Yakobe 5:16 - Emakhuwa Bible

¹⁶ Tivawo mulapelane sootthekasanyu mukina ni mukhwaawe, ni muvekelelane mukina ni mukhwaawe weera mukhale oolamihiwa. Nivekelo na mutthu oororomeleya ti na ikuruxa ni noowereya.

Yakobe 5:16 Iomraidhean Croise

Epacerero 19:29

Muluku aphwatakaru isidade iye sa elapo ele, aamuupuwelela Abrahaamu, anamvenxa Loti mwa ophwata iwe waaphwante isidade piili iye Loti aamankaawe.

Epacerero 20:17

Abrahaamu aamvekela Muluku ni Owo aamulamiha Abimeleki, amwaariye ni mpaka ipotthasawe ni hiiho yaaweratho oyara.

Epacerero 20:7

Vano, omuhokoloxere mwaneene a muthiyana owo. Owo mprofeeti, onimoovekelela weera weyo ohikhwe. Mene waahimuhokoloxera, osuwele nnenesene weera weyo vamoha ni amusaawo onimookhwa.”

Epacerero 32:28

Vano mulopwana ole aaheera: “Nsinananyu khanirwa niitthaniwatho Yakobe, mene Yixrayeli, niwoko nyuwo moowana ni Muluku, nitho atthu, munawina,”

2 Samuweli 19:19

anamweerela: “Pwiiyaaka ahaalikelele yootakhalaaka. Muhuupuwelele moota murumeiyaanyu oopakenlaaweni yoonanara nihuku nenenenne pwiiyaaka mwene aavenyaawe oYerusaleemu. Dyoontte, mwene ahuupuweleletho yeeyo.

1 Mamwene 13:6

Vanonto mwene aamweerela mulopwana a Muluku: “Dyontte, mumvekele Yave Mulukwaanyu mwaha wa miyo weera moonowaaka olame.” Mwaana mulopwana a Muluku aamvekela Yave ni moono wa mwene waalama, onakhala weerenlaaya.

2 Nyaha 30:20

Hiiho, Yave aahiiwa nivekelo na Hezekiya ni aalevelela muloko.

Yobi 42:8

Vano murowase mpaka wa murumeiyaaka Yobi, mwaakuxe aximombe athanneeli, ni anapunci a ikhondoolo athanneeli, ni mwaapakele sooveleela soohisa mwiixeerelaka asineenaanyu. Murumeiyaaka Yobi onimoovekelelasani ni Miyo kinimwaakhulela nivekelonawe ni nkinoopakelasani yeeyo mumphwanelaanyu moololoni mpankaanyu. Nyuwosa khamuulumme yeeyo eri ya ekhaikhai mwaha wa Miyo, ntoko opankaawe murumeiyaaka Yobi.”

Icipo 34:15

Yave ongwoona yaale ari oororomeleya ni Owo onimwiiwa okhuwelawaya.

Okhuma 17:11

Ehuhu yootheene Moisesi eemexaawe nyoono, aYixrayeli yaahaleela owina, mene imaara sootheene aakuruxaawe nyoono, awAmaleki yaahaleela owina.

Okhuma 9:33

Hiiho Moisesi aavenya wa Farawu*, anakhuma musidade. Aamweemexera matata Yave. Itari ni maralala yaamala ni epula yaamaaxa.

Masu a Miruku 15:29

Yave ori ottai wa atakhali, vaheera oniiwa nivekelo na oororomeleya.

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Masu a Miruku 28:9

Mukina akhootta wiiwa nlamulo, mpaka mavekelowaawe anoothanyeya.

Yeremiya 15:1

Vano Yave aakeerela: “Naari Moisesi ni Samuweli yaakhanle ohoolowaka evekelelaka muloko ola, hata hiiho nkaamorela ikharari muloko. Moomole ohoolowaka. Muloko owo opwaheke!

Yeremiya 33:3

‘Mukikhuwelele Miyo ni kinoowaakhulani kiwooniherakani itthu sitokotoko ni soohaalikeleya nyuwo muhisuwenlaanyu.’

Yeremiya 42:2

mprofeeti Yeremiya, enamweerela: “Dyoontte, mwiiwe yoovekaahu ni mumvekele Yave, Mulukwaanyu, mwa hiyo ni wa ahalahanle ootheene ala. Ntoko munoonaanyu, naarookhalaru ancipale, vano nihanle vakhaani.

Nuumeru 11:2

Vano muloko waamukhuwelela Moisesi ni owo aamvekela Yave, mooro onacipha.

Matheyo 21:22

Sootheene muneeraanyu muvekele ni mavekelo, mwaroromela, nyuwo mmwaakhele.

Matheyo 3:6

Elapaka sootthekasaya, yaapatisiwa ni yoowo mmoolokoni Yordanu.

