Yeremiya 14:20 - Emakhuwa Bible

²⁰ Ii! Yave, nohoonelela sootakhalasahu ni nthowa na makholowaahu; vekhaikhai, nohootthekelani.

Yeremiya 14:20 Iomraidhean Croise

2 Samuweli 12:13

Vano Davide aamweerela Natani: “Koomutthekela Yave.” Natani aamwaakhula: “Yave oolevelela yootthekaanyu. Nyuwo khamukhwa.

2 Samuweli 24:10

Aalikenleene muloko, Davide aatondolowa, anamweerela Yave: “Kootthekaxa wa yeela kipankaaka. Vano kinoodyoonttelelani weera mulevelele yoottheka ya murumeiyaanyu niwoko koopaka ya ololo.”

Nehemiya 9:2

Vano aYixrayeli yaamwalamwala ni anamarwa. Yaaheemela mmapuronimwaya elapaka sootthekasaya ni sootakhala sa makholowaaya.

Yobi 33:27

Vahoolowaya owo onrowa wa atthu, aneera: ‘Koottheka, kinapiritula yeeyo yaari yoowookoleleya, mene Owo khakivanghe yeeyo kaaphwanelaaka.

Icipo 32:5

Vanonto koolapa sootthekasaka, kihiipithihakatho mitekosaka soonanara. Keenre: “Kinoolapa sootthekasaka wa Yave,” ni Nyuwo mooleveleela nthowa na seiye.

Yeremiya 14:7

Ii! Yave! Naari sootthekasahu sinikhalelaka onamoona, dyoontte, munikhavihere moosivelani wa Nsinananyu. Vano ohiroromeleyawahu wootepa; nohootthekelani.

Yeremiya 3:13

Mulape nthowananyu paahi. Moomvaanya Yave Mulukwaanyu, mohiixinnyerera wa miluku sikina vathi wa nyiri sootheene soopombaxa ni khamukiiwelenle Miyo,” onghima Yave.

Yeremiya 3:25

Niixaatalele oowuulihiheyeene muru ni omora ekhove onikhuneele. Noomutthekela Yave Mulukwaahu – hiyo nitho makholowaahu; okhuma enamwanaahu mpaka olelo khanimwiiwelenle Yave Mulukwaahu.”

Yeremiya 8:14

Nikilaathenleni va? Muthukumane! Nitthaweleke isidade soolipihiwa weera nakhwelewo. Yave Mulukwaahu oonithorihela weera niphwatiwe ni oonivaha maahi ooheliwa yoohapala weera niwure niwoko noomutthekela.

Icipo Soolalamika 1:20

Yave, moone moota kithanannaaka! Koohooxeya mpuwa wa murimaaka ni kooriipiwa murima niwoko kootepaxa ovaanya. Mmuseweni, ootheene annyaanyiwa ni ekatana; mpuwa ori okhwa paahi.

Icipo Soolalamika 3:42

“Noottheka ni noovaanya, vano Nyuwo khamunilevelenle.

Icipo Soolalamika 5:7

Asitithihu yaattheka ni khaawowotho ni hiyo ninttaruxeliwa sootthekasaya.

Daniyeli 9:15

Vano, Yave Mulukwaahu mukhumihale mulokwaanyu wExipitu ni Ntata Nooweraxa ni mwiipakenle Nsina nimpwaherera mpaka olelo, hiyo noottheka ni nookhalano nthowa.

Amosi 7:2

Ahononneene soohepha sootheene sa mmatta, miyo kaakhuwela: “Yave, onlamula sootheene, mulevelele! Anaakhale hayi ni okumi Yakobe? Niwoko owo ori mukhaanene!”