Yeremiya 10:22 - Emakhuwa Bible

²² Mwiiwe! Ehaali enrwa – minyakunyaku sitokotoko sinrweela mpatta wa ottuttuwani. Mittetthe sa oYuda sinoophwatiwa, sitatuxiweke mookhalamo akhwatte.

Yeremiya 10:22 Iomraidhean Croise

Yesaya 34:13

Nyiiwa sinookhuneela isidadesaya soolipaxa, aani rupulula ni nyiiwa mapurowaaya oolipihiwaxa. Nno nnoothatuwa nipuro ankhalaayawo akhwatte ni isiisi.

Yeremiya 1:14

Yave aakeerela: “Ottuttuwani anooyeeheriwa erisa amaki ootheene a elapo ela.

Yeremiya 1:15

Miyo kinlattula miloko sootheene sa imwene sa ottuttuwani,” onghima Yave. “Mamwene animoowa, yiikaathiki ihicesaya sa emwene vamilako sa oYerusaleemu. Anoowanano ixirisaya sootheene sirince ni mittetthe sootheene sa oYuda.

Yeremiya 2:15

Amwatto anootturumela ekongelaka ohoolowaya; elapwaaya yaahiiwa ttewu; isidadesaya sooheleya nthala, soothaamiwa woomalela.

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 4:15

Nniiwanyeya nsu nilaleiyaka okhuma oDani, ni okhuma mattumuxa a wEfrayimi ninlaleiya nihooxo.

Yeremiya 4:6

Mweemexe eneneero enthoonyera oSiyoni. Mutthawe woowaakuveya mwaasaasaka wootthawelamo! Miyo kinooruuha erisa okhuma mpatta wa ottuttuwani, ophwata woowoopihaxa.”

Yeremiya 49:33

“oHazori onoothatuwa nipuro ankhalaayawo akwatte, nthala noohimala. Khaawo anaamakewotho, naari mutthu mmoha.”

Yeremiya 5:15

Ii! Ipuumba sa oYixrayeli,” onghima Yave, “kinooruuhelani muloko wa ottai weera woowananeni – muloko wa khalayi ni woohiwineya, mwa yoowo muhisuwenlaanyu nuulumonaya hata muhiniiwexexaanyu onghimaaya.

Yeremiya 6:1

“Ii! Ekhapira ya Benyamini, mutthawele nipuro noolipaxa! Mutthawe oYerusaleemu! Mwiipe nipalapatta oTekowa! Mweemexe eneneero oBeti-Hakeremi! Niwoko ennooneya erisa enrweela ottuttuwani – ophwata woowoopihaxa.

Yeremiya 6:22

Yave oneera ha: “Moone, anakhotto ancipale anrweela elapo ya mpatta wa ottuttuwani; muloko mutokotoko onrehereriwa okhuma ekotenle elapo.

Yeremiya 9:11

“Kinootatuxa oYerusaleemu ittuxoru, nipuro ankhalaayawo akhwatte; ni kinoophwata mittetthe sa oYuda weera ehikhale eneera emakewo.”

Icipo Soolalamika 1:4

Iphiro sinrowa oSiyoni sinlalamika niwoko khaawo anrowa mufestanimwaya soothanliwa. Milakosaya sootheene sooheleya nthala, asaserdotaaya animwiipulela, asimwalaaya anoothanana ni eyo emphwanyaneya moothanananixa.

Ezekiyeli 12:19

Mweerele muloko wa mulaponi weera Yave onlamula sootheene oneera ha mwaha wa yaale ankhala oYerusaleemu ni oYixrayeli: ‘Awosa animooca yoocaaya moohaawelani ni anoowura maahaaya moohiwehererani, niwoko sootheene siri mulaponimwaya animwaakhiwamo mwaha wa nipuhero na yaawo ankhalamo.

Malekiya 1:3

mene koomukhootta Esawu. Nyaakosawe kootatuxa munikareni noothaamiwa ni koohiya ilapo sa yoohiyeriwaawe moomakamo akhwatte a munikareni.”