Yeremiya 1:8 - Emakhuwa Bible

⁸ Muhiwoove yaawo, niwoko Miyo kiri ni nyuwo ni kinimookosoopani,” onghima Yave.

Yeremiya 1:8 Iomraidhean Croise

Okhuma 3:12

Muluku aamwaakhula: “Miyo nkikhale ni nyuwo. Ni ela eri eneneero weera ti Miyo kinoorumihani: Mwaakhumihaka atthu mwExipitu, nyuwosa mmwinlape Muluku mwaakweene yoola.”

Yesaya 43:2

Mwaalapuwaka, kinookhala ni nyuwo; mwaalapuwaka yooloko, seiyo khasoomireihani; mwaaviraka mmooroni, khamunza; malumi a mooro khaanoohisani.

Yesaya 51:12

“Miyo, aani ti Yoomi kinoopepesani. Heeni mungwoovaanyu atthu ankhwa, anamwane a atthu ari malaxi paahi?

Yesaya 51:7

Mukiiwe nyuwosa munsuwela yeeyo eri ya ekhaikhai, nyuwosa munkhalano nlamulonaka mmurimanimwanyu. Muhoove ohiiha wa atthu hata woopopihiwa ni oruwanawaya.

Yeremiya 1:17

Nyuwo mwiireherere! Murowe mwaaleele sootheene kineeraaka koolamuleleni. Muhiwoove weera kihiwoopopiheni ohoolowaya.

Yeremiya 1:19

Awosa animoowananani, mene khayoowinani, niwoko Miyo kiri ni nyuwo ni kinoowoopolani,” onghima Yave.

Yeremiya 20:11

Vaheera Yave ori ni miyo ntoko nakhotto ooweraxa; tivawo yaawo ankisoonda eneeraaya ekwattuliwe, ehiwinaka. Awosa animuulihiheya muru woomalela; overuliwawaya khoottiwaliwa.

Yeremiya 30:11

Vano Miyo kiri ni nyuwo ni kinimoovuluxani,’ onghima Yave. ‘Kinoophwata woomalela miloko sootheene mwa seiyo Miyo koomwaraxenlaakani; vaheera wa nyuwo, nkoophwatani woomalela. Miyo kinimoolakani, ntoko mumphwanelaanyu. Nkoohiyani woohoottaruxani.’

Yeremiya 39:11

Vaheera Nebukadenezari, mwene a oBabiloniya, aamulamulela Nebuzaradani amweerelaka Yeremiya:

Yeremiya 42:11

Muhimoove mwene a oBabiloniya, mwa yoowo mummoovaanyu vano. Muhimoove, onghima Yave, niwoko kiri ni nyuwosa ni kinimoovuluxani ni kinimootapuxani mmatatanimwawe.

Daniyeli 3:17

Hiyo navonyeriwa muniikhoni noovihaxa, Muluku mwa Yoowo nnimulapaahu onoowera onitapuxa ni Owo onoonoopola mmatatanimwanyu, nyuwo amwene.

Daniyeli 3:25

Owo aaweerela: “Moone! Kingwoona asilopwana axexe ootaphuliweene ni ooreereleene, yeetteettaka mmooroni, ni anaaxexe ole onlikana mwaana a miluku.”

Matheyo 10:26

Tivawo, muhiwoove yaawo. Itthu sootheene soowiipithiheiya nsooneiye, ni itthu sootheene sookhuneeliwa, nsisuwelihiwe.

Matheyo 28:20

mwaaxuttihaka wiiwelela sootheene Miyo koolamulenlaakani. Ni Miyo kinookhala ni nyuwo mahuku ootheene, mpaka ommaleloni wa ehuhu.”

Miteko 18:10

niwoko kiri ni nyuwo ni khaawo aneera oopakeeni yoonanara, naari oovulaliheni, niwoko kookhalano atthu ancipale musidadeni ela.”

Miteko 26:17

Miyo nkoovuluxeni wa mulokwaanyu muneenaanyu ni wa amalapo, wa yaawo Miyo kinimoorumihani

Miteko 4:13

Yoonaka olipa murima wa Pedru ni Yohaane, ni esuwelaka weera khayaahiyono atthu oolepiweene, mene oohixuttihiwa, yaatikhina, ni yaasuwela weera awo yaakhala vamoha ni Yeesu.

Miteko 4:29

Vano, Apwiya, muupuwele soowoopopihasaya, ni mwaawerihe arumeiyaanyu weera elaleiye maswaanyu ni murima woolipa.

awEfeso 6:20

mwa yaawo kiri namutthenga ootthukiweene. Muvekele weera miyo kuulume ni olipa murima, ntoko ontthuneyaaya weera kipake.

Deuteronomiyo 31:6

Mukhaleke oolipa ni oominya murima. Muhoove hata muhitteenguwe seiyo, niwoko Yave Mulukwaanyu onookhala ni nyuwo. Khoohiyani meekhiinyu.”

Deuteronomiyo 31:8

Yave muneenaawe onimoohoolelani ni onookhala ni nyuwo. Khoohiyani meekhiinyu. Muhoove hata muhiporore.”

Yoxuwa 1:5

Khaawo eniiwere woowinani mmahukuni ootheene a okumaanyu. Kinookhala ni nyuwo ntoko kaaraaka ni Moisesi. Nkirwa koohiyaani meekhiinyu.

Yoxuwa 1:9

Kohoolamulelani: Mukhaleke ookhomaala ni oolipa murima. Muhoove hata muhiporore, niwoko Yave Mulukwaanyu onookhala ni nyuwo weiwo muneeraanyu mvire.”