Yeremiya 10:17 - Emakhuwa Bible

¹⁷ Nyuwosa munkhala ooriciweene, muthukumanyihe sooreerelasanyu weera mulaxere elapo.

Yeremiya 10:17 Iomraidhean Croise

Yeremiya 21:13

Kiri Mwiittanaanyu, oYerusaleemu, nyuwo mmanke vasulu vanreyareyani nna vamwala, onghima Yave, aani nyuwo muneera: “Taani anaaniwanane? Taani anaawere ovolowa nipuronahu na otthawelawahu?”

Yeremiya 6:1

“Ii! Ekhapira ya Benyamini, mutthawele nipuro noolipaxa! Mutthawe oYerusaleemu! Mwiipe nipalapatta oTekowa! Mweemexe eneneero oBeti-Hakeremi! Niwoko ennooneya erisa enrweela ottuttuwani – ophwata woowoopihaxa.

Mikeyasi 2:10

Mvenye, mpwahe! Vano nna khanihiyono nipuronanyu noowiitthuuwa, niwoko nna noovaliheya ohikhalakaru murette.

Matheyo 24:15

Hiiho, nyuwo moonaka yiikaathiweene vaNipuroni Nootteela* etthu yoonanaraxa yoowuulihaxa muru* mwa yeeyo uulumalaawe mprofeeti Daniyeli, – owo onsoma iiwexexeke!

Deuteronomiyo 28:52

Awosa eniirice isidade sootheene sa mweelaponimwanyu mpaka sineeraaya sipittuwe ixiri soorakamela soolipihiwa, mwa seiyo munroromenlaanyu. Eniirice isidade sootheene mweelaponimwanyu moothemwene Yave Mulukwaanyu onoovahaaweni.