Yeremiya 12:15 - Emakhuwa Bible

¹⁵ Vaheera kivenxaleene, kinoomorelatho ikharari ni kinoomuhokoloxera khula mutthu yoohiyeriwaawe ni elapwaawe.

Yeremiya 12:15 Iomraidhean Croise

Yeremiya 16:15

mene awosa animweera: ‘Ninlipela mwa Nsina na Yave, mwa Yoowo aakhumihale aYixrayeli mweelaponi mwa ottuttuwani ni mweelaponi sootheene mwa weiwo aawoomolenlaawewo.’ Vano kinimwaahokoloxera mweelaponimwaya, mwa yeeyo kaavanghaaka makholowaaya.

Yeremiya 24:6

Kinimwaapwattha, ni nkinaahokoloxera elapweene yeela. Miyo kinimwaatekiha, kihaaphwataka; Miyo kinimwaatikithera, kihaavenxaka.

Yeremiya 29:14

Miyo kinimwiihiya weera kiphwanyiwe ni nyuwo,” onghima Yave, “ni kinimoohokoloxani wootthukiwani. Miyo kinimoothukumanyihani mmilokoni moothemwene ni mmapuroni moothemwene koomwaraxenlaakani, ni kinimoohokoloxerani mmapuroni kootthukenlaakani,” onghima Yave.

Yeremiya 3:12

Murowe ni mwalaleiye masu ala mpatta wa ottuttuwani: ‘Ii! aYixrayeli oohiroromeleya, muhokolowe,’ onghima Yave, ‘kinimoomorelani ikharari ni nkinoonyoonyeriwani, aani nkinoonyoonyeriwani mahuku ootheene,’ onghima Yave.

Yeremiya 3:17

Ehuhuweene yeeyo animwiitthana oYerusaleemu ‘Ehice ya Emwene ya Yave’ ni miloko sootheene sinoothukumana oYerusaleemu weera sittittimihe Nsina na Yave. Seiyo khasirwatho sitthara ettiyamaarwaaya.

Yeremiya 4:2

ni nyuwosa mwalipela mwa Nsina na Yave moota woororomeleya, wa ekhaikhai ni wookwanela, vano miloko sinooreelihiwa ni Yoowo ni sinoomvuwiha.”

Yeremiya 48:47

Wa soothesene, kinooreherera oreereliwa wa Mowabe muhoolommo,” onghima Yave. Nthorihelo na oMowabe ninkotela va.

Yeremiya 49:39

“Wa soothesene, kinooreherera oreereliwa wa Elami mmahukuni a muhoolo,” onghima Yave.

Yeremiya 49:6

Wa soothesene, vahoolowaya, kinooreherera oreereliwa wa awAmoni,” onghima Yave.

Daniyeli 11:4

Vahoolo wa okhalihiwa, omwenaawe onoomwaramwareya ni onookawanyeya mipatta mixexe sa elapo ya vathi. Omwenaawe khookhala wa ekhapiraawe ni khoolipa ntoko waaraaya, niwoko omwenaawe onimwaakhiwa, yinnyereriweke akina.

Amosi 9:14

Kinimwaahokoloxa aYixrayeli, mulokwaaka oronghiwe wootthukiwani; awosa anoorasela isidade sooheleya nthala ni mmo anookhalamo. Anoophatteya imatta sa iwuuva*, ewureke eviinyuwaaya; anoolima woophatteyamo nyiri eceeke soowiimasaya.

Nuumeru 32:18

Khanihokoleela mmatthokonimwahu aYixrayeli ootheene ehaakhenle yoohiyeriwaaya.

Miteko 15:16

‘Vahoolowaya, nkihokolowe ni nkiteketho eheema ya Davide emonre. Nkiteketho milepesaya ni nkireherere,

Deuteronomiyo 3:20

mpaka Yave aneeraawe awiitthuuwihase axunninyu ntoko koopakenlaakani ni mpaka awosa eneeraaya ekuxetho elapo Yave Mulukwaanyu onaavahasaawe, okhopela Yordanu. Vahoolowaya khula mutthu a nyuwo ahokoleeleke nipuro kimvanghaaka.”

Deuteronomiyo 30:3

vano Yave Mulukwaanyu onimoohokoloxani wootthukiwani, oomorelakani ikharari ni oothukumanyihakanitho ni miloko sootheene mwa weiwo mwaamwareenlaanyuwo.