Yakobe 5:11 - Emakhuwa Bible

¹¹ Ntoko nyuwo musuwenlaanyu, hiyo ningwiitthana ooreelihiwa yaale yaavilenle. Nyuwo mohiiwa sa opixa murima wa Yobe, ni mohoona ommaleloni Apwiya yaamurehererenlaaya. Apwiya oosareya murima wooreera ni omorela ikharari.

Yakobe 5:11 Iomraidhean Croise

1 Nyaha 21:13

Davide aamwaakhula: “Othananawaka ti otokotoko! Fataari omorela mmatatani mwa Yave, niwoko ikhararisawe ti sitokotoko, ohikhanle omorela mmatatani mwa atthu.”

2 Nyaha 30:9

Nyuwosa mwahokoleela wa Yave, yaawo yaavanre axunninyu ni anamwaniinyu, animwaamorelasa ikharari, ni awosa anoohokoleela elapo ela, niwoko Yave, Mulukwaanyu, ti ooreera murima, ni oosareya ikharari. Owo khookhoottani nyuwosa mwahokoleelasa wa Yoowo.”

Nehemiya 9:17

Yaakhootta owiiwani ni yaattiwala sootikhiniha mwaapakenlaanyu. Yaahuumiha mirima moovaanyanimwaya, emuthanlaka mutokweene weera ehokoleele mpotthanimwaya. Wa soothesene, Nyuwo ti Muluku onlevelela; moosareya mahala ni ikharari; oopisa onyoonyiwa ni oosareya osivela. Tivawo mwahaahingyaanyu,

Nehemiya 9:31

Wa soothesene, mukhararinimwanyu sitokotoko khamwaaphwante naari khamwaahingye, niwoko Nyuwo ti Muluku oosareya mahala ni ikharari.

Yobi 1:1

Mulaponi ya wUzi aakhala mulopwana iitthaniwa Yobi. Aari mulopwana ookwanela ni oororomeleya; annamoova Muluku, asembaka opaka sootakhala.

Yobi 1:2

Owo aakhalano anamwane asilopwana athanneeli ni anamwane asithiyana araru,

Yobi 2:10

Yobi aamwaakhula: “Nyuwo munuuluma ntoko mulolo. Naakheleleke paahi yooreera nivahiwaahu ni Muluku, woohaakhelatho yoonanara?” Waarookhalaru hiiho, Yobi khuulumaru naari nsu nimoha noomveiha Muluku.

Yobi 23:10

Vaheera Owo oosuwela ephiro kimviraaka; aakootaka murima, kinookhumela wiithela ntoko eyuuma yoorikaxa.

Icipo 103:13

Yave onaamorela ikharari yaale ammoova ntoko tiithi onaamorelaawe ikharari anamwanaawe.

Icipo 103:8

Yave ti a ikharari ni a murima wooreera; Owo ti oopisa onyoonyiwa ni oosareya osivela.

Icipo 116:5

Yave ti a murima wooreera ni a ikharari; Mulukwaahu ti oopixa murima.

Icipo 119:132

Mukiwehe ni mukimorele ikharari ntoko munaapakelaanyu mahuku ootheene yaale ansivela Nsinananyu.

Icipo 145:8

Yave ti a ikharari ni oopixa murima, Owo ti oopisa onyoonyiwa ni oosareya osivela.

Icipo 37:37

Mwaawehe atthu ookwanela; ngwoone atthu a ekhaikhai; mulopwana a murettele ookhalano ya muhoolo.

Icipo 51:1

Ii, Muluku! Mukimorele ikharari niwoko na osivelawanyu woohimala; mucipihe sootthekasaka soonanara niwoko na murimaanyu wooreera.

Icipo 78:38

Hata hiiho aahaamorela ikharari; aahaalevelela sootthekasaya ni khaaphwata. Emaara ti emaara annahuluxa isarasawe ni khaanyoonyeriwa.

Icipo 86:15

Vaheera Nyuwo, Yave, ti Muluku a ikharari ni a murima wooreeraxa, oopisa onyoonyiwa ni oosareya osivela ni ororomeleya.

Icipo 86:5

Ii! Yave, Nyuwo ti oolikaneene olevelela ni a murima wooreera. Nyuwo moosareya mahala wa ootheene angwiitthanani.

Icipo 94:12

Ii! Yave, ooreelihiwa ti mulopwana Nyuwo munimulakaanyu; yoole Nyuwo munimuxuttihaanyu Nlamulonanyu.

Okhuma 34:6

Aavira ohoolo wa Moisesi alaleiyaka: “Yave, Yave – Muluku oopixa murima ni a ikharari, oovilela, oosareya osivela ni ororomeleya,

Namalaleiya 7:8

Fataari ommaleloni wa itthu ohikhanle ompacereroniwaya, ni fataari ovilela ohikhanle wiikuxerera.

