Yeremiya 13:18 - Emakhuwa Bible

¹⁸ Mwamuleele mwene ni naangolo pwiyamwene: “Mukhuruwe vahiceniwanyu, niwoko icireembasanyu sa emwene soovuwa sinoomoroxiwa.”

Yeremiya 13:18 Iomraidhean Croise

2 Mamwene 24:12

Yehoyakini, amayawe, arumeiyaawe, maneethaawe ni asitokweenaawe ootheene yaahiixinnyerera wa Nebukadenezari. Vayaakhani yanaathannatthaaru ya olamula wa mwene a oBabiloniya, Nebukadenezari aakuxa oYerusaleemu, anamutthuka Yehoyakini.

2 Mamwene 24:15

Nebukadenezari aamukuxa Yehoyakini ntoko ootthukiwa amuronghaka oBabiloniya. Aahaakuxatho oYerusaleemu amayaya amwene, axaaraya, asitokweenaaya ni asilopwana oottittimiheyaxa a mulaponi.

2 Nyaha 33:12

Moothanananimwawe, owo aahaasaasa ekhavihero ya Yave, Mulukwaawe, aniiyevihaxa ohoolo wa Muluku a makholowaawe.

2 Nyaha 33:19

Mmavekelonimwawe ni waakhula wa Muluku, mpaka sootthekasawe ni ohiroromeleyawawe, ohiya mmapuroni aatenkaawe altaari* a miluku soowootha ni nyiri soothipeleliwa sa Axera ni miluku sikina, ahinaaye wiiyeviha, sootheene iyo, silempwale munamalepelani a nyaha sa anamoonihera*.

2 Nyaha 33:23

Vaheera ovirikanawawe ni atithawe Manaxe, khiiyevinghe ohoolo wa Yave, mene aahaandyeerera nthowanawe.

Okhuma 10:3

Moisesi ni Aharoni yaarowa wa Farawu* emweerelaka: “Yave, Muluku a aHeberi eenre ha: ‘Mpaka yaakhani mukhoottaka wiiyeviha ohoolowaka? Muhiyeke mulokwaaka weera wakilape!

Okhuma 39:28

Yaapakatho icireemba, sootthukano mmuru ni akaputtula a mpuwa ootthaviwa ni nliinya nootteettheya.

Masu a Miruku 27:24

niwoko mihakhu khasinkhala mahuku ootheene, ni kheewo enroromeliha weera ecireemba ya emwene epwaherere wa ikhapira sootheene.

Yesaya 3:20

soowara sa mmuru, soophwaneliha munaawoni, alaamba, axikaaxa sa makhura oowunkhela ni mapaatiri,

Yesaya 3:26

Milako sa oSiyoni sinoolalamika sithananelaka seiyo; esidade enookilaathi woohikhalano etthu.

Yesaya 47:1

“Nyuwo mwaamwali oowiikosoopa, murowe, mwakilaathi muntthupini; mukilaathi puruvuru woohikhala ehice ya emwene, mwaana muthiyana a oBabiloniya. Khamwiitthaniwatho ooreera ni oophwaneliwa.

Yeremiya 22:24

“Kinlipela mwa Nsinanaka,” onghima Yave, “naari nyuwo Yehoyakini, mwaana mulopwana a Yehoyakimi, mwene a oYuda, mwaari munela woottittano vantataniwaka noolopwana, kaamoorulani.

Yeremiya 22:26

Kinoowoomolelani nyuwo ni amayinyu mwa yaawo yooyanreni mweelaponi ekina, muhiyareliwaanyuwo ni weiwo ooweeli nyuwo munookhwelawo.

Yeremiya 29:2

Eyo yeereiye vahoolo wa mwene Yehoyakini ni pwiyamwene mutokweene, asitokweene a empa ya emwene, ahooleli a oYuda ni oYerusaleemu, anamapakapaka ni anaruso yaatthukiwaaya oYerusaleemu eronghiwaka oBabiloniya.

Yeremiya 36:16

Yiiwakaru masu ootheene ale yaawehanasa ni woova, enamweerela Baruki: “Ti wootthuneyaxa omuleela mwene masu ootheene ala.”

Icipo Soolalamika 1:6

Waara wootheene woolakaseya osidade ya oSiyoni. Anamwane a mwenaaya ari ntoko anamungoma ahimphwanya yooca; aatthawa emaleliweene ikuru ohoolo wa namattharelela.

Icipo Soolalamika 1:9

Ohitteelawawe woosareya mukuwoni; eyo khayaaweherera ophiya ommaleloniwaya. Omorawaya waari woowuumiha owanoni; khaawo arwiiye opembesa.”Ii! Yave, moone othananawaka niwoko mwiittana oowina.”

Icipo Soolalamika 2:10

Ahooleli a esidade ya oSiyoni ankilaathi vathi emaalelo. Aniihela ntthupi mmuru ni angwarela soolalamikano. Asimwali a oYerusaleemu anuuramihela muru vathi oowuulihiheyeene muru.

Icipo Soolalamika 5:16

Ecireemba yoomora mmurumwahu. Ii! Wa hiyo, niwoko noottheka!

Ezekiyeli 16:12

kohoovahani ecipini, axiveeve ni ecireemba yooreeraxa.

Ezekiyeli 21:26

Yave onlamula sootheene oneera ha: Murule eturbante* ni ecireemba. Khookhala ntoko khalayi – oowiiyeviha eniivuwihiwe ni oovuwihiwa eniiyevihiwe.

Ezekiyeli 24:17

Muhitthunihereru wiiwiwa wiipulelawanyu; muhiikhupanyere mwaha wa anamakhwa. Mulipihe eturbantaanyu* ni ngware ikwakwaattaanyu; muhikuttelele ekhove hata muhice yooca ekhoveleliwe ociwa ni anamalalamika.”

Ezekiyeli 24:23

Nyuwosa mmwiware eturbante* mmurumwanyu ni ikwakwaatta munaawonimwanyu. Khamulalamika hata khamwiinla, mene munimoondasa niwoko na sootakhalasanyu ni khula mutthu onimwiipulela meekhaawe.

Ezekiyeli 44:18

Ewareke mmuru iturbante* sa eliinyu*, nitho campuwa a eliinyu*. Ehiwareru etthu eneera yaatannyere orettheela.

Daniyeli 5:20

Wa soothesene, murimaawe waathatungwaaya woowiixoona ni woowuuma niwoko na wiikuxa, aavenxiwa vahiceniwawe ya emwene ni aahaakhiwa ovuwawawe.

Yoonasi 3:6

Iiwakaru mwene ihaali iye, aavenya vahiceniwawe, anarula mukaandyo wa emwene, anawara isaakho akilaathiki vattuurani.

Matheyo 18:4

Tivawo, yoowo oniiyeviha ntoko mwaana ola, owo ti mutokweene moomweneni wa wiirimu.

Yakobe 4:10

Mwiiyeviheke vamaithoni wa Apwiya, ni Awo eniyoovuwiheni.

1 Pedru 5:6

Tivawo, mwiiyevihe vathi va ntata na ikuru sootheene na Muluku, weera Owo oovuwiheni ehuhu yootthuneya.