Yeremiya 1:16 - Emakhuwa Bible

¹⁶ Kinoothoriha mulokwaaka niwoko na sootakhalasaya sootheene wookihiya Miyo, ohiseraka erubani* miluku sikina ni olapaka seiyo apankaaya matataaya.

Yeremiya 1:16 Iomraidhean Croise

2 Mamwene 22:17

Isarasaka nsipattele nipuro nna ni malumi a isarasaka kheerwa ecipihiwa niwoko awo yaakihiya ehiseraka erubani* miluku sikina ni yaatannya isarasaka niwoko na icaambulo sincipale sa miluku sikina yaapankaaya.’

2 Nyaha 15:2

Owo aarowa omukumanano Asa, anamweerela: “Asa vamoha ni muloko wootheene wa oYuda ni oBenyamini, mukiwiriyane: Nyuwo mwakhala ni Yave, Owo onookhala ni nyuwo. Mwamwaasa, Owo onimootthuniherani omphwanya, vaheera mwamuhiya, Owotho onimoohiyani.”

2 Nyaha 28:2

Owo aaheettela iphiro sa mamwene a oYixrayeli, anapaka miluku sa eyuuma, eerelaka waalapa aBahali*.

2 Nyaha 34:25

Yeenre ekihiya, enahisera erubani* miluku sikina, etannyaka isarasaka mwa miluku sootheene sipakiwe ni matataaya, isarasaka sinoopattela nipuro nna ni khasicipihiwaru.’

2 Nyaha 7:19

Vaheera nyuwo mwasusa, munahiya ikano ni malamulo koovanghaakani, munakokhorela miluku sikina ni munalapa,

Yesaya 2:8

Elapwaaya yoosareya miluku soowootha; awosa anlapa miteko sa matataaya – seiyo apankaaya.

Yesaya 37:19

Yaavonyera milukusaya mmooroni, ephwataka, niwoko khasaahiyono miluku, mene nyiri ni maluku paahi, ookheriwa ni atthu.

Yesaya 44:15

Owo omvarela muteko mpatta mmoha wa mwiri woopattihera mooro. Yoowo onkuxa, akukhelaka woora, anooxa epaawu. Mene ompakatho muluku, analapa. Owo ompaka ecaambulo, anuuramela ohoolowaya.

Yesaya 65:3

Ti muloko onkitannya woohihiyerera woohiipithiheya opakaka sooveleela munttimbeni ni ohisaka erubani* valtaarini* a indyerwa.

Yeremiya 10:15

Seiyo ti soohimuteko, sootthebwiwa ni atthu; nthorihelonaya naaphiyaka, sinoophwatiwa.

Yeremiya 10:3

Vano ikhovelelo sa miloko khasimuteko; awosa anuuha mwiri wa moothakoni ni neettotto ompattha ni ephalo.

Yeremiya 11:12

Vano mittetthe sa oYuda ni amaki a oYerusaleemu anookhuwelela miluku mwa seiyo anghiseraaya erubani*, mene iyo khasirwa saavuluxa yaaphwanyaka erisa.

Yeremiya 11:17

Yave a ikuru sootheene, ophatteiye, ohoorumihelani erisa, niwoko ipuumba sa oYuda ni oYixrayeli soopaka soonanara sitannyaka isarasaka woomuhisera erubani* Bahali*.

Yeremiya 15:6

Nyuwo mookihiya,” onghima Yave, “nyuwo mumpwaherera okhala oohapuweene. Tivawo kineeraaka kootaveeni koophwatakani; nkingweratho woomorelani ikharari.

Yeremiya 16:11

Vano mwaaleele yaawo: ‘Ti niwoko na okihiya wa makholowaanyu,’ onghima Yave, ‘ni na otthara miluku sikina erumeelaka ni elapaka seiyo. Awosa yaakihiya ni khayiiwelenle Nlamulonaka.

Yeremiya 17:13

Ii! Yave, Oweherera wa oYixrayeli – ootheene anoohiyani Nyuwo anoohaawa wuulihiheya muru. Yaale anoohuluwani, vano masinaaya anoolempwa muntthupini, niwoko na omuhiya Yave, Naattuuttu a maahi a okumi.

Yeremiya 18:15

Wa soothesene mulokwaaka wookittiwala; awosa anghisera erubani* miluku soohimuteko, mwa seiyo sinaakwattuliha mphironimwaya ni mphironi sa khalayi. Iyo sohaatannyera weetta moothweelelani mmiseweni soothipakaseya.

Yeremiya 19:4

Vano awosa aakihiya ni aatatuxa nipuro nna nipuro na miluku sa anamarwa; awosa aahisera erubani* miluku mwa seiyo awosa, naari makholowaaya, hata mamwene a oYuda yahaasuwenlaayaru ni aasariha nipuro nna ephome ya oohinthowa.

Yeremiya 2:13

Mulokwaaka woopaka itthu sootakhala piili: owo wookihiya Miyo kiri naattuuttu a maahi a okumi, ni woothipa ihimesaya, aani ihime soowaaleleya sihingwera okhalano maahi.