Yesaya 63:7

Kinimuuluma sa murima wooreera wa Yave, sa mitekosawe sootikhinihaxa – sootheene onipakenlaawe, aani itthu sooreera sincipale opakenlaawe ekhapira ya Yixrayeli niwoko na ikhararisawe ni murimaawe wooreera mutokotoko.

Yesaya 63:9

Moothanananimwaya moothemwene Owo aathananatho ni ndyelo a okhalawawe aahaavuluxa. Owo aawoopola moosivelanimwawe ni mukhararinimwawe. Ti Yoowo aavenxa, aweettihaka mmahukuni a khalayi.

Icipo Soolalamika 3:22

Niwoko na murimaawe wooreera Yave, nlelo khoomanle, weenre osivelawawe ohooceeleyaka.

Daniyeli 9:9

Yave Mulukwaahu ti a ikharari ni oolikaneene olevelela, nrimoovaanyaniru.

Yoweli 2:13

Muhaahule sowarasanyu, mene muhule mirimasanyu. Muhokoleele wa Yave Mulukwaanyu, niwoko Owo ti a ikharari ni murima wooreera; oovilela ni oosareya osivela. Ti oopisa oruuha nihooxo.

Yoonasi 4:2

Owo aamvekela Yave: “Yave, kheehiyono yeela miyo kaahimalaaka nlelo kaaraka owaani? Ti yeeyo miyo kaatthawenlaka oTaresisi. Kaasuwela weera Nyuwo muri Muluku a ikharari, a murima wooreera, oopixa murima, oosareya osivela ni munroromeliha ottaruxa, mene vahoolowaya munooceendya.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Nuumeru 14:18

Yave ompisa onyoonyiwa ni oosareya osivela woohimala, alevelelaka otakhala ni ovaanya. Vaheera khanghiya yoottheka woohittaruxa, ni onaattaruxa anamwane mwa sootakhala sa asitiithi mpaka ekhapira yanaararu ni yanaaxexe.

Matheyo 10:22

Atthu ootheene eniyoothanyeeni niwoko na Miyo, mene yoowo anaavilele mpaka ommaleloni, anaavuluxiwe.

Luuka 1:50

Ikhararisawe simphiyera ikhapira sootheene sa yaawo ammoova.

Luuka 11:10

Ootheene amvekela, animwaakhela; yoole onaasaasa, onoophwanya; ni wa yoole ommana nsele, onoohuleliwa.

Luuka 6:36

Mmoriwe ikharari ntoko Atithinyu ammoriwaaya ikharari.

aRooma 2:4

Weeraka nyuwo munramusa mihakhu sa murimaawe wooreera Muluku, opixa murima, ni oweherera ni ovilela wa Muluku, muhisuwelaka weera murima wooreera wa Muluku onooronghani woorukunxani murima?

awEfeso 1:6

Nnimuttottopele niwoko na ovuwa wa mahalaawe, mwa yaawo Owo onivanghaawe mwa Oosiveleya.

awEfeso 2:4

Wa soothesene, Muluku areene oosareya ni ikharari, oonivaha okumi vamoha ni Kristu

aHeberi 10:39

Wa soothesene, hiyo khanihiyono a yaale anghokoleela ottuli ni amphwatiwa, mene a yaale anroromela ni amvuluxiwa.

aHeberi 3:14

Vekhaikhai, hiyo nri mpatta wa Kristu, navarela nnenesene mpaka ommaleloni nroromelo nne naakhalannaahu ompacereroni.

aHeberi 3:6

mene Kristu ti oororomeleya ntoko Mwaana a Empa ya Muluku. Vano, Empeene yeeyo ti hiyo, navarela nnenesene oweherera ni ororomela mwa weiwo ninroromelaahu.

Yakobe 1:12

Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

Yakobe 1:2

Axunnaka, muupuwelele weera ti ohakalala otokotoko nyuwo mwaaviraka ngweereriwani woohiyanahiyana,

1 Pedru 1:13

Tivawo, mukhale oolikana mwa soowuupuwelasanyu. Muwehaweheke ni muweherere mahala muneeraanyu mvahiwe Yeesu Kristu ooniheriwaka.

1 Pedru 3:14

Wa soothesene, hata mwahaawa niwoko na oreera, nyuwo muri ooreelihiwa. Muhoove yeeyo awo anoovaaya, ni muhituthuwe.

2 Pedru 2:9

Tivawo, nnoona weera Apwiya aasuwela owoopola atthu a murima wa omuluku wa sooweereriwa ni waatthuka atakhali wa nihuku na othorihiwa,