Yeremiya 10:16 - Emakhuwa Bible

¹⁶ Yoole ori a mpatta wa Yakobe khanlikana ni icaambulo iyo, niwoko Owo ti Mpattuxa a sootheene, ni aYixrayeli ti epuumbaaweene – Yave a ikuru sootheene ti Nsinanawe.

Yeremiya 10:16 Iomraidhean Croise

Icipo 119:57

Ii! Yave, Nyuwo ti yoohiyeriwaaka; koororomeliha weera kinimwiiwelela maswaanyu.

Icipo 135:4

Vano Yave oomuthanla Yakobe weera akhale awawe; Yixrayeli weera akhale muhakhwaawe.

Icipo 142:5

Miyo kinookhuwelelani Nyuwo Yave, keeraka: “Nyuwo ti Wootthawelawaka; mweelaponi ya akumi kinoororomelani Nyuwo paahi.”

Icipo 33:6

Erimu yaapattuxiwa ni nsu na Yave; ithenyerisaya saapattuxiwa ni iphumu sa eyanowaawe.

Icipo 73:26

Enoowereya erutthwaaka ni murimaaka olosowa, mene Muluku ti ikuru sa murimaaka ni yoohiyeriwaaka wa mahuku ootheene.

Icipo 74:2

Muupuwelele mulokwaanyu, mwa yoowo mwaathummaanyu khalayi; epuumba ya yoohiyeraanyu, mwa yeele mooponlaanyu nitho mwaako oSiyoni mwaamankaanyuwo.

Okhuma 19:5

Vano mwakiiwelela oororomeleyeene ni mwathokorora wiiraanyihawaka, munookhala atthu ootthuneyaaka variyari wa miloko sootheene. Erookhalaru elapo yootheene yawaka,

Okhuma 34:9

amweerelaka: “Yave, mwatthuna okoonihera murima wooreera, munihoole. Orimweeraru muloko owo oreene woottiyamaaru, mulevelele sootakhalasahu ni sootthekasahu ni munaakhele ntoko yoohiyeraanyu.”

Masu a Miruku 16:4

Yave ompakela sootheene mwa yeeyo onuupuwelelaawe; mpaka atakhali wa nihuku na nttaruxo.

Yesaya 19:25

Yave a ikuru sootheene onooreeliha ilapo iya eeraka: “Ooreelihiwa ekhale awExipitu, mulokwaaka, awAsiriya kaapattunxaaka ni aYixrayeli yoohiyeraaka.”

Yesaya 45:7

Miyo kimpaka waara ni kinkhaliha epiphi. Miyo kinruuha onnene ni kimpakiha erisa. Miyo, Yave, kimpaka sootheene iyo.

Yesaya 47:4

Mvuluxaahu – Yave a ikuru sootheene ti Nsinanawe – Owo ti Ootteela a oYixrayeli.

Yesaya 47:6

Kaanyoonyeriwa mulokwaaka kinanarihaka yoohiyeraaka; kaawinnyerera mmatatanimwanyu ni nyuwo, Babiloniya, khamwaamorenle ikharari. Mpaka mwaawiikaathera yoolemelaxa anamuuluvala.

Yesaya 51:15

Vanonto Miyo ti Yave Mulukwaanyu kintannya ephareiya moota wooweera mitekuteku sirume – Yave a ikuru sootheene ti Nsinanaka.

Yesaya 54:5

Vano Mpattuxaanyu ori iyinyu – Yave a ikuru sootheene ti Nsinanawe – Ootteela a oYixrayeli ti Mvuluxaanyu. Owo oniitthaniwa Muluku a elapo ya vathi yootheene.

Yeremiya 10:12

Vano ti Muluku opattunxe elapo ya vathi ni ikurusawe; Owo aakhaliha yeeyo ni mirukusawe ni aakunga erimu ni wiiwexexawawe.

Yeremiya 10:6

Khawowo onlikana ni Nyuwo, Yave; Nyuwo ti Mutokweenexa ni owera wa Nsinananyu ti otokotoko.

Yeremiya 31:35

Vano Yave, mwa Yoowo okhalinghe nsuwa weera nimwaleele othana, olamulenle mweeri ni ithenyeeri weera simwaleele ohiyu, ontekumiha ephareiya weera sirume mitekutekusaya, aani Yoowo iitthaniwe Yave a ikuru sootheene oneera, ha:

Yeremiya 32:18

Munoonihera onnene mpaka ikhapira ikhapirasene, vaheera munaavonyera anamwane soottheka sa asitithaya. Ii! Muluku Mutokweene ni Ooweraxa, mwa Yoowo Nsinanawe ti Yave a ikuru sootheene,

Yeremiya 33:2

“Yave opanke erimu, Yave okhalinghe, analipiha, mwa Yoowo Nsinanawe ti Yave, vano Owo oneera ha:

Yeremiya 46:18

Kinlipela mwa okumaaka,” onghima Mwene, mwa Yoowo Nsinanawe Yave a ikuru sootheene, “Mmoha onimoorwa ntoko Tabori eriyari ya nyaako, aani ntoko Karemeli ophareiya.

Yeremiya 50:34

Wa soothesene, Namoopolaaya ti oolipa; Nsinanawe ti Yave a ikuru sootheene. Yooweene ti anaakihe mulattwaaya, ni onooruuhela wiitthuuwa elapwaaya, mene onoowuungurumiha yaawo ankhala oBabiloniya.

Yeremiya 51:19

Yoole ori ettima ya Yakobe khanlikana ni yaalasa, niwoko ti Yoowo ompaka itthu sootheene, ni Yixrayeli ti epuumba ya yoohiyeraawe; Nsinanawe ti Yave a ikuru sootheene.

Icipo Soolalamika 3:24

Kiniixeerela: Ettimaaka ti Yave; tivawo, mwa Yoowo kinoohela owehererawaka.

Amosi 4:13

Yoowo ompaka nyaako, ompattuxa epheyo ni onimusuweliha mutthu soowuupuwelasawe, yoowo ontatuxa ekamaama ya oxa epiphi, ni onnyikala nyaako sa mulaponi –Nsinanawe ti Yave, Muluku a ikuru sootheene!

Zakariya 2:12

Yave onookuxa oYuda ntoko yoohiyeraawe mweelaponi yootteela, ni onoothanlatho oYerusaleemu.

Deuteronomiyo 32:9

Vano muloko Yave aakupanlaawe ti yoola; ekhapira ya Yakobe ti yoohiyeraawe.