Yeremiya 11:7 - Emakhuwa Bible

⁷ Okhuma ehuhuweene yeele kaakhumihalaaka makholowaanyu wExipitu mpaka olelo kannawooperera keeraka: “Mukiiwelele.”

Yeremiya 11:7 Iomraidhean Croise

2 Mamwene 17:13

Yave aahooperera oYixrayeli ni oYuda mwa maprofeetaawe ni anamooniheraawe* ootheene: “Muhiye iphirosanyu soonanara. Mwiiwelele ikanosaka ni malamulowaaka, muttharaka Nlamulo nootheene kaalamulenlaaka makholowaanyu wiiwelela ni koovanghaakani mwa arumeiyaaka maprofeeti.”

2 Nyaha 36:15

Yave, Muluku a makholowaaya, aawoopererasa imaara sincipale mwa anamitthengaawe, niwoko Owo aamorela ikharari mulokwaawe ni woomakawawe.

Okhuma 15:26

aweerelaka: “Nyuwosa mwamwiiwelela Yave, Mulukwaanyu, ni mwapaka yeeyo onaakhulelaawe ni mwiiwelela malamulowaawe muttharaka ikanosawe sootheene, nkoorumihelasani hata eretta emoha sa seiye kaarumihenlaaka awExipitu, niwoko Miyo ti Yave onoolamihani.”

Yeremiya 11:4

mwa weiwo kaalamulenlaaka makholowaanyu, kaakhumihaaka wExipitu, muttukutthani enghaniwa eyuuma.’ Keenre: ‘Mukiiwelele ni mpake sootheene kinoolamulelaakani ni munookhala mulokwaaka ni Miyo Mulukwaanyu.

Yeremiya 25:3

Mweehuhuni ya iyaakha miloko miili ni tthaaru masu a Yave yannakirweela – okhuma eyaakha yanaamuloko ni tthaaru ya olamula wa Yosiya, mwaana mulopwana a Amoni, mwene a oYuda, mpaka nihuku na olelo. Ni miyo kohuuluma ni nyuwo imaara soohaalikeleya, vaheera nyuwosa khamukiiwale.

Yeremiya 25:4

Yave aarimoorumihelaniru arumeiyaawe, maprofeeti, emaara ti emaara, khangwiiwale, hata khamwaapwantthe.

Yeremiya 31:32

Khookhala ntoko wiiraana kaapankaaka ni makholowaanyu kaavarenlaaka ni ntata weera kaakhumihe wExipitu; niwoko aananariha wiiraanawaka, kaarookhalaru Iyaya,” onghima Yave.

Yeremiya 32:23

Awosa yaahoorwa okuxa elapo ela, mene khaawiiwelenleni hata khayeettenle Nlamulonanyu. Khaapankeru etthu ya seiye mwaalamulenlaanyu. Tivawo yiiruhenlaaya erisa yootheene ela.

Yeremiya 34:14

‘Simanleene iyaakha ithannapiili, khula mutthu a nyuwo amutapuxeke muHeberi mukhwaawe iithuminghe wa nyuwosa. Oorumeenleeneni iyaakha ithannamosa, nyuwo munoomutapuxa.’ Vaheera makholowaanyu khayaakiiwelenle hata khayaakipwantthe.

Yeremiya 35:14

‘Yonadabi, mwaana mulopwana a Rekabi, aahaalamulela anamwanaawe weera ehiwure eviinyu, ni malamulo awo anneettela mpaka olelo. Awosa khaangwura eviinyu mpaka olelo niwoko aneettela malamulo a nikholonaya. Vaheera Miyo kannuuluma ni nyuwosa imaara sincipale – wasoothesene nyuwosa khamunkiiwelela.

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 7:13

Nyuwosa mwaapakaanyu itthu sootheene iya,’ onghima Yave, ‘Miyo kannooleelani imaara sincipale, mene khamwiiwale; kaawiitthanani, mene khamwaakhunle.

Hoxeya 4:1

aYixrayeli nyuwo, mwiiwe masu a Yave, niwoko Owo onoohimahimani nyuwo munkhala elapo ela: “Ororomeleya ni osivela, mpakatho esuwelo ya Muluku soolakaseya mulaponimu.

Hoxeya 5:1

“Asaserdoti* mwiiwe yeela! Nnene, aYixrayeli! Ii! Emusi ya emwene, ngwiriyane! Nthorihelo nna ti nawinyu: nyuwosa mwaari ntapha oMizepa, ntthavi naareiwe omwaako Tabori.

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

awEfeso 4:17

Hiiho miyo kinooleelani, ni mwa Apwiya kinnanyeserera, weera muheettetho ntoko amalapo, aneetta mwa soowuupuwelasaya sa siiyo.

Deuteronomiyo 12:32

Mwiipasoope weera mpake sootheene kinoolamulelaakani. Muhaandyeerere malamulo makina naari muhivukule malamulo a Yave.

Deuteronomiyo 30:20

ni weera munsivele Yave Mulukwaanyu, mwiiwe nsunawe mumvarexexaka Yooworu. Vanonto Yave ti okumaahu ni Owo onoowaandyeererani iyaakha mweelaponi aaroromelinghaawe ni nlipelo waavaha makholowaanyu Abrahaamu, Isaki ni Yakobe.”

Deuteronomiyo 4:6

Mwiiwelele nnenesene niwoko eyo enimoonihera miloko sikina mirukusanyu ni osuwelawanyu. Iyo siiwaru ikano sootheene iyo, nseere: “Vekhaikhai muloko ola mutokotoko ti musuweli ni wa miruku.”

Deuteronomiyo 5:29

Ohaawelawaka ti weera owo opwaherere otthuna okittittimiha ni wiiwelela malamulowaaka ootheene weera weetteleye nnene muloko owo ni anamwanaaya wa mahuku ootheene!

Deuteronomiyo 6:2

Mooteene yoowo, nyuwosa anamwaniinyu ni anamwanaaya mmwimoove Yave Mulukwaanyu mahuku ootheene a okumaanyu ni mmwiiwelele ikanosawe ni soolamulasawe sootheene kinoolamulelasaakani weera owaatteleni okumi.

Deuteronomiyo 8:6

Mwiiwelele malamulo a Yave Mulukwaanyu mweettaka mphironimwawe, munttittimihaka.

2 aTesalonika 3:12

Wa yaale nnaalamula ni nnaalipihera mwa Apwiya Yeesu Kristu weera evare muteko nnenesene, ni hiiho eceeke yooca ya asineenaaya.

1 Samuweli 8:9

Vano mpake yeeyo avekenlaaya, mene ngwooperere nnenesene ni mwaasuwelihe moota mwene aneeraawe aalamule.”