Yeremiya 11:4 - Emakhuwa Bible

⁴ mwa weiwo kaalamulenlaaka makholowaanyu, kaakhumihaaka wExipitu, muttukutthani enghaniwa eyuuma.’ Keenre: ‘Mukiiwelele ni mpake sootheene kinoolamulelaakani ni munookhala mulokwaaka ni Miyo Mulukwaanyu.

Yeremiya 11:4 Iomraidhean Croise

Epacerero 17:8

Vano elapo yootheene ya oKanaani, weiwo nyuwo vaanaano muraanyu namarwa, kinimoovahani ni wa ekhapiraanyu ntoko yawinyuweene yoohimala, ni nkikhale Mulukwaaya.”

1 Mamwene 8:51

Muupuwelele weeratho ti mulokwaanyu ni yoohiyeraanyu mwa yoowo mukhumihalalaanyu wExipitu, mmavihoni.

2 Mamwene 18:6

Aamutthara Yave moota woororomeleya ahimuhiyaka. Aahiiwelela malamulo Yave aamuvanghaawe Moisesi.

Okhuma 20:6

Vaheera kinaakosoopa ni onnene wa mahuku ootheene yaawo ankisivela ni aneettela malamulowaaka.

Yesaya 30:6

Masu mwaha wa axinama a oNegeba: Abuurwaaya ni ikamelusaya silemeliweene mihakhu, anarumiha simviravira mweelaponi yoosareya ohaawa ni ovalavela, yoosareya amwatto alopwana ni athiyana, yoosareya ivili ni inowa soowali, erowaka wa mulokweene yoowo woohimuteko.

Yesaya 48:10

Moone, kohoocapani ni maviho ntoko eparatha* entotoxiwaaya; koowootani murima muniikhoni noohooxa.

Yeremiya 11:7

Okhuma ehuhuweene yeele kaakhumihalaaka makholowaanyu wExipitu mpaka olelo kannawooperera keeraka: “Mukiiwelele.”

Yeremiya 24:7

Miyo kinimwaavahasa murima woowera okisuwela, aani osuwela weera Miyo ti Yave. Anookhalasa mulokwaaka, ni Miyo kinookhala Mulukwaaya, niwoko awosa anoohokoleela wa Miyo ni murima wootheene.

Yeremiya 26:13

Vano, muhiye mweettelowaanyu ni ipakelosanyu soonanara ni mmwiiwelele Yave, Mulukwaanyu. Hiiho Yave onoohiya woopakelani erisa oolakelenlaaweni.

Yeremiya 30:22

‘Tivawo, nyuwosa munookhala mulokwaaka, ni Miyo kinookhala Mulukwaanyu.’ ”

Yeremiya 32:28

Vanonto Yave oneera ha: Kininnyerera esidade ela mmatatani mwa aBabiloniya ni mwa Nebukadenezari, mwene a oBabiloniya, anaawine.

Yeremiya 38:20

Yeremiya aahaakhula: “Awosa kheewinnyererani. Mmwiiwelele Yave mpakaka yeeyo kinooleelaakani, weera sootheene siweetteleni nnene ni okumaanyu wuureleye.

Ezekiyeli 11:20

Hiiho eniittharihe ikanosaka ni anoopasoopa wiiwelela malamulowaaka. Awosa anookhala mulokwaaka, ni Miyo kinookhala Mulukwaaya.

Ezekiyeli 14:11

Vano eniyeereele yeeyo weera muloko wa oYixrayeli ohikihiyetho, hata ohiivalihetho ni sootthekasaya sootheene. Awosa anookhala mulokwaaka, ni Miyo kinookhala Mulukwaaya, onghima Yave onlamula sootheene.’ ”

Ezekiyeli 36:28

Nyuwosa munookhala mulaponi kaavanghaaka makholowaanyu; nyuwosa munookhala mulokwaaka, ni Miyo kinookhala Mulukwaanyu.

Ezekiyeli 37:23

Khayiivalihasatho ni milukusaya vamoha ni icaambulosaya sa mwiikho hata wakhalaru ovaanya, niwoko Miyo kinoowoopola moohapuwanimwaya wootthekeya wootheene, kaatteeliheke. Awosa anookhala mulokwaaka ni Miyo kinookhala Mulukwaaya.

Ezekiyeli 37:27

Wookhalawaka onuukhale ni yaawosa; Miyo kinookhala Mulukwaayasa ni awosa anookhala mulokwaaka.

Daniyeli 3:26

Nebukadenezari aahaattamela mulako wa niikho noovihaxa, anakhuwela: “Xadraki, Mixaki ni Abedneku, arumeiyi a Muluku a Osulusulu, mukhumeke, ngweeke wenno!” Vano Xadraki, Mixaki ni Abedneku yaakhuma mmooroni.

Levitiku 26:12

Kinimweetta variyariwanyu ni kinookhala Mulukwaanyu ni nyuwosa munookhala mulokwaaka.

Levitiku 26:3

Nyuwosa mwatthara ikanosaka ni mwiiwelela malamulowaaka,

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Zakariya 6:15

Yaawo ari ottaiwene animoowa weera ekhavihere otekiwa wa Empa ya Yave ni munoosuwela weera Yave a ikuru sootheene ti okiruminghe wa nyuwo. Eyo eniiyereye nyuwo mwamwiiwelela oororomeleyeene Yave Mulukwaanyu.”

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”

Matheyo 28:20

mwaaxuttihaka wiiwelela sootheene Miyo koolamulenlaakani. Ni Miyo kinookhala ni nyuwo mahuku ootheene, mpaka ommaleloni wa ehuhu.”

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

Deuteronomiyo 11:27

Nyuwosa munooreelihiwa mwiiwelela malamulo a Yave Mulukwaanyu miyo kinoovahasaakani olelo,

Deuteronomiyo 4:20

Wa nyuwo, Yave aahookuxani, ookhumihakani muttukutthani enghaniwa eyuuma, eyo tiiyo wExipitu, weera mukhalase muloko wa yoohiyeraawe, ntoko onooneyaaya olelo.

Deuteronomiyo 5:6

“Miyo ti Yave Mulukwaanyu, mwa Yoowo ookhumihaleni wExipitu, elapo ya okaporo.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

1 Samuweli 15:22

Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.