Yeremiya 1:2 - Emakhuwa Bible

² Yave aahuuluma ni Yeremiya vayaakhani yanaamuloko niitthaaru ya olamula wa Yosiya, mwaana mulopwana a Amoni, mwene a oYuda.

Yeremiya 1:2 Iomraidhean Croise

1 Mamwene 13:2

Aahaakhuwelela altaari* mwa Nsina na Yave eeraka: “Ii! Altaari*, altaari! Yave oneera ha: ‘mwaana mulopwana aniitthaniwa Yosiya anaayariwe mukhapirani mwa Davide. Owo anaapake sooveleela sa asaserdoti* a miluku sikina, mwa yaawo anghisa erubani* va ni makhuva a atthu eniihiseriwe vasulu valtaarini* ala.’”

1 Mamwene 13:20

Awosa ekilaathiyeene vameesa, Yave aahuuluma ni mprofeeti oowuuluvala, mwa yoowo aamuhokolonxe mwaana mulopwana a Muluku ole.

2 Mamwene 21:18

Manaxe aahookhwa, anavithiwa ni makholowaawe munttimbeni na empa ya emwene, munttimbeni na Uza. Mwanawe mulopwana, Amoni, ti aamurandenle.

2 Mamwene 21:24

Vaheera muloko waawiiva ootheene yaamvaanelenle mwene Amoni, onamvara omwene mwanawe mulopwana Yosiya.

2 Mamwene 22:3

Vayaakhani yanaamuloko niithannatthaaru ya olamulawawe, mwene Yosiya aamurumiha namalepa Xafani, mwaana mulopwana a Azaliya, mwaana mulopwana a Mexulami, wa Empa ya Yave. Aamweerela:

Yeremiya 1:11

Yave aahuuluma ni miyo akeerelaka: “Munoonani, Yeremiya?” Kaamwaakhula: “Kinoona ephandi ya mwiri wa emandoweira*.”

Yeremiya 1:4

Yave aahuuluma ni miyo akeerelaka:

Yeremiya 25:3

Mweehuhuni ya iyaakha miloko miili ni tthaaru masu a Yave yannakirweela – okhuma eyaakha yanaamuloko ni tthaaru ya olamula wa Yosiya, mwaana mulopwana a Amoni, mwene a oYuda, mpaka nihuku na olelo. Ni miyo kohuuluma ni nyuwo imaara soohaalikeleya, vaheera nyuwosa khamukiiwale.

Yeremiya 28:12

Mprofeeti Hananiya amalihaleene opasa nihasu muxiko wa mprofeeti Yeremiya, Yave amweerela Yeremiya:

Yeremiya 3:6

Moolamulani wa mwene Yosiya, Yave aakeerela: “Nyuwo mohoona yoohiroromeleya apankaaya aYixrayeli? Aawela mwaako wootheene woorakamela, enarowa vathi wa nyiri sootheene soopombaxa weera eraruwe.

Yeremiya 36:2

“Mukuxe nikwakhwala ni mulepemo masu ootheene kooleenlaakani mwaha wa Yixrayeli ni Yuda ni wa miloko sootheene, okhuma kipacenraaka wooleelani moolamulani wa Yosiya, mpaka olelo.

Hoxeya 1:1

Yave aahuuluma ni Hoxeya, mwaana mulopwana a Beeri, moolamulani mwa Uziya, Yotami, Ahazi ni Hezekiya, mamwene a oYuda ni Yerobowami, mwaana mulopwana a Yehowaxi, mwene a oYixrayeli.

Yoweli 1:1

Masu a Yave yaamurweenle Yoweli, mwaana mulopwana a Petuweli ti ala:

Yoonasi 1:1

Masu a Yave yaamurweenle Yoonasi, mwaana a Amitai, ni nlamulo nna:

Mikeyasi 1:1

Masu Yave uulummaawe mwa Mikeyasi a oMorexeti mweehuhuni ya olamula wa Yotami, Ahazi ni Hezekiya, mamwene a oYuda. Nyoonelo owo oonnaawe singhima sa oSamariya ni oYerusaleemu.

Zefaniya 1:1

Yave aahuuluma ni Zefaniya, mwaana mulopwana a Kuxi, mwaana mulopwana a Gedaliya, mwaana mulopwana a Amariya, mwaana mulopwana a Hezekiya. Zefaniya aalaleiya mutthenga ola mweehuhuni ya olamula wa mwene Yosiya, mwaana mulopwana a Amoni, mwene a oYuda: