Yeremiya 11:10 - Emakhuwa Bible

¹⁰ Awosa aahokoleela soottheka sa makholowaaya mwa yaawo yaakhoontte wiiwelela maswaaka, ettharaka miluku sikina weera erumeele. Ipuumba sootheene sa oYixrayeli ni sa oYuda khasiiwelenle wiiraanawaka kaapakenlaaka makholowaaya.

Yeremiya 11:10 Iomraidhean Croise

Icipo 78:57

Yaari oohiroromeleya ni ohiiwelela ntoko makholowaaya, yaapirituwa ntoko muupa woohimuteko.

Yesaya 24:5

Elapo yoovaliheya ni amakaaya; awosa aarambura malamulo, aaramusa ikano ehipwatthaka wiiraana woohimala.

Yeremiya 13:10

Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 17:23

Wa soothesene awosa khayaakiiwale hata khayaakipwantthe. Yaattiyamaaru ni khayaatthunne wiiwa ehaakhulelaka olakiwa.

Yeremiya 22:9

Ni yoowaakhula eniikhale: ‘Niwoko awosa aahiya wiiraana wa Yave Mulukwaaya ni aalapa miluku sikina, erumeelaka seiyo.’”

Yeremiya 31:32

Khookhala ntoko wiiraana kaapankaaka ni makholowaanyu kaavarenlaaka ni ntata weera kaakhumihe wExipitu; niwoko aananariha wiiraanawaka, kaarookhalaru Iyaya,” onghima Yave.

Yeremiya 44:16

“Hiyo khanipwatthelaru munnivahaanyu mwa Nsina na Yave!

Yeremiya 44:5

Vaheera awosa khayiiwale naari khayaakipwantthe; khaahingye sootakhalasaya hata khaahiyerenre ohisera erubani* miluku sikina.

Yeremiya 7:28

Vano mwaaleele: ‘Ola ti muloko ohimmwiiwelela Yave Mulukwaaya naari ohintthuna wookoleliwa. Ekhaikhai yoophwateya, enalakaseya mmwaanomwaya.

Yeremiya 9:6

Awosa ankuukelelaxa ohooxa ni olokottha, ehitthunaka okisuwela Miyo,” onghima Yave.

Ezekiyeli 16:59

“ ‘Yave onlamula sootheene oneera ha: Miyo kinimoopakelani yeeyo mphwanenlaanyu, niwoko nyuwo moonyoosa nlipelonaka woonanarihani wiiraana.

Ezekiyeli 44:7

Ohiya soopakasanyu sikina sootheene soohiira, nyuwosa moohaaruuha vaNipuronivaka Nootteela* anamarwa oohiineliwa mmurimani ni mweerutthuni, muhiirihaka Empaaka wookipakela sooveleela sa yooca, makhura ni ephome. Vano, nyuwosa moonanariha wiiraanawaka.

Ezekiyeli 5:6

Wa soothesene, mwa soonanarasaya, eyo yoovaanyera malamulowaaka ni ikanosaka opwaha miloko sikina sootheene sirukureenrewo. Eyo yookhootta malamulowaaka ni kheettharinghe ikanosaka.

Hoxeya 6:4

“Nkoopakele eheeni Efrayimi? Nkoopakele eheeni Yuda? Osivelawanyu ori ntoko ekasikasi ya oxeexelo, ntoko nikame nimpeherera wiima nnamora woowaakuveya.

Hoxeya 6:7

Ntoko Adamu, awosa aananariha wiiraana, enakikhalela oohiroromeleya.

Hoxeya 7:16

Awosa khaanghokoleela wa Muluku Musulusulu; ari ntoko muura woohilokaloka. Ahoolelaaya animwiiviwa ni ekatana niwoko na maswaaya ooveiha. Tivawo atthu a wExipitu anaatthebwaaya.”

Levitiku 26:15

ni mwaahoonela ikanosaka muramusaka malamulowaaka ni mooceela okwanihera soolamulasaka, mveihaka hiiho wiiraanawaka,

Zefaniya 1:6

Yaawo anghapuwa ehiyaka omutthara Yave, hata ehimwaasaka naari ehimukohereraka.

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

Zakariya 7:11

Vaheera yaakhootta opwattha; ni murima woowuuma yaahoorerani ettuli, ekhalaka attiyamaaru.

Zakariya 7:13

‘Miyo kaawiitthanaaka, awosa khayaatthunne wiiwa; tivawo awosa yaakiitthanaka, Miyo kihingwiiwaakatho,’ onghima Yave a ikuru sootheene.

Deuteronomiyo 31:16

Yave aamweerela Moisesi: “Nyuwo munimwiitthuuwa vamoha ni makholowaanyu ni muloko ola woowaakuveya onooraruwasa, ottharaka miluku sikina sa elapo oneeraaya wavolowe. Awosa anookihiya, ehipwatthaka wiiraana kaapakenlaaka.

Deuteronomiyo 9:7

Muupuwele yeeyo ni muhittiwale moota mwaantannyenraanyu isara Yave Mulukwaanyu munikareni. Okhuma nihuku mwaakhumalaanyu wExipitu mpaka ophiyawanyu nno nyuwosa moonttiyelamaaru Yave.

aHeberi 8:9

Khoorwa okhala ntoko wiiraana kaapankaaka ni makholowaaya nihuku kaavarenlaaka ni matata weera kaavenxe wExipitu. Niwoko awo khayaapwaherenre ngwiiraanyihanimwaka, Miyo koosusa wa yaawo, anghima Apwiya.

Ahooleli 2:11

Vanonto aYixrayeli yaapaka soonanara vamaithoni wa Yave elapaka miluku sikina siniithaniwa aBahali*.

Ahooleli 2:17

Hata hiiho awosa khayaatthunne owiiwa ahooleli, mene yaanlavalava ni miluku sikina elapaka iye. Awosa woowaakuveya yaahiya ephiro makholowaaya yeettaaya. Makholowaaya yaamwiiwelala Yave, mene awosa hoye.

Ahooleli 2:19

Vaheera aakhwaawe muhooleli, aYixrayeli yaahokoleela iphiro sootepaxa oopwaha sa makholowaaya, ettharaka, ekokhorelaka ni elapaka miluku sikina. Yannakhootta ohiya mitekosaya soonanara ni iphirosaya yaawaatelelaaya.

1 Samuweli 15:11

“Koothanana omvarawaka omwene Sawuli niwoko ookihiya ahiiwelelaka soolamulasaka.” Samuweli aahitta, anamukhuwelela Yave ohiyu wootheene ole.