Yeremiya 1:3 - Emakhuwa Bible

³ Aapwaherera wuuluma ni yoowo mpaka ehuhu ya olamula wa Yehoyakimi, mwaana mulopwana a Yosiya, mpakatho mweeri wanaathanu wa eyaakha yanaamuloko niimoha ya olamula wa Zedekiya, mwaana mulopwana a Yosiya, mwene a oYuda, ehuhuweene yeele amaki a oYerusaleemu yaaronghiwaaya wootthukiwani elapo ekina.

Yeremiya 1:3 Iomraidhean Croise

2 Mamwene 23:34

Farawu* Neko aamukhaliha Eliyakimi, mwaana mulopwana a Yosiya, mwene vanipuroni na atithawe, anaceendya nsina na Eliyakimi amuttehaka Yehoyakini. Vaheera aamukuxa Yehohawazi, anamurowano wExipitu mwa weiwo okhwenlaawewo.

2 Mamwene 24:17

Aamukhaliha Mataneya, atatawe Yowakimi, mwene a vanipuroniwawe, anaceendya nsinanawe amuttehaka Zedekiya.

1 Nyaha 3:15

Anamwane asilopwana a Yosiya: Yohanani, aari mwaana a ntthaara, anaaveeli aari Yehoyakimi, anaararu aari Zedekiya, ni anaaxexe aari Xalumi.

Yeremiya 1:4

Yave aahuuluma ni miyo akeerelaka:

Yeremiya 34:1

Nebukadenezari, mwene a oBabiloniya, anakhottwaawe ootheene a imwene sootheene ni miloko sa omwene owo aalamulaawe yaawananaaya oYerusaleemu ni isidade sootheene saarukureenrewo, Yave aamurumihela masu ala Yeremiya:

Yeremiya 35:1

Ala ti masu Yeremiya aakhenlaawe wa Yave mweehuhuni ya olamula wa Yehoyakimi mwaana mulopwana a Yosiya, mwene a oYuda:

Yeremiya 36:2

“Mukuxe nikwakhwala ni mulepemo masu ootheene kooleenlaakani mwaha wa Yixrayeli ni Yuda ni wa miloko sootheene, okhuma kipacenraaka wooleelani moolamulani wa Yosiya, mpaka olelo.

Yeremiya 39:2

Munihukuni nanaathannamaxexe na mweeri wanaaxexe wa eyaakha yanaamuloko niimoha ya olamula wa Zedekiya exiri ya esidade yaapwexiwa.

Zakariya 7:5

“Mwaakohe atthu ootheene a elapo nitho asaserdoti*: ‘Nyuwosa mwaatthukaka ni mwaalalamikaka mmweerini wanaathanu ni wanaathannamiili iyakhasene seiye miloko mithannamiili sivinre, vekhaikhai mwaakipakela Miyo?

Zakariya 8:19

Yave a ikuru sootheene oneera ha: ‘Otthuka wa mweeri wanaaxexe, wanaathanu, wanaathannamiili ni wanaamuloko onoothatuwa ihuhu soohakalalaxa ni ifesta soosareya ohakalala wa oYuda. Tivawo, musivele ekhaikhai ni murettele.’