Yakobe 3:2 - Emakhuwa Bible

² Hiyo ootheene ninkwattuliwa mmootani woohiyanahiyana. Akhala mukina ohinkwattuliwa ni wuuluma, mulopwana owo ti ookwanela, ni awerakatho olamula erutthwaawe yootheene.

Yakobe 3:2 Iomraidhean Croise

1 Mamwene 8:46

Onoowereya aYixrayeli wootthekelani, niwoko khaawo ohinttheka. Yootthekelani, Nyuwo munimwaanyoonyeriwa ngwinnyereraka mmatatani mwa amwiittana weera yaavare ootthukiweene yaaronghaka elapwaaya – ekhalaka ya ottai hoye hoye ya vakhiviru.

2 Nyaha 6:36

Awosa yootthekelakani, eenre ahikhalaru ohinttheka, munaanyoonyerasiwa ni munawinnyerera wa amwiittanaaya, ni awo yaarongha wootthukiwani elapo ekina yoorakamela hoye hoye yookhuveela,

Yobi 15:13

Vano nyuwo muningyeehera isarasanyu Yave, mukhumihaka masu ala mmwaanomwanyu.

Icipo 34:13

muhiihe malumaanyu wuuluma soonanara ni iyanosanyu weera sihoothe.

Icipo 39:1

Keenre: “Kinoowehaweha mweettelowaaka ni nkinttheka ni maswaaka. Nkuuluma etthu atakhali ereene mukhwipimwaka.”

Masu a Miruku 10:19

Yaattaka masu, yoottheka eri vaavaawo, vaheera yoowo ongwehaweha nlumi ti a miruku.

Masu a Miruku 13:3

Yoowo onthokorora eyanowaawe onthokorora okumaawe, vaheera namuulumaxa onimweera wiihela nthala.

Masu a Miruku 20:9

Taani aneere: “Koorapiha murima; kootaphuwa mwa yootthekaaka?”

Masu a Miruku 21:23

Yoowo onuurela eyanowaawe ni nluminawe onsemba ohaawaxa.

Namalaleiya 7:20

Vanonto, khawoworu naari mmoha mulaponimu oororomeleya ompaka yooreera, ahinatthekaru.

Yesaya 64:6

Hiyo ootheene naathatuwa ntoko oohitteela ni mitekosahu soororomeleya sootheene siri ntoko mattapwatta oonanara; ootheene hiyo ninnyaala ntoko makukhu, ni ntoko epheyo sootthekasahu sinnivavihera ottai.

Levitiku 13:39

musaserdoti* awehaweheke ni maleepela yakhala ootteela ehinaara, ti eretta yoohoopiha yuulaanne; mutthu owo ti ootteela.

Matheyo 12:34

Inowa! Ongwereya hai nyuwo muri oonanara ohima itthu sooreera? Eyano enlokolola sa itthu siri vamurimani.

Matheyo 12:37

Vano, ni maswaanyu nyuwo munoovariwa ni milattu, hoye hoye woohikhalano.

aRooma 3:10

Ntoko elempwalaaya: “Khaawo mutthu a ekhaikhai, naari mmoha;

aRooma 7:21

Hiiho, kimphwanya nlamulo nna nivaraka muteko mwa miyo: Kaatthunaka opaka yooreera, yoonanara eri vamoha ni miyo.

1 aKorinto 9:27

Kinuumaaliha erutthwaaka ni yeeyo kimpaka epotthaaka, weera kaalaleeraka akina, miyo mwaneenaka kihootheriwe etthu.

aGalata 3:22

Yoolempwatho enghima weera elapo yootheene eri yootthukeya ni soottheka, weera yoororomelihiwa ya Muluku yaavahiwe aKristu niwoko na nroromelo mwa Yeesu Kristu.

aGalata 5:17

Vano, erutthu entthuna yeeyo eniittana ni Munepa, ni Munepa yeeyo eniittana ni erutthu. Iyo sinnawana, moota wooweera nyuwo muhiwere opaka yeeyo muntthunaanyu.

aKolosi 1:28

Hiyo nnimulaleiya Yoowo, nimoopereraka ni nimuxuttihaka khula mutthu ni miruku sootheene weera niwoonihere atthu ootheene ookwanela mwa Kristu.

aKolosi 4:12

Epafra ori mmoha a nyuwo ni murumeiyi a Kristu Yeesu onimoovahani isalaama. Owo onnawana woohihiyerera mmavekeloni wa nyuwo weera nyuwo mupwaherere oolipeene mwa otthuna wootheene wa Muluku ntoko atthu atokweene munroromeloni ni ooviriyeliwaxa.

aHeberi 13:21

ookwaneliheni nyuwo mwa sooreera sootheene weera mupake otthunawawe. Owo awere mwa hiyo muteko woomusiveliha mwaha wa Yeesu Kristu, mwa Yoowo okhale ovuwa woohimala. Ame*.

Yakobe 1:26

Akhala mukina onuupuwela weera kiri mulipa a ediini, mene ahiwehawehaka nluminawe, oniilokottha mwaneenaawe. Ediinaawe eri ya siiyo!

Yakobe 1:4

Ontthuneya weera ovilela okwaniheriwe weera nyuwo mukhale atokweene munroromeloni, ni a ekhaikhai ehoohaleelakani etthu.

Yakobe 2:10

Vano, yoowo oniiwelela nlamulo nootheene, mene onkwattula ni mpatta mmoha paahi wa nenno, anaakhale ni milattu ntoko khiiwelenle nlamulo nootheene.

1 Pedru 3:10

Vano, “Yoowo ontthuna osivela okumi ni woona mahuku oohakalaleya, athokorore nluminawe mwa soonanara ni eyanowaawe mwa masu oolokottha.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.