Miteko 28:22

Wa soothesene, nintthuna wiiwa wa nyuwo yeeyo munuupuwelaanyu, niwoko noosuwela weera mmapuroni moothemwene aakhala atthu anuulumela nihusiho nna.”