Yeremiya 14:22 - Emakhuwa Bible

²² Khoowowo hata mmoha wa miluku soohimuteko sa miloko ongwera orupiha epula. Erimu muneenaaya kheengwera orupiha epula. Ti Nyuwo paahi, Yave Mulukwaahu mungwera. Tivawo owehererawahu oraaya mwa Nyuwo, niwoko ti Nyuwo mumpaka sootheehe seiyo.

Yeremiya 14:22 Iomraidhean Croise

1 Mamwene 17:1

Vano Eliya, muTixebi arowaka oTixebi, elapo ya oGiliyadi, aamweerela Ahabi: “Kinlipela mwa Nsina na Yave, Muluku a aYixrayeli mwa Yoowo kinimurumeelaaka weera khaniimaru nikame hata kheeruparu epula iyaakha sinrwa mpaka ehuhu kineeraaka kihime.”

1 Mamwene 17:14

Vano Yave Muluku a aYixrayeli oneera ha: ‘Ephepa eri mmwaapuni kheerwa emala hata makhura munipoottoroni mpaka nihuku Yave aneeraawe arupihe epula mweelaponi.’”

1 Mamwene 18:1

Eviraleene ehuhu yincipale, vayaakhani yanaararu ehirupaka epula Yave aamweerela Eliya: “Murowe, mwiixoonihere wa Ahabi ni Miyo kinoorupiha epula mweelaponi.”

1 Mamwene 8:36

vano mwiiwe wiirimu ni mulevelele soottheka sa arumeiyaanyu aYixrayeli, mulokwaanyu. Muxuttihe ephiro ya ekhaikhai, murumihele epula elapwaanyu ela mvanghaanyu mulokwaanyu ntoko yoohiyeriwa.

Yobi 28:26

Owo alamulenleene epula ni ephiro wa ettheku yookukutteya,

Yobi 5:10

Onrupihela epula etthaya, ni onrumihela maahi mmatta.

Icipo 130:5

Mwa Yave kingweherera ni okumaaka wootheene ni kinroromela maswaawe.

Icipo 135:7

Owo onruuha mahutte okhuma ekotenle elapo; onrumiha overinya vamoha ni epula ni ompakiha weera epheyo ekhume enoopaanaayawo.

Icipo 147:8

Owo onkuttelela erimu ni mahutte; onrupihela epula etthaya ni onunnuwiha malaxi mmattumuxani.

Icipo 25:21

Ekhaikhai ni ororomeleya okaakiheke, niwoko kinimoororomelani.

Icipo 25:3

Ootheene anoororomelani Nyuwo anoopwaneya; vaheera yaale aneetta moota woovariha khampwaneya.

Icipo 27:14

Mungweherere Yave, mukhale oolipa ni oominya murima; mungweherere Yave!

Yesaya 30:18

Hata hiiho Yave ontthunaxa woomorelani ikharari. Owo onoovenya weera awoonihereni murima wooreera. Vano Yave ti Muluku a ekhaikhai. Ooreelihiwa ootheene yaale aningweherera Yoowo!

Yesaya 30:23

Owo onimooruuhelanitho epula wa mmiso muneeraanyu mwaale ni etthaya enooruwera yooca yoowaatta. Vanihukuni nenenenno mihuwosanyu sinimooca moowaatta.

Yesaya 41:29

Moone, ootheene yaawo ti oolokottha. Mitekosaya khasimvararu etthu; icaambulosaya soohaniwa sinlikana iphumu ni etthu yoohimuteko.”

Yeremiya 10:12

Vano ti Muluku opattunxe elapo ya vathi ni ikurusawe; Owo aakhaliha yeeyo ni mirukusawe ni aakunga erimu ni wiiwexexawawe.

Yeremiya 10:13

Oruma wa etaraawe, maahi anooruma wiirimu epakeyaka mahutte okhuma ekotenle elapo. Owo onrumiha overinya vamoha ni epula, akhumihaka epheyo enuukaanaayamo.

Yeremiya 10:15

Seiyo ti soohimuteko, sootthebwiwa ni atthu; nthorihelonaya naaphiyaka, sinoophwatiwa.

Yeremiya 10:3

Vano ikhovelelo sa miloko khasimuteko; awosa anuuha mwiri wa moothakoni ni neettotto ompattha ni ephalo.

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Yeremiya 5:12

Awosa yaahootha mwaha wa Yave; awosa yaaheera: “Owo kharwa apaka etthu. Kheewowo eneera enikhumelele. Khanirwa noonatho ekatana hata etala.

Yeremiya 5:24

Awosa khaaniixeerela: ‘Nrowe, nimooveke Yave Mulukwaahu, mwa Yoowo onrupiha epula mutthulo ni ya mulaala mweehuhunimwaya ni onnivaha isimana sa ohepha mweehuhunimwaya.’

Yeremiya 51:16

Etaraawe erumaka, maahi a wiirimu anoorumatho; Owo ompakiha weera mahutte ekungeele okhuma ekotenle elapo. Owo omverunyiha epula, anoopiha epheyo yuukaannaayawo.

Hoxeya 2:7

Awo eniyaatthimakele yaawo anaasivelaaya, mene khayaaphwanyasa, eniiwaasaase, mene kheewoona. Hiiho awo eniyeere: ‘Kinoohokoleela okhala ni aiyaka ntoko woopacera, niwoko kaari nnenesene opwaha vano.’

Yoweli 2:23

Muhakalale atthu a oSiyoni! Munghakalalele Yave Mulukwaanyu, niwoko ohoovahani epula mutthulo moororomeleyanimwawe. Owo ohoovahani epula mutthulo ni ya mulaala, ntoko aapakaawe khalayi.

Amosi 4:7

“Ti Miyo kahaarupihale epula, saahalaaya nyeeri miraru wa ohepha. Kaarumihela epula esidade emoha, vaheera esidade ekina hoye. Ematta emoha yaarupeliwa epula; ekina khayaarupeliwe, enuuma.

Mikeyasi 5:6

Awosa anoolamula elapo ya awAsiriya ni ekatana, ni elapo ya Ninrode evarenleene ekatana. Mwenaahu onoonitapuxa awAsiiriya yaavoleelaka elapwaahu, ni yaalapuwaka nyiinanosahu.

Mikeyasi 7:7

Vaheera wa miyo, kiningwiriyanela Yave, kiwehereraka mwa Muluku, Mvuluxaaka; Mulukwaaka onookiiwa.

Matheyo 5:45

weera nyuwo mukhale anamwane a Atithinyu ari wiirimu. Vano, Yaawo anaariha nsuwanaya nnaamwaleela oonanara murima ni ooreera murima, ni animwaarupihela epula oororomela ni oohiroromela.

Deuteronomiyo 28:12

Yave onoohula erimu, woothokororawo muhakhwaawe weera arumihele epula elapwaanyu mweehuhuni yootthuneya ni weera areelihe mitekosanyu sootheene. Nyuwosa munookoongoriha miloko sincipale ni kheewo muneeraanyu moolihase.

Deuteronomiyo 32:21

Yaakitannyera ihace ni seiyo sihikhanle miluku ni yaakinyoonyiha ni icaambulosaya soohimuteko. Kinimwaatannyerela ihace kithanlaka muloko mukina ohikhanle muloko wa ekhaikhai; kinimwaanyoonyeriwa kithanlaka muloko woohimiruku.