Yeremiya 10:12 - Emakhuwa Bible

¹² Vano ti Muluku opattunxe elapo ya vathi ni ikurusawe; Owo aakhaliha yeeyo ni mirukusawe ni aakunga erimu ni wiiwexexawawe.

Yeremiya 10:12 Iomraidhean Croise

Epacerero 1:1

Ompacereroni Muluku aapattuxa erimu ni vathi.

Epacerero 2:5

nlelo neera nihinaaye ophuwa naari niphuwa nimoha na ntuphini, hata mwiri mmoha weera ohinaaye omela, niwoko Yave eera ahinaaye orupiha epula vatthayani nitho khaakhanle mutthu eera alimeke.

1 Nyaha 16:26

Miluku sootheene sa miloko ti soowootha, vaheera Yave oopaka irimu.

Yobi 26:7

Owo onkunga irimu sa mpatta wa ottuttuwani vatthuni woohikhala etthu; ontthukelela etthaya ehikhanlaayawo etthu.

Yobi 37:18

munoowera omukhavihera okunga irimu soolipaxa ntoko eloola ya ebronze*?

Yobi 9:8

Owo paahi onkunga irimu ni oneetta vasulu wa mitekuteku sa ephareiya.

Icipo 104:2

Owo ohiiwariha waara ntoko mukaandyo; Owo ontapuruxa erimu ntoko eluttu.

Icipo 104:24

Ii! Yave! Sincipalexa ti soopakasanyu! Moopaka sootheene seiyo mmirukunimwanyu. Elapo yoosareya itthu mpattunxaanyu.

Icipo 119:90

Ororomeleyawanyu ori wa ikhapira sootheene; mookhaliha elapo ni eyo empwaherera yoolipeene.

Icipo 24:2

niwoko Owo oopaka yeeyo vasulu wa maahi a mphareiyani, anapattuxa antthimakaayawo maahi.

Icipo 33:6

Erimu yaapattuxiwa ni nsu na Yave; ithenyerisaya saapattuxiwa ni iphumu sa eyanowaawe.

Icipo 65:7

Ti Nyuwo mummaaliha oruma wa iphareiya, oruma wa mitekutekusaya ni minyakunyaku sa miloko.

Icipo 78:69

Aateka Nipuronawe Nootteela* noorakamela ntoko erimu, ntoko elapo aakhalinghaawe wa mahuku ootheene.

Icipo 93:1

Yave onlamula awarenleene sa otokweene; sa otokweene Yave oowarela ni oosareya ikuru. Elapo ya vathi eri yoolipeene ni kheenttikinyeya.

Masu a Miruku 3:19

Mmirukunimwawe Yave oopaka mathipelo a etthaya, mwaakhilinimwawe oolipiha erimu vanipuroniwaya;

Masu a Miruku 30:4

Taani owenle wiirimu anakhuruwa? Taani ophunte mmatatani ipheyo? Taani ohuruwenle maahi mmukaandyonimwawe? Taani okhalinghe nyiinano sa mulaponi? Nsinanawe taani ni na mwanawetho? Mukithalihere nyuwo mwaasuwenleene!

Yesaya 37:16

“Ii! Yave, Muluku a aYixrayeli, mukilaathiye variyari wa akerubini*, ti Nyuwo paahi muri Muluku a mamwene ootheene a elapo ya vathi. Moopattuxa wiirimu ni vathi.

Yesaya 40:22

Owo onkilaathi vahiceniwawe ya emwene wiirimu wa yookhuneelano elapo ya vathi ni amakaaya ari ntoko misoope. Owo ontapuruxa erimu ntoko eluttu, ntoko eheema weera ekhalemo.

Yesaya 42:5

Muluku Yave ti Yoole opattunxe irimu ni aatanle seiye, Yoole otanunxe etthaya ni sootheene simmelamo, Yoole onaavaha ngwiya amakaaya ni okumi wa sootheene sinkhalamo. Vano, Mulukweene Yoowo oneera ha:

Yesaya 44:24

Vano Yave Mvuluxaanyu oopankeni mmirimani mwa amayinyu oneera ha: “Miyo ti Yave kipanke itthu sootheene; Miyo paahi kikunge erimu ni kiitapuruxenle elapo.

Yesaya 45:12

Ti Miyo kipanke elapo ya vathi, kinaapattuxamo atthu. Matataaka ti akunge erimu; Miyo koolamulela ithenyeerisaya.

Yesaya 45:18

Vano Yave opattunxe wiirimu – Owo ti Muluku; Owo oopattuxa elapo ya vathi; ti yoowo oompe etthaya. Khaanse opattuxa, mene weera ekhaliwe. Vano Mulukweene Yoowo oneera ha: “Miyo ti Yave ni khawoworu mukina.

Yesaya 48:13

Kaapaka mathipelo a elapo ya vathi ni matataaka ni ntatanaka noolopwana naakunga erimu; Miyo kiitthanaka seiyo, sootheene sineemela vamoha.

Yesaya 49:8

Yave oneera ha: “Mweehuhuni yoothanliwa Miyo kinoowaakhulani ni vanihukuni na ovuluxa kinimookhaviherani. Miyo kinimoothokororani ni kinoopakiha weera mukhale wiiraana wa muloko, weera mureherere elapo mukawaka soohiyeriwasaya soothaamiwa.

Yeremiya 10:13

Oruma wa etaraawe, maahi anooruma wiirimu epakeyaka mahutte okhuma ekotenle elapo. Owo onrumiha overinya vamoha ni epula, akhumihaka epheyo enuukaanaayamo.

Yeremiya 10:16

Yoole ori a mpatta wa Yakobe khanlikana ni icaambulo iyo, niwoko Owo ti Mpattuxa a sootheene, ni aYixrayeli ti epuumbaaweene – Yave a ikuru sootheene ti Nsinanawe.

Yeremiya 14:22

Khoowowo hata mmoha wa miluku soohimuteko sa miloko ongwera orupiha epula. Erimu muneenaaya kheengwera orupiha epula. Ti Nyuwo paahi, Yave Mulukwaahu mungwera. Tivawo owehererawahu oraaya mwa Nyuwo, niwoko ti Nyuwo mumpaka sootheehe seiyo.

Yeremiya 27:5

“Miyo koopattuxa elapo, atthu ni axinama arimo, ni owerawaka otokotoko ni moonowaaka wowookoweene, ni Miyo kinimvaha kinimutthunaaka.

Yeremiya 32:17

Ii! Yave onlamula sootheene, Nyuwo moopaka erimu ni vathi mooweranimwanyu otokotoko ni mwa moonowaanyu woowookowa. Kheewo enoorikani.

Zakariya 12:1

Ala ti masu a Yave mwaha wa aYixrayeli. Yave onkunga erimu, ompaceriha mathipelo a elapo ya vathi ni opattunxe munepa wa mutthu mpuwamwawe, vano Owo onghima:

Yohaane 1:3

Itthu sootheene saapattuxiwe ni Nsu nno. Kheewoworu etthu ekhanle nihipankaaya nenno.

aKolosi 1:16

niwoko mwa Yoowo soopattuxiwa itthu sootheene siri wiirimu ni vathi – soowooneya ni soohooneya; sikhalaka ihice, naari soowera; ikuru, naari otokweene. Itthu sootheene sipattuxiwe ni Yoowo ni wa Yoowo.