Yeremiya 2:17

Nyuwo muneenaanyu ti nanthowa mwa yeeyo yookhumelenleni, woomuhiya Yave, Mulukwaanyu, Owo oweettihaleni mphironimwawe.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 2:28

Siri woowi miluku mwiipakenlaanyu? Iyo sirwe sawera soovuluxeni mmakacamihoni! Vano milukusanyu khasireere ntokotho isidadesanyu, oYuda!

Yeremiya 4:12

Epheyo yoowuupaxa yeeyo yoorumihiwa ni Miyo. Vano kinlaleiya kaalakelenlaaka yaawo.”

Yeremiya 4:28

Tivawo elapo eneeraaya elalamike ni erimu enooriipihana niwoko kohuuluma ni nkirwa kiceendya; koolakela ni nkirwa kihokolowa.”

Yeremiya 44:17

Ettiitthu nnoopaka sootheene nihimmaahu weera nnoopaka: nnoomuhisera erubani* pwiyamwene a wiirimu ni nnoomuyeehera soovaha sa soowura, ntoko nipankaahu hiyo, makholowaahu, mamwenaahu ni ahoolelaahu mmasidadeni sa oYuda ni mmiseweni sa oYerusaleemu. Ehuhuweene yeele naaruwera, naari ooweetteleya nnene nihihaawelaka etthu.

Yeremiya 5:29

Vekhaikhai ontthuneya waattaruxela yeeyo!” onghima Yave. “Vekhaikhai ontthuneya wiinlela ikukuttula muloko ntoko ola!”

Yeremiya 5:9

Vekhaikhai ontthuneya waattaruxela yeeyo!,” onghima Yave. “Vekhaikhai ontthuneya wiinlela ikukuttula muloko ntoko ola!

Yeremiya 51:17

Ootheenaawo alolo ni oohisuwela; khula neettottho onuulihiheya muru mwa ecaambulo opantthaawe. Icaambulosawe soopatthiwa ti mwiiyero, iyo khasinono ngwiya wa okumi.

Yeremiya 7:17

Khamunoona yeeyo awosa ampakaaya mmittettheni sa oYuda ni mmiseweni sa oYerusaleemu?

Yeremiya 7:18

Anamwane anaasa ikhuuni, asitiithi ampattiha mooro ni asithiyana aneetheya ephepa empakelaka iboolu pwiyamwene a wiirimu. Awosa angyeehera sooveleela soowura miluku sikina weera etannyere isarasaka.

Yeremiya 7:9

Munuupuwela weera onoowereya wiiya, wiiva, oraruwa, wootha, omuhisera erubani* Bahali* ni otthara miluku sikina muhisuwenlaanyu,

Ezekiyeli 16:18

Nyuwo moowarihatho soowarasanyu sooxoriwa, munaveleelela makhuuraaka ni erubanaaka.

Ezekiyeli 24:14

Miyo, Yave, kohuuluma. Yoophiyera ehuhu kineeraaka kivare muteko. Nkikhurunuwa; nkimorela ikharari, hata nkihiyerera. Nyuwo mmwithorihiwe ottharihiwaka mweettelowaanyu ni mitekosanyu, onghima Yave onlamula sootheene.’ ”

Hoxeya 11:2

Vaheera Miyo kaawiitthanaxaaka aYixrayeli, awosa ti yaakirakamelasaaya. Awosa yaahaapakela sooveleela aBahali*, ehiseraka erubani* icaambulo.

Hoxeya 8:6

Mwaamombe ola opakiwe ni aYixrayeli! Opakiwe ni namapattha. Owo khahiyono Muluku. Mwaamombe a oSamariya onoopwexakasiwa.

Yoweli 2:11

Yave onnakhuwela ohoolo wa anakhottwaawe. Awo ari oohaalikeleya ni yaawo aniiwelela nlamulonawe ari ooweraxa. Nihuku na Yave ti ntokotoko ni noowoopihaxa. Khaawo anaawere ovilela.

Miteko 7:41

Ehuhuweene yeele yaapaka muluku mukina ni ekhalelo ya emombe ekhaaneene. Yaaruuhela soovaha ni yaahakalalela yeeyo matataaya yaapankaaya.

Deuteronomiyo 28:20

Yave onimoorumihelasani malapho ohiiwanana ni opwapwelana mwa sootheene muneeraanyu mpake mpaka muneeraanyu mphwatiwe muhaawaka wootutuxereya niwoko na yoonanara mpankaanyu woomuttiwala Yoowo.

Deuteronomiyo 31:16

Yave aamweerela Moisesi: “Nyuwo munimwiitthuuwa vamoha ni makholowaanyu ni muloko ola woowaakuveya onooraruwasa, ottharaka miluku sikina sa elapo oneeraaya wavolowe. Awosa anookihiya, ehipwatthaka wiiraana kaapakenlaaka.

Yoxuwa 24:20

Nyuwosa mwamuhiya Yave murumeelaka miluku sikina, Owo onimoorukunuwelani ni onimoottaruxani. Naari areene a nnene ni nyuwosa, owo onimoophwatasani.”

Ethupululo 9:20

Yaawo yaahanle ehiiviwe ni sohooxa iye, waarookhalaru hiiho, khayaarukunxale murimaaya wa miteko sa matataaya. Awo khayaahiyale olapa minepa soonanara ni miluku sikina sa iyuuma soorikaxa soohiyanahiyana; sa maluku ni sa nyiri; seiyo sahaawera woona, wiiwa, naari weetta.