Marku 1:5

Atthu a elapo yootheene ya oYudeiya ni muloko wootheene wa oYerusaleemu yaahoowa wa yoole. Elapaka sootthekasaya, yaapatisiwa ni yoowo mmoolokoni Yordanu.

Luuka 9:6

Hiiho awo yaavenya ni yaarowa mmittettheni, elaleiyaka masu ooreeraxa ni elamihaka mweelaponi yootheene.

Yohaane 9:31

Noosuwela weera Muluku khammwiiwelela namattheka, mene ommwiiwelela yoowo onimuttittimiha Muluku ni ompaka otthunawawe.

Miteko 10:38

Moosuwela moota Muluku aamuttikitthenlaawe Yeesu ni Munepa Wootteela, ni ni ikuru, ni moota Owo eettaawe ilapo sootheene apakaka itthu sooreera ni aalamihaka ootheene yaale yaalamuliwe ni Diyabu*, niwoko Muluku aari ni Yoowo.

Miteko 19:18

Ancipale a yaawo yaaroromenle, yaahoowa ni yaalapa ehimaka mwaatthuni mitekosaya soonanara.

Miteko 8:24

Vano Simeyoni aamwaakhula: “Mukivekelele miyo wa Apwiya weera ehikikhumelele naari etthu emoha ya seiyo munuulumaanyu.”

aRooma 3:10

Ntoko elempwalaaya: “Khaawo mutthu a ekhaikhai, naari mmoha;

aRooma 5:19

Hiiho ntoko atthu ancipale apakiwaaya anamattheka niwoko na ettiyamaaru ya mutthu mmoha paahi, hiihotho niwoko na wiiwelela wa mutthu mmoharu paahi ancipale eniyaakhuleliwe ni Muluku.

aKolosi 1:9

Tivawo, okhuma nihuku niiwalaahu yeeyo, khaninghiyerera woovekelelani, nivekelaka weera nyuwo mukhale oosareya ni esuwelo yootheene ya otthuna wa Muluku, vamoha ni miruku sootheene ni wiiwexexa wa mmunepani.

1 aTesalonika 5:17

Muvekele woohihiyerera.

1 aTesalonika 5:23

Muluku muneenaawe a murettele ootteeliheni woowaatta. Munepaanyu, okumaanyu ni erutthwaanyu yootheene ethokororiwe woohikhala malepa moorwaani wa Apwiyaahu Yeesu Kristu.

1 aTesalonika 5:25

Axunna, munivekeleletho hiyo.

aHeberi 11:4

Munroromeloni Abeli aamvaha Muluku yooveleela yoopwahaxa ya Kayini. Munroromeloni owo aahooneliwa okhala ntoko mutthu owaakhuleliwa ni Muluku, eenre Owo aakhulelaka soovahasawe. Naamwi akhwaaka, munroromeloni nlelo owo onimweera wuuluma.

aHeberi 11:7

Munroromeloni Nowe, oopereriweene itthu nlelo sahaakhumelenle ni eettihiweene ni woova wootteela, aapaka nikula weera avuluxe emusaawe. Niwoko na nroromelo owo aathoriha elapo ya vathi ni aahaakhela waakhuleliwa ni Muluku onrweela niwoko na nroromelo.

aHeberi 12:13

Mpakele iphiro soowookowa inaawosanyu, weera ootuthunya ahitepaxe, mene alamihiwe.

aHeberi 13:18

Munivekelele hiyo. Noororomela weera nookhalano murima wooreera, ni ninghaawela okhala moota woottittimiheya mwa soothesene.

Yoxuwa 10:12

Vanihukuni nenenenne Yave aawinyenraawe awAmori wa aYixrayeli, Yoxuwa aamukhuwelela Yave vamaithoni wa aYixrayeli: “Nsuwa, neemelele oGibiyoni ni mweeri, weemelele vareyareyani na wAyaloni!”

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

1 Yohaane 3:22

ni wa Yoowo ninaakhela sootheene nimvekelaahu, niwoko niniiwelela malamulowaawe ni nimpaka yeeyo enimusiveliha.

1 Samuweli 1:12

Owo amvekelaka hiihaale Yave, Eli aaweha eyaanowaawe.

1 Samuweli 12:17

Ela ti ehuhu enghephiwa ya etrigu. Kinoomvekela Yave weera oorumiheleni etari ni epula. Ni nyuwosa munoosuwela yeeyo mpankaanyu yoomunanara Yave woomvekela mwene.”

1 Samuweli 12:18

Vahoolowaya Samuweli aamvekela Yave ni nihuku nenenenne Owo aarumiha etari ni epula. Vano muloko wootheene waamoovaxa Yave ni Samuweli.