Yeremiya 1:5 - Emakhuwa Bible

⁵ “Miyo kihinaaye woopakani mmirimani mwa amayinyu, kaahoosuwelani. Nyuwo muhinaaye oyariwa, Miyo kaahoothanlani ni kaahookhalihani ntoko mprofeeti wa miloko.”

Yeremiya 1:5 Iomraidhean Croise

Icipo 139:15

Yaapakiwaaya erutthwaaka muxiirini, eyo khayaahiyono yoowiipithiheya wa Nyuwo. Miyo kaatthaviwaaka moowiixera mwa etthaya,

Icipo 139:16

maithwaanyu yaahoona kihinaaye omalela omutthu. Mahuku ootheene a okumaaka alempwale mulivurunimwanyu kihinaaye okhalanaru nihuku.

Okhuma 33:12

Moisesi aamweerela Yave: “Nyuwo mookeerela: ‘Muhoolele muloko ola,’ mene khamunkitthunihera omusuwela taani muneeraanyu mukirumihele. Mweenre: ‘Kohoosuwelani nnenesene ni wa nyuwo koosiveliwa.’

Okhuma 33:17

Yave aamwaakhula Moisesi: “Kinoopaka etthweene yeeyo mukivekenlaanyu, niwoko mookisiveliha ni kohoosuwelani nnenesene.”

Yesaya 44:2

Yave mwa Yoowo oopattunxeni ni oopankeni mmirimani mwa amayinyu, Yoowo onookhaviherani, oneera ha: Ii! Yakobe, murumeiyaaka, muhoove, Yexuruni kimuthanlalaaka.

Yesaya 49:1

Mukiiwe nyuwosa icirumba, mwiiwe yeeyo nyuwosa miloko sinkhala ottai: Miyo kihinaaye oyariwa, Yave aakiitthana; okhuma oyariwawaka Owo iitthana nsinanaka.

Yesaya 49:5

Vano Yave onuuluma ni miyo – Yoowo okipanke mmirimani weera kikhale murumeiyaawe ni weera kamuhokoloxe Yakobe ni kamuthukumanyihere aYixrayeli, niwoko koottittimihiwa vamaithoniwawe ni Mulukwaaka ori ikurusaka.

Yeremiya 1:10

Moone, olelo kohoovahani ikuru wa miloko ni omwene weera mwaakhe, mphwate, muhele nthala ni mukankhanyule, nitho weera muteke ni mphatteye.”

Yeremiya 1:4

Yave aahuuluma ni miyo akeerelaka:

Yeremiya 20:15

Oolaphiwa akhale mulopwana aathalihenre atithaka ihaali sa oyariwawaka; yoole aahakalalinghe, aweerelaka: “Nyuwo tiithi a mwaana mulopwana!”

Yeremiya 25:13

Kinookwanihera mulaponi mmo sootheene kuulumenlaaka yeeyo – sootheene silempwale mulivurunimu, Yeremiya uulumenlaawe miloko sootheene.

Yeremiya 36:2

“Mukuxe nikwakhwala ni mulepemo masu ootheene kooleenlaakani mwaha wa Yixrayeli ni Yuda ni wa miloko sootheene, okhuma kipacenraaka wooleelani moolamulani wa Yosiya, mpaka olelo.

Yeremiya 50:34

Wa soothesene, Namoopolaaya ti oolipa; Nsinanawe ti Yave a ikuru sootheene. Yooweene ti anaakihe mulattwaaya, ni onooruuhela wiitthuuwa elapwaaya, mene onoowuungurumiha yaawo ankhala oBabiloniya.

Luuka 1:15

Vano, anaakhale mutokweene vamaithoni wa Apwiya. Owo kharwa awura eviinyu, hoye hoye yoowura ekina. Anaakhale oosareya ni Munepa Wootteela okhuma ohinaaye oyariwawawe.

Luuka 1:41

Iiwaka Elisabeti esalaama ya Mariya, mwaana aattikinyeiya mmirimani mwa yoowo, ni Elisabeti aasareya ni Munepa Wootteela.

Luuka 1:76

Ni weyo, mmiravo, ngwiitthaniwe mprofeeti a Musulusulu niwoko onuurowe ohoolo wa Apwiya weera waarehererele Yaawo ephiro,

Yohaane 10:36

ankha Yoole Atiithi amutteelinghaaya ni amuruminghaaya mweelaponimu? Vano, heeni nyuwo munkootheraanyu weera kinooveiha keeraka weera kiri Mwaana a Muluku?

aRooma 1:1

Wa Pawulo, murumeiyi a Kristu Yeesu, iitthaniwe weera akhale murummwa, aathanliwe weera alaleiye masu ooreeraxa.

aRooma 8:29

Vano, yaawo Muluku aasuwenlaawe okhuma khalayi, aahaathanlatho weera ekhale oolikana ni Mwanawe, weera Owo akhale Ntthaara variyari wa axunneiye ancipale.

1 aKorinto 8:3

Vaheera mulopwana onimusivela Muluku, owo oosuweliwa ni Muluku.

awEfeso 1:22

Muluku iiyaathiye itthu sootheene vathi wa inaawosawe ni oomuthanla ntoko muru wa itthu sootheene wa ekerexa