Yeremiya 13:11 - Emakhuwa Bible

¹¹ Vano mooteene yoowo laamba onlipihaawe eyuunu ya mutthu, hiihotho koolipiha oYuda ni oYixrayeli wootheene weera okivarexexe, ni weera okhale mulokwaaka wa epilaaka, ottottopelawaka ni nttittimihonaka,’ onghima Yave. ‘Wa soothesene awosa khayaakiiwale.’

Yeremiya 13:11 Iomraidhean Croise

Icipo 135:4

Vano Yave oomuthanla Yakobe weera akhale awawe; Yixrayeli weera akhale muhakhwaawe.

Icipo 147:20

Owo khampakelaru yeeyo miloko sikina; iyo khasisuwenle malamulowaawe. Munttottopele Yave.

Icipo 81:11

Wa soothesene, mulokwaaka khawaatthuna okiiwa, aYixrayeli yaakhootta okiiwelela.

Yesaya 43:21

muloko kiipakenlaaka weera owo olaleiye ottottopeleyawaka.

Yesaya 62:12

Awosa animwiitthaniwa muloko wootteela; oowoopoliwa ni Yave, ni nyuwo munimwiitthaniwa ootthuneya, Esidade Yoohithaamiwa.

Yeremiya 13:1

Vano Yave aakeerela ha: “Murowe ni mwamuthume laamba a eliinyu*, mungware, mene muhimunaanihe.”

Yeremiya 13:10

Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 13:12

“Mwaaleeletho: ‘Yave, Muluku a oYixrayeli oneera ha: Khula nipoottoro nisarihiweke eviinyu.’ Awosa yaaweerelakani: ‘Noosuwela weera khula nipoottoro nisarihiweke eviinyu,’

Yeremiya 19:15

“Yave a ikuru sootheene, Muluku a oYixrayeli oneera ha: ‘Mwiiwe, kinooruuhela esidade ela ni mittetthe sa mukhwipimwaya irisa sootheene kaalaleenraaka niwoko khayiiwelenle, ehitthunaka wiiwa maswaaka.’”

Yeremiya 32:20

Mwaapaka ineneero ni sootikhiniha wExipitu ni mumpwaherera opaka mpaka olelo okhuma oYixrayeli mpaka eriyari ya omutthu wootheene, ni moophwanela epili eri yawinyu mpaka olelo.

Yeremiya 33:9

Vano esidade ela enookivaha epili, ohakalala, ottottopela ni ovuwa, ohoolo wa miloko sootheene sa mulaponi sineera siiwe sa mipuha sootheene kimpakelaaka. Ni seiyo sinoosareya woova sithukumelaka niwoko na onnene otokotoko ni murettele kimvahaaka oYerusaleemu.’

Yeremiya 6:17

Kohaakhaliha anamalipelela variyariwanyu kiweerelaka: ‘Mwiiwe nnenesene oruma wa nipalapatta.’ Vaheera mweenre: ‘Khanimpwattha.’

Yeremiya 7:13

Nyuwosa mwaapakaanyu itthu sootheene iya,’ onghima Yave, ‘Miyo kannooleelani imaara sincipale, mene khamwiiwale; kaawiitthanani, mene khamwaakhunle.

Yeremiya 7:23

Ohiyanawaya, nlamulo kaavanghaaka ti nna: mukiiwelele ni kinookhala Mulukwaanyu ni nyuwosa munookhala mulokwaaka. Mweette mphironi kinoolamulelaakani weera itthu siweetteleni nnene.

Yeremiya 7:24

Vaheera awosa khayaakiiwale hata khayaakipwantthe; ohiyanawaya yaatthara soowuupuwela soovaanya sa mirimasaya soonanara. Yaahokoleenle ottuli ohiya ohoolo.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Amosi 3:1

Ii! aYixrayeli, mwiiwe masu ala Yave owuulumenlaaweni; kinuulumela emusi yootheene ela kikhumihalaaka wExipitu:

Luuka 10:11

‘Mpaka ntthupi na esidadaanyu nri nnaawonimwahu, nootatha ntoko yoowootheriwaanyu. Musuwele nnenesene yeela: omwene wa Muluku wookhuveela.’

Deuteronomiyo 26:18

Olelo Yave oohimatho weera nyuwo ti mulokwaawe xaxaxa ntoko Owo aaroromelinghaawe ni weera nyuwosa mwiiwelelaseke malamulowaawe ootheene.

Deuteronomiyo 26:19

Owo oohima weera onimoowelihani moovuwani epiili ni nttittimiho ntokotoko opwaha miloko sootheene opankaawe. Mmwikhale muloko wootteeliheriwa Yave Mulukwaanyu, ntoko aaroromelinghaawe.

Deuteronomiyo 4:7

Khoowowo muloko mutokotoko mukina, Mulukwaaya owaattamenle ntoko Yave Mulukwaahu oraawe vakhiviruwahu hiyo nnimvekelaahu.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.