Yeremiya 14:14 - Emakhuwa Bible

¹⁴ Vano Yave aakeerela: “Maprofeeti anthalihera soowootha mwa Nsinanaka. Miyo nkaaruminghe, hata nkaakhalinghe naari nkuulumme ni yaawo. Awosa anoothaliherani nyoonelo soowootha, sootthoma soohimuteko, ni masu a mmurumwaya.

Yeremiya 14:14 Iomraidhean Croise

Yesaya 56:10

Anamalipelela a oYixrayeli ari oohoona, awosa ootheene khaaniiwexexa etthu; ootheene ari ntoko alapwa oomaala, ahingweraru owuwa; aniixaatalela elohaka, ansivela okona paahi.

Yesaya 9:15

Asitokweene ni asilopwana oottittimiheyaxa ti muru ni maprofeeti anxuttiha soowootha ti waametto.

Yeremiya 20:6

Ni nyuwo, Paxuri, ni emusaanyu yootheene munookhala ntoko anamatthukiwa oBabiloniya. Wu munimookhwa ni munoovithiwa – nyuwo ni asithamwenaanyu ootheene mwa yaawo mwaathalihenraanyu soowootha mwa Nsina na Yave.’”

Yeremiya 28:11

aneera ohoolo wa muloko wootheene: “Yave oneera ha: ‘Ti hiiha kineeraaka kivenxeke nihasu na mwene a oBabiloniya, kivenxaka muxiko wa miloko sootheene mweehuhuni mwa iyaakha piili.’ ” Vahoolowaya, mprofeeti Yeremiya aavenyawo.

Yeremiya 28:13

“Mwamuleele Hananiya: ‘Yave oneera ha: Nyuwo moopasa nivatta noolemela na etthaabwa, mene vanipuroniwaya munookhaliha nivatta noolemela na eyuuma.

Yeremiya 28:15

Vano mprofeeti Yeremiya aamweerela Hananiya: “Mwiiwe Hananiya! Yave khoorumingheni, mene moohapuxa muloko ola, onaroromela wootha.

Yeremiya 29:21

Yave a ikuru sootheene, Muluku a oYixrayeli oneera ha mwaha wa Ahabi, mwaana mulopwana a Kolaya ni wa Zedekiya, mwaana mulopwana a Maaseya, anoothaliherani nyuwo soowootha mwa Nsinanaka: “Miyo kinoowinnyererasa mmatatani mwa Nebukadenezari, mwene a oBabiloniya, ni owo onoowiiva, nyuwo moonaka.

Yeremiya 29:31

“Mwaarumihele mutthenga ola anamatthukiwa ootheene: Yave onghima ha sa Xemayeya muNehelami: ‘Kiroohimurumiharu, Xemayeya ohoothaliherani nyuwosa apakihaka weera nyuwosa mpwaherere ngwoothani.

Yeremiya 37:19

Ari woowi maprofeetaanyu yoothalihenreni otthuna wa Muluku, yeeraka: ‘Mwene a oBabiloniya khoowananani nyuwo naari elapo ela’?

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Yeremiya 8:10

Tivawo kineeraaka kaavaherere axaaraya asilopwana akina ni imattasaya wa atthu akina. Ootheene oosareya ohaawela mihakhu – okhuma asikhaani mpaka asitokweene; maprofeeti nitho asaserdoti* ootheene aneetta moolokotthani.

Yeremiya 8:11

Awosa anreherera makhwatta a mulokwaaka ehoonelakamo. Aneera: “Murettele, murettele” ohikhanleru murettele.

Icipo Soolalamika 2:14

Nyoonelo sa maprofeetaawo saari soowootha ni soohivareleya muteko; awosa khaawoonihenre yootthekaawo weera osembe oronghiwa wootthukiwani. Mitthenga yoovahaaya saari soowootha ni soolokottha.

Icipo Soolalamika 2:9

Maselaaya aamorela vathi; anampattikaaya ohaaphwata. Mwenaaya ni ahoolelaaya aaronghiwa wootthukiwani wa ilapo soohiyanahiyana ni khaniwoworu nlamulo; maprofeetaaya khaanaakhela nyoonelo sa Yave.

Ezekiyeli 12:24

Vano khasikhalatho nyoonelo soowootha hoye hoye sootthoma soolokottha eriyari ya muloko wa oYixrayeli.

Ezekiyeli 13:2

“Mwaana a mutthu, mwaathaliherele otthuna wa Muluku maprofeeti a oYixrayeli mwa yaawo anthalihera otthunawaya mwa Nsina na Yave vaanaano va. Mwaaleele yaawo anthaliha seiyo anuupuwelaaya: ‘Mwiiwe masu a Yave!

Ezekiyeli 13:23

Tivawo nyuwosa khamukhalanotho nyoonelo soolokottha ni khamurwatho mweettela sa ehako. Kinootapuxa mulokwaaka mmatatanimwanyu. Hiiho, nyuwosa munoosuwela weera Miyo ti Yave.’”

Ezekiyeli 21:29

Atakhali anthalihera nyoonelo soowootha ni sootthoma munlokottheliwaanyuno. Tivawo eneeraya ehiteliweno ekatana eyo antthuneya wiiviwa, wa yaawosa nihukunaya niphiyale, ni ehuhu ya nttaruxonaya yookhuveela.

Mikeyasi 3:11

Ahoolelaaya anlakela yeerelaka makhwankwa, asaserdotaaya anxuttiha yeerelaka owina, ni maprofeetaaya antthoma yeerelaka musurukhu. Eyo eri hiiho, aniikhaviherano Yave, yeeraka: “Yave ori eriyaraahu. Kheenikhumelelaru erisa.”

Zakariya 10:2

Miluku soowootha sinuuluma soowootha; anahako anoona nyoonelo siri soowootha. Awosa anthalihera sooloha soolokottha ni ampepesa wa siiyo. Tivawo muloko onxoraxoraaya ntoko ikhondoolo soothananela ohikhalano mukukhuli.

Zakariya 13:3

Vano mukina nlelo atthuna othalihera ntoko mprofeeti atithawe ni amayawe anoomweerela: ‘Muntthuneya okhwa niwoko mohootha mwa Nsina na Yave.’ Owo eerera opaka oprofeeti, asinaangolowaawe anoomuhomasa.

Deuteronomiyo 18:20

Vaheera mprofeeti oneera weera onuuluma mwa Nsinanaka yakhalaru etthu Miyo kihimulamulenlaaka wuuluma, hoye hoye mprofeeti onuuluma mwaha wa miluku sikina, iiviweke.”

1 Timootheyo 4:2

Mahusihoweene yaawo anrweela wa atthu oolokhottha ni oowootha, murimaaya woowuuma.

1 Yohaane 4:1

Oosiveleya, muhiroromele sakhalaru minepa, mene musomele minepa weera moone iyo saawiiye wa Muluku, niwoko maprofeeti ancipale oolokottha aakhumelela mweelaponi.