Yeremiya 13:10 - Emakhuwa Bible

¹⁰ Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 13:10 Iomraidhean Croise

Icipo 78:8

Awosa kheekhala ntoko makholowaaya – ekhapira yoottiyamaaru ni yoovaanya; muloko wa murima woohimuroromela Muluku; atthu a okumi woohimutthara Yoowo.

Namalaleiya 11:9

Ohakalale mmiravo hiiha oraawo mukithi! Otteeliwe murimaawo mmahukuni a omiravowaawo! Orowe weiwo onoolamulelaayawo murimaawo, mpaka anoonaayawo maithwaawo; Vaheera osuweleke weera mwa itthu sootheene iyo onoomwaakhulano Muluku.

Yesaya 3:24

Ohiya wunkhela onuukhale wunkha; omuhiya laamba onuukhale, mukhoyi; ohiya otthaveliwa mayihi oophwaneliwa, onuukhale mputu; ohiya ikuwo soowaaraxa, nsikhale isaakho; ohiya ophwaneliwa, eniikhale mapharima oowoopiha.

Yeremiya 11:10

Awosa aahokoleela soottheka sa makholowaaya mwa yaawo yaakhoontte wiiwelela maswaaka, ettharaka miluku sikina weera erumeele. Ipuumba sootheene sa oYixrayeli ni sa oYuda khasiiwelenle wiiraanawaka kaapakenlaaka makholowaaya.

Yeremiya 11:18

Miyo kaaleeliwa niwoko Yave aakoonihera; Nyuwo mookoonihera yeeyo amvaanelelaaya.

Yeremiya 13:7

Vanonto, kaarowa wEfratesi, kinamuthupulula laamba kimvenxaka vanipuroni kaamusungalaakawo, mene vano aari oowuntta ni oohimutekoru.

Yeremiya 16:12

Vaheera nyuwosa mootepihaxa waapwaha makholowaanyu. Moone moota khula mutthu a nyuwo onttharaawe ettiyamaaru ya murimaawe woonanara, ohiya okiiwelela Miyo.

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 20:4

Vano Yave oneera ha: ‘Kinimoopakelani yoowoopihaanyu ni wa asinthamwenaanyu ootheene. Nyuwo munimoona ni maithwaanyu xaxaxa amwiittanaanyu yaawiivaka asinthamenaanyu. Kinimwinnyerera muloko wootheene wa oYuda mmatatani mwa mwene a oBabiloniya mwa yoowo anaaronghe oBabiloniya, awiivaka ni ekatana.

Yeremiya 22:21

Kannawoopererani nyuwo mwiixoonaanyu okhala oolipeene, mene khamwaatthunne okiiwa. Owo waari mweettelowaanyu wa mahuku ootheene, niwoko okhuma emiravowaanyu; khamwaakiiwelela.

Yeremiya 23:17

Awosa annaweerela yaawosa ankiramusa: ‘Yave oneera: Nyuwo munookhalano murettele.’ Ni wa ootheene antthara ettiyamaaru ya mirimasaya angweerela: ‘Khayoophwanyaniru yoonanara.’

Yeremiya 3:17

Ehuhuweene yeeyo animwiitthana oYerusaleemu ‘Ehice ya Emwene ya Yave’ ni miloko sootheene sinoothukumana oYerusaleemu weera sittittimihe Nsina na Yave. Seiyo khasirwatho sitthara ettiyamaarwaaya.

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 44:16

“Hiyo khanipwatthelaru munnivahaanyu mwa Nsina na Yave!

Yeremiya 44:5

Vaheera awosa khayiiwale naari khayaakipwantthe; khaahingye sootakhalasaya hata khaahiyerenre ohisera erubani* miluku sikina.

Yeremiya 5:23

Vaheera muloko owo ti woowuuma murima ni wa ettiyamaaru; owo woosusa, onapwaha.

Yeremiya 7:13

Nyuwosa mwaapakaanyu itthu sootheene iya,’ onghima Yave, ‘Miyo kannooleelani imaara sincipale, mene khamwiiwale; kaawiitthanani, mene khamwaakhunle.

Yeremiya 7:6

nyuwosa mwaahaahasula anamarwa, akwaasuni hoye hoye asinaamukhweli ni mwaahiyeehera ephome yoohinthowa nipuro nna, ni mwaahitthara miluku sikina mwiihelaka nthala,

Yeremiya 8:5

Vanonto heeni muloko ola ohapungwaaya? Heeni oYerusaleemu ompwahereraaya opahuwa? Amakaaya aavarexexa olokottha, ekhoottaka ohokolowa.

Yeremiya 9:13

Yave eenre: “Ti niwoko awosa ahingyaaya nlamulonaka kaavanghaaka; awosa khaakiiwelenle hata khaatthanre nlamulonaka.

Yeremiya 9:14

Ohiyanawaya, aatthara ettiyamaaru ya mirimasaya; ahaatthara aBahali*, ntoko makholowaaya yaaxuttinghaaya.”

Yeremiya 9:6

Awosa ankuukelelaxa ohooxa ni olokottha, ehitthunaka okisuwela Miyo,” onghima Yave.

Nuumeru 14:11

Yave aahuuluma ni Moisesi, amweerelaka: “Mpaka yaakhani muloko ola opwahereraka ohikoonelamo? Onuuhiye yaakhani okihovela, kirimooniheraru ineneero sootikhiniheya kipankaaka variyariwaya?

Miteko 7:51

Muloko woohiiwelela, woohiineliwa mmirimanimwanyu ni mmaarunimwanyu! Nyuwo munoolikana ni makholowaanyu – mahuku ootheene munnakhootta Munepa Wootteela!

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.