Yeremiya 13:27 - Emakhuwa Bible

²⁷ Miyo kohoona mitekosanyu sa mwiikho, oraruwawanyu ni soohaawelasanyu soonanara, soopuutasanyu sohuuliheya muru mmattumuxani ni mmatta. Ii! Wa nyuwo, oYerusaleemu! Mpaka yaakhani muneeraanyu mpwaherere okhala oohitteela?”

Yeremiya 13:27 Iomraidhean Croise

Icipo 94:4

Awosa anuuluma masu oowiixoona; atakhali ootheene ti oosareya wiikuxerera.

Icipo 94:8

Mwiiwexexe nyuwosa oohikhalano miruku; alolo nyuwo, mmwiwere wiiwexexa yaakhani?

Masu a Miruku 1:22

“Nyuwosa muhisuwenle opaka yooreera, mpaka yaakhani muneeraanyu mpwaherere ni ohisuwelawanyu? Nyuwosa anamatthebwa, mpaka yaakhani muneeraanyu muhakalalele otthebwawanyu? Ni nyuwosa alolo, mpaka yaakhani muneeraanyu muhoonele esuwelo?

Yesaya 57:7

Mwaahiipakela wookonawo vanttumuxani noorakamaxa; moowelawo weera mwapakewo sooveleelasanyu.

Yesaya 65:7

sootthekasanyu nitho soottheka sa makholowaanyu,” onghima Yave. “Yeenre awosa epakela sooveleela mmanyaakoni ni ekiveihera mmattumuxani, Miyo kinimwaanyesereriha nlivo mwa soopakasaya sa khalayi.”

Yeremiya 11:15

Eheeni ompakaawe oosiveleyaaka Mpaanimwaka eerelaka olokottha? Weeraka soolipela ni enama yootteelihiwa sinoosembiha nttaruxo? Vano wakhala hiiho, weeraka munoowera otthapa?

Yeremiya 3:6

Moolamulani wa mwene Yosiya, Yave aakeerela: “Nyuwo mohoona yoohiroromeleya apankaaya aYixrayeli? Aawela mwaako wootheene woorakamela, enarowa vathi wa nyiri sootheene soopombaxa weera eraruwe.

Ezekiyeli 16:23

Ii! Ii! Wa nyuwo, onghima Yave onlamula sootheene. Ohiya soonanarasanyu sikina sootheene,

Ezekiyeli 2:10

mwa nenne aatapurunxaawe ohoolowaka. Mipatta soomiili sa nikwakhwala yaalempwamo masu a olalamika, wiikhupanyera ni othananaxa.

Ezekiyeli 20:28

Kaaruuhaleene mulaponi mwa yeeyo kaalipenlaaka weera kaamwaavaha, yaamweera woonawene wakhalaru mwaako woorakamela hoye hoye mwiri woopombaxa, yaapakelawo sooveleelasaya, aani sooveleela saatannyale isarasaka. Yaaveleelawo erubanaaya yoowunkhelaxa ni yaapaka sooveleela soowura.

Ezekiyeli 24:12

Vaheera khoongwereya opaka yeeyo; hata mooro khoongwera omalamaliha yoohalahalaaya ya murawa.

Ezekiyeli 24:13

Vano, soohitteelasanyu ti soohaawelasanyu. Keenre Miyo kahaawela wootteelihani, ni nyuwo khamutthunne otteelihiwa, nyuwo khamuhokoleela okhalatho ootteela isarasaka sihookhurunuwenleni.

Ezekiyeli 24:6

Niwoko Yave onlamula sootheene oneera ha: Ii! Esidade yoosareya ephome, esupuriya erino murawa, mwa yeeyo mavovowaaya eneera ehimale! Mwiitthe muruulaka entthuri entthuri muhithanlaka.

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Ezekiyeli 36:37

Yave onlamula sootheene oneera ha: Kinimwaakhulelatho wiidyoonttelela wa muloko wa oYixrayeli, kipakelaka ha: Kinootatuxa mulokwaaya woowaattaxa ntoko ikhondoolo,

Ezekiyeli 6:13

Awosa anoosuwela weera Miyo ti Yave mulokwaaya waataleliwaka wookhweene eriyari ya milukusaya, muxerexere altaaraaya*, mmattumuxani ootheene oorakamela ni mutthomelani sootheene sa nyaako, vathi wa nyiri sootheene soopombaxa ni khula mwiri wa ekarivalyu* yoosareya makukhu – mmapuroni moothemwene mwa mwemmo yaahiseraayamo miluku erubani* yoowunkhelaxa.

Hoxeya 1:2

Yave apaceraka wuuluma mwa Hoxeya, Owo aamweerela: “Murowe, mwamukuxe muthiyana puuta ni anamwane asilopwana a moohiroromeleyani, niwoko muloko wookhalano nthowa na oraruwa moota woowuulihiheya muru, omuhiyaka Yave.”

Hoxeya 4:2

Anooneya paahi malapho, wootha ni wiivaniwa, wiiyeraniwa, oraruwelaniwa; iyo soopwaha nyiinano sootheene! Oyeehiwa wa ephome wootepaxa.

Hoxeya 8:5

Ii! oSamariya, mvonyere okerekhere milukusanyu sipakiwe ntoko mwaamombe! Isarasaka soopattelasa seiyo. Mpaka yaakhani muhiwereyaka okhala ootteela?

Zefaniya 3:1

Ii! Esidade ya anamahasula, anamapuhera ni oohitteela!

Matheyo 11:21

“Ii! Onoohaawa weyo, Khorazini! Ii! Onoohaawa weyo, Bethesayida, niwoko sootikhiniha Miyo kaapankaaka mwa weyo kaapanke oTiro ni oSidoni, atthu a oTiro ni oSidoni khalayi saano erukunxaleene murima, ewanreene ikuwo sa esaakho ni ekilaantheene vattuurani.

2 aKorinto 12:21

Kinoovatho weera kooxekurakani veeli, Mulukwaaka anaakiyevihe ohoolowanyu, ni nkikhupanye niwoko na ancipale yaatthenke khalayi ni ahirukunxale mirimasaya wa ohitteela, oraruwa, ni ohuureya yaapankaaya.

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

Ethupululo 8:13

Miyo kiwehaka hiihaale, kaamwiiwa xaaka aavamve eriyari ya erimu, eeraka ni nsu ntotokotoko: “Ii! Ii! Ii! Anoohaawa yaawo ankhala elapo ya vathi niwoko na oruma wa mapalapatta a andyelo araru akina ahanle vakhaani wiipiwa!”