Yakobe 4:2 - Emakhuwa Bible

² Muniinlela itthu ni khamumphwanya. Muniiva ni munnakhalela nrima, mene khamungwera ophwanya yeeyo muntthunaanyu. Munnyakulihana ni mungwana. Khamurino, niwoko khamumveka.

Yakobe 4:2 Iomraidhean Croise

1 Mamwene 21:6

Owo aamwaakhula: “Niwoko kaamweerela Naboti muYizereyeli: ‘Okithumihere emattaawo ya iwuuva* hoye hoye, watthuna kinimoovaha ematta ya iwuuva* ekina kaakakhanyihaka ni yeela.’ Vaheera aakeerela: ‘Nkingwera woovahani emattaaka ya iwuuva*.’”

Masu a Miruku 1:19

Iwo ti ommaleloni wa anamahaawela; yoole oneetta moota owo, oniiphwata muneenaawe.

Namalaleiya 4:8

Aakhala mulopwana mmoha aari meekhaaweru paahi; khaarinoru mwaana naari munneiye. Aavara muteko woohihiyerera! Wa soothesene, maithwaawe khayaahakalalela mitekosawe. Owo oniikoha: Kimvarelaxa heeni muteko ni kinixiimanela heeni itthu soosiveliha? Eyo kheentaphulelaru etthu; owo ori mulattu woothananiheya.

Yesaya 7:12

Vaheera Ahazi aamwaakhula: “Nkimvekela; nkirwa kimoota murima Yave.”

Habakuki 2:5

Aani eviinyu ti enimulokottha; owo ti oowiixoona ahiitthuuwaka mahuku ootheene. Khamvona ntoko okhwa okhalawawe ti wootthunatthuna, awinaka miloko sincipale. Onthukumanyiha mukhwipimwawe milokosene seiyo.

Yohaane 16:24

Mpaka vano nlelo khamunaaye ovekela etthu mwa Nsinanaka. Muvekele ni mmwaakhele weera ohakalalawanyu okhale wookwanela.

Yohaane 4:10

Yeesu aamwaakhula: “Nyuwo mwaasuwenle yamahala ya Muluku ni taani onoovekelani maahi, mwaamumvekela maahi ni Owo aamoovahani maahi a okumi.”

Yakobe 1:5

Akhala mukina a nyuwo onthoiwa miruku, amvekele Muluku onaavaha ootheene ni ohakalala ni otthuna wootheene, ni vano anaavahiwe.

Yakobe 5:6

Nyuwo mohaathoriha ni mowiiva atthu oohikhalano nthowa, hata yaawo ehikhalaka amwiittanaanyu.

1 Yohaane 3:15

Yoowo onimuthanya munneiye ori namwiiva, ni nyuwo moosuwela weera khawowo namwiiva orino okumi woohimala mwaneenaawe.