Yakobe 5:7 - Emakhuwa Bible

⁷ Tivawo, axunna, ngweherere ni ovilela mpaka orwa wa Apwiya. Moone moota namalima ongwehereraawe weera emattaawe eruwere soohepha sootthuneyaxa, ni moota ongwehereraawe ni ovilela mpaka otthula ni omala wa epula.

Yakobe 5:7 Iomraidhean Croise

Yeremiya 5:24

Awosa khaaniixeerela: ‘Nrowe, nimooveke Yave Mulukwaahu, mwa Yoowo onrupiha epula mutthulo ni ya mulaala mweehuhunimwaya ni onnivaha isimana sa ohepha mweehuhunimwaya.’

Hoxeya 6:3

Nimusuwele Yave; niilipiheraxe omusuwela. Owo aniixoonihere mooteene yoole ninkhumaaya nsuwa; onimoorwa wa hiyo ntoko epula ya mulaala, aani ntoko epula mutthulo ennaanihaaya etthaya.”

Yoweli 2:23

Muhakalale atthu a oSiyoni! Munghakalalele Yave Mulukwaanyu, niwoko ohoovahani epula mutthulo moororomeleyanimwawe. Owo ohoovahani epula mutthulo ni ya mulaala, ntoko aapakaawe khalayi.

Zakariya 10:1

Mumvekele Yave epula mutthulo; ti Yave ompaka etari. Owo onaarupihela epula atthu, aameliheraka soomela.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Matheyo 16:28

Miyo kinoororomelihani weera akina ari va, khaanrowa okhwa ehinaaye omoona Mwaana a mutthu awaaka moomwenenimwawe.”

Matheyo 24:27

Vano, ntoko overinya onkhuma ninkhuma nsuwa ti woowooneya mpaka ninkela nsuwa, hiihotho onuukhale owa wa Mwaana a mutthu.

Matheyo 24:44

Hiiho nyuwotho ontthuneya wiireherera, niwoko Mwaana a mutthu anaawe ewoora nyuwo mungwehereraanyu vakhaani.

Luuka 18:8

Miyo kinooleelani: Owo anaawuulumele mulattwaaya woowaakuveya. Wa soothesene, aawaaka Mwaana a mutthu, anaaphwanye nroromelo mweelaponimu?”

Luuka 21:27

Vano eniimoone Mwaana a mutthu awaaka munihutteni ni ikuru ni ovuwa otokotoko.

Luuka 8:15

Mmiso waamorenle vatthayani yooreera ti yaawo aniiwa nsu na Muluku ni murima wooreera ni wa nnene, ansunga nno mmirimanimwaya, ni anniima soowiima moovilelani.

Yohaane 21:22

Yeesu aamwaakhula: “Miyo kaatthuna weera owo akhale ni okumi mpaka kineeraaka kihokolowe, eheeni mumpwatthaanyu? Mukitthareke nyuwo.”

Yohaane 21:23

Tivawo yiiwanyeyaaya masu weera oohusera owo kharwa akhwa. Yeesutho kheenre weera owo kharwa akhwa. Eenre paahi: “Miyo kaatthuna weera owo akhale ni okumi mpaka kineeraaka kihokolowe, eheeni mumpwatthaanyu?”

aRooma 15:4

Sootheene silempwe khalayi, silempwe weera sinixuttihe, mooteene yoowo weera niwoko na ovilela ni olipihiwa onrweela wa Yoolempwa*, nikhaleke ni oweherera.

aRooma 2:7

Owo anaavahe okumi woohimala wa yaawo ampwaherera opaka nnene ni anaasaasa ovuwa, nttittimiho, ni okumi woohimala.

1 aKorinto 1:7

moota wooweera ehoohaleeleni naari vakhaani yamahala ya Munepa nyuwo muwehereraka weera Apwiyaahu Yeesu Kristu ethupululiwe.

aGalata 5:5

Hiyo ningweherera munroromeloni ninrweela wa Munepa Wootteela waakhuleliwa ni Muluku ori owehererawahu.

aGalata 6:9

Nihikhulumuwe opaka yooreera, niwoko ehuhu eneeneene nnihephe, hiyo naahiporora.

Deuteronomiyo 11:14

vano, kinoorumihela epula elapwaanyu ehuhu yootthuneya; epula mutthulo ni epula ya mulaala, weera muhephe etrigwaanyu ni mukhaleno eviinyu enyowani ni makhura.

aKolosi 1:11

Nimvekelatho weera nyuwo muthatuwe oolipa ni ikuru sootheene niwoko na ikuru sa ovuwawawe weera muvilele sootheene ni oweherera ni ohakalala,

1 aTesalonika 1:3

Ninnuupuwelela mahuku ootheene vamaithoni wa Muluku mitekosanyu sinruweriwa ni nroromelo; nthitinanyu nneettihiwa ni osivela, ni ovilelawanyu onrweela wa waaweherera Apwiyaahu Yeesu Kristu.

1 aTesalonika 2:19

Vano, ari taani owehererawahu, ohakalalawahu, hoye hoye ecireembaahu vamaithoni wa Apwiya Yeesu moorwaanimwaya, ohikhanle nyuwo?

1 aTesalonika 3:13

Awo elipihere mirimasanyu weera mukhale oohikhala malepa ni ootteela vamaithoni wa Mulukwaahu Atiithi moorwani mwa Apwiyaahu Yeesu vamoha ni ootteelaaya ootheene.

aHeberi 6:15

Hiiho, vahoolo wa oweherera ni ovilela, Abrahaamu aahaakhela yoororomelihiwa ele.

Yakobe 4:11

Axunna, muhaapaneke mukina ni mukhwaawe. Yoowo onuuluma soonanara sa munneiye, hoye hoye omuthoriha, onuulumela nlamulo ni onthoriha nno. Mwaathorihaka nlamulo, khamunkwanihera nenno, mene muniikhaliha ntoko mphuki a nenno.

Yakobe 5:10

Axunna, ngwuupuwelele maprofeeti yuulumale mwa Apwiya ntoko ethoonyero ya opixa murima moohaawani.

Yakobe 5:3

Iyuumasanyu soorikaxa soociwa murawa, ni murawaaya onuuwoothereni ni onuukhuure erutthwaanyu ntoko mooro. Nyuwo mohaattano mihakhu mahuku ookisera ala.

2 Pedru 3:4

mwa yaawo eniyeere: “Ori woowi orwawawe woororomelihiwa? Okhuma okhwa wa makholowaahu sootheene simpwaherera ntoko okhuma ompacereroni wa ephattuwelo